Xanga

由於昨晚深夜溫習的關係，今天上課時一直精神不振。應用數堂，議員今天來一個「突擊測驗」！不過，在試題中已附了答案，我們只需把步驟一一寫出便可以。 雖然這些試題是由歷屆試題中抽出的，但也不算十分困難，只是運算有點複習而已，所以算成應付。

到了下午，Happy約我們去綠野食午飯，今次差不多有大半班都出席。本來我們想用群眾壓力威迫Miss請客 但是她只請了Happy一人而已。午飯後，物理測驗也開始了。在測驗前，我地而向7A班的同學了解了試題的內容，他們說這次測驗即使看書也感到困難。不過，這份試卷並非想像中的情況一樣，我作答的表現挺滿意

如前日般，放學後我便立即趕上健體班。由於大部分的器械都已教授了，所以今天自由時間比較多。今當嘗試了多種不同的器械，感覺不錯。回家後，便漸覺睡意，由於太累的關係，午睡醒來後已經是九時半。吃過晚飯後，便作溫習、做功課，然後便睡覺了。

這幾天都是睡眠不充，幸好Happy-Friday過後便可休息一會。但這只表示可睡眠長一些，因為這個週末卻用來補償我過去曾浪費的光陰。

這年是中學階段的最後一年。我想應該在畫上句號之前，留下一段美好而充實的中學回憶。因此，我打算參加今屆的水運會比賽

此外，今天報名參加了三個學會，分別是中文、棋藝及電子學會。參加這三項課外活動是另有原因的

1.中文學會 – 硬膠孫sir帶領，可以不理
2.棋藝學會 – 全部幹事也是自己人，也可不理
3.電子學會 – 一年也不集會一次，更可忽視

其實今年要應付高考，沒有多餘時間去參與課外活動，所以選擇那三項是明智之選

放學後，自修室溫習，準備明天的物理測驗。這個測驗分為開卷測驗與不開卷測驗，分別是開卷測驗的分數會以75%計算。不竟我是求學不是求分數，而且測驗是一個測試實力的好機會，我當然用自己溫習的知識來作答！

過了三日的假期，又要重回上課的日子了。今天的純數測驗就像發了一場惡夢般。其實首兩題並不算是很難的題目，可是我卻糊塗地計算錯誤，真是有點兒失望  也可能是近日所教的課程都比以前較深，令我對純數的期望愈來愈低．．．

測驗過後，我又要趕上器械健體班。今次是第二堂，所以教練做的基本熱身練習總算應付得宜。而且今次所教授的器材比較簡單，所以運用起來也不太困難。從教練口中得知，健體金卡的測試在十月中旬舉行。可惜，由於名額已滿，因此要留持器械健體班完結後才正式測試。

今日行程緊密。接下來，我又要到灣仔溫習物理了。今堂H.L.Tam教授Wave，難度一般。補習之後，我便回家吃飯了。

今天實在太累了，享用完一個恆溫熱水涼後，便慢慢進入夢鄉了。

今天從教育電影中，欣賞了一個嶺南大學校長演說的講座。題目名為「博雅之風」。相信大家頓時產生一個大疑問，甚麼是「博雅之風」呢？

簡單而言，博雅之風就是「博雅教育」。它的教育理念是注重博，而不是精。節目完結後，我便開始溫習，直至六時，再次學習新語法。這天學了「落雨點」的新語法，並加入了幾首背景音樂。相信這次大改版後，還有一段時期才進行更新。

今朝俾一聲巨響嚇醒左。起身之後，發現陰雲密佈。考慮一陣，都係照原定計劃行事，因為今日係殺科日，死都要去踢波啊！

到左球場之後就開始落雨，不過電視廣告話「落雨又有咩好怕」，於是我地都係繼續踢波！但係尾段雨勢愈落愈大，去到無法繼續踢既地部，我地決定收拾行裝，返屋企休息。

我同妹子隆先係大家樂嘆早餐，之後就返屋企沖個熱水涼，真係好鬼舒服！跟著訓一訓，養足精神，再戰黃竹坑！！

下晝陽光普照，簡直係天公做美。於是我就打俾景賢問佢幾點踢波，佢話五點先開波，所以見有時間我就上網學左幾種唔同既語法。相信大家睇多幾次我個xanga就會知道。

終於都到踢波既時間，可惜天時、地利都俱備，奈何就係無對手同我地鬥波，唯有自己射下龍門。過左無幾耐，就有一班人同我地鬥波！但係，鬥波既過程，簡直係痛苦，完全被對手圍剿、屈機！我地全無反擊既餘地。鬼咩，成隊跟本就無隊形，個個又跟人唔貼。阿邦一有波就大腳吊前，跟本就毫無威脅，都唔知佢做咩嫁。

