Xanga is a weblog of my daily life.
今天，孫老師又持續他的硬膠神功！今堂，他叫我們畫一幅自畫像，然後寫寫自己的夢想，極直無聊。但總好過聽他那無聊的教導。
接著 Miss Cheung 請了假，所以我們多了兩堂空堂 ，又不用交功課，很快樂！上完英文堂後，有十個同學仔去了生記吃午飯，大感謝啊！吃完午餐後，接著就是三堂純數課。不過，老師竟然花了三堂的時間來完全一題長題目，因此時間也很容易度過。
放學後，我便繼續上器械班，然後到灣仔補習。BoBo又坐在我的身旁，不時還傳出陣陣惡臭，真是招架不住！完了補習課後，在巴士站前，竟遇見遵理的同學仔阿文。那時，突然有輛97經過，心想要等一段時間，於是便周圍逛逛。可是，不夠兩分鐘又出現另一輛97。結果我再次錯失機會。最後，第三輛車的出現，我才能回家…
今個Day6可以話係最無癮既Day6…因為今日個d堂都係無無聊聊度過。而最尾果兩堂中文變左聽「性騷擾工作坊」= =||
放學之後去棋藝，點知個鬼死咁多會員喎…搞到秩序大亂個會長同副會長又係有問題既。又唔去拎人名紙，甚至連d幹事名都未清楚。仲有個財政，次次未完會就走左去！
都係個班舊「靚」識做，留低幫手。
返到屋企，雖然心情唔係好靚。但係一見到部5.1，立即唔同晒！之後，即刻拎左小寶隻LIVE.TOUR.2004出黎睇，真係太正喇！好有現場feel啊！最正係睇到Jewel Song，小寶著裙好靚！
而家心情終於緩和番，之後又再睇8 films and more，簡直係一流!!
好～而家充滿 power 做功課、溫書!
而且他的吹水能力也遠遠超越肥文，由五時半到十時半，他不停地講述很多大學選科收生的情況，讓我對此事了解深了。今日水運會玩得好開心，而我志在參與，不在乎成績。但係多多喜竟然無膽出場，正一係郩底獸！
今次亦係我第一次參加水運會，報左50、100公尺蛙式。不過好搞笑囉，100公尺7條線裡面，有5條線都是自己同學仔。當時阿sir話要一定要跳水，鐽到我個心口紅晒。
雖然兩場比賽都係包艇，但係總成績唔算係最尾，哈哈。 況且，始終成績對我都並唔係咁重要，而且游水都唔係我強項，所以都無咩所謂。降旗禮之後，就落生記吃午飯，仲見到肥鍵！
水運會之後，好疲倦啊！
於是就返屋企訓覺…zzZZ
訓醒之後，已經係3:30左右。然後就開始起行去旺角買波衫。大約等左15分鐘，我夢魅以求既10號柏金波衫終於面世喇！！大興奮！而且行過百老匯，亦不忘望一望小寶特大號。
嘩！正啊！真係好大張啊！
另外，今日亦係妹子耀生日，我係信和買左一張Twins月曆俾佢。不過睇黎都係俾妹子隆據為己有。買完禮物之後，我地就去左【友和】食晚飯。之後又下影相，切蛋糕，都玩得幾開心。
晚飯過後，都差唔多10:30。肥鍵想去戲院睇《殲滅生還者》。不過當時大多數既戲院都已經開左場…
所以最後大家都係各自返屋企……
嗯，不俗的一天。
今日又係玩得好瘋狂。小息個時，我同英武展開粉筆大戰！午飯之後就同同學仔玩bagiko，狀態大勇啊！四勝封王！
上完器械之後，就去了包玉剛練游水黎準備聽日既比賽。由於疏於練水，游起黎就覺得好吃力。熟習過後，我都漸漸回復番狀態，但係此終都係游得好慢。不過對比之下，多多喜比我仲虧。佢連四份之一個塘都游不到。真係好難想像聽日佢點出賽。其實我既目標都係志在唔好包尾，希望聽日有特出既表現啦
今天真是累極了…特別是眼睛
而且近日天氣也開始轉晾，大家要好好保重身體哦 
靚靚