唉，個舊患又被人弄傷，好痛啊！今個殺科日簡直是痛苦！

唉～真是沒運！阿仙奴在完場前竟然被對手追和。可能這就是上天對我懶惰的懲罰。本來今個下晝雄心壯志的我要決定努力溫習！奈何一場晨曦對傑志的悶旦比賽，卻令我荒廢了整整一個下午。

天啊！世間上實在大多誘惑。我該如果才能尊心溫習！每天都是頹廢地度過。每天放學後便回家睡覺。醒來了，便看電視、上網、看動畫，日日如是。如果長此下去，升讀大學之路豈不是難上加難？不能這樣繼續下去！

原本我想在早上便到自修室裡溫習。奈何偷懶的我又再一次留在家裡上網、上網、上網．．．

今天早餐後，看過很多設計別緻的網頁，學習到很多網頁的特別效果。因此，沒有溫習的我在整整的一個早修改xanga。今次加了一個Banner及一個滑鼠效果，希望大家喜歡。

好！不要頹廢了~！下午要努力溫習！

尋日上完器械健體班之後，今朝一起身就腰酸骨痛，不過都無損今天我既心情。因為今日就係 Happy Friday + 最 free既 Day 6。每個 Day 6簡直好似一個緩衝日，有五堂電子堂、一堂Pure、一堂Form Period 再加兩堂硬膠孫sir堂，簡直係一絕！

今日電子堂唔洗聽肥佬講書，佢俾我地做AL工件(電子稻草人)，點知快要完成個陣，肥佬話有d野要改番…真吹到 ~~搞左一輪之後，終於完成~!! 不過件工件好似有點反應遲鈍 ，要走到好近，先探查到。

hea下hea下，又到lunch時間。食完飯就要去開prefect大會。原來要搵人做家長日工作人員。搞左一大輪，最終要挾錢，屈個人出黎做 上到班房，發現成班企係門口等運到。原來係阿雞放左條門匙係教師檯面，成班無門口入。隔左一陣，肥仔搵到第二條銷匙上黎，點知開唔到門既  過一陣又搵到另一條銷匙上黎，又係開唔到門既  最後，用我地班獨有智能卡，開左6B班房。無入個舊班房太耐，發覺個班房大左好多。鬼咩，而家個7B班房成個貨櫃箱，又長又窄。

不經不覺又到孫老師上中文堂，孫sir持續佢既硬膠講書法 講左一輪唔知講咩後。叫我地做堂課。佢又話要即堂收，點知到最後又係俾我地星期二交  就放學既時候，我地又棍孫sir打左放學鐘。點知多多喜係度問佢問題。搞到佢無放我地走。

今日返學真係爽，而且又有得放三日假 不過都係星期日踢埋殺科戰，就要開始溫書下個星期就開始有測驗喇，正好測試自己學到幾多野。再者，學Miss話，係時候要turn on喇，要為今年AL考試準備!!

今日係上器械健體班既第一堂。我放左學之後就立即趕去健身室。不過，當我進入健身室之後，竟然發現全部都係阿伯、阿嬸，一個青春可愛既後生女都無，真係可憐。

開始既時候，女教練就教我地做熱身動作。嘩！每個動作都難度極高！做到我條頸鬼死咁痛。但係教練話只係平時四份之一既份量，真係大驚訝！勉勉強強咁捱過熱身之後，教練就講解每一部器械點樣使用。（當時我好俾心機去聽嫁，不過一返到屋企就只係記得第一部器械是鍛鍊胸肌，其他就唔係好清楚，哈哈）

聽完一番講解後，我地就開始自由活動。咁我首先就玩下第一部器械啦，點知第一格已經覺得好重，幾經辛苦先做到十下啊！後來，我又試左幾部器械，但係情況同上述一樣。

睇黎，我都係要係屋企自己練下舉重，練習下。唔係到考金卡個日做到死死下，實合格唔到喇。