人沒有犧牲的話，就什麼都得不到。為了得到什麼，就必須付出同等的代價。可是，事實上世界並不是完美的，沒有一種原則能解釋一切，包括「等價交換」！
但是我仍然相信，沒有付出是不會有得到任何收穫。而我們所受的痛苦，所付出的血汗，也一定能成為得到某種東西的代價。
Xanga
Xanga is a weblog of my daily life.
Sunday October 3, 2004 Xanga
今日出旺角拎a-nation精品~~今次買左BoA既太陽帽 
靚靚
靚靚唉～不過勁唔好彩囉！最衰係壇主啊，呃我話我係最遲果個，搞到我走「寶」喇！我地約左係旺角【搞花臣】球場等，去到先發覺原來仲有人遲過我！早知就唔洗咁趕啦！
【搞花臣】球場今日有國慶七人賽，於是就睇左場加納對巴基斯坦，走個陣係1:1，加納個龍門著阿仙奴，支持你啊！之後就去灣仔補習。今次專登扮睇唔到超煩，落堂之後，貓強打黎話約我行街街，以為佢會還錢啦，點知仲想屈我請佢飲野，佢都硬膠既！
返到屋企即刻睇鋼鍊。今集大結局喇！十分鐘就交代晒，超快！不過仲係有好多野唔係好明，於是再睇多次。唉，咁快就大結果，好唔捨得啊，唯有等出OVA啦，不過又有排等喇，病厭厭啊(@￣3￣)。
之後，壇主突變ICQ我，我只係見到大大隻字BoA入侵旺角！！原來係我走左之後，佢地係旺角見到BoA特大號廣告啊！依個可以話係香港第一個BoA廣告，但係好衰嫁！竟然唔可以親眼睇到！唔得啊！下個星期一於出去要睇睇！
Saturday October 2, 2004 Xanga
今天早上，鬧鐘一響，我便立即起床。吃完早餐後便開始做功課。因為昨晚很遲入睡，所以今天做完news-reading又再次找周公聚舊。而今天下午，我去了自修室溫習。
大約五時正，我約了波波在自修室門口集合，其後再在天星碼頭及地鐵站會合了勤、鏗及虧佬便大隊上名師補習社補英文。但是，由於A.Wong要準備講座，所以今堂不是現場，而由助教補上。補習過後，我便趕去妹子隆家中觀賞球賽。
阿仙奴非常強勁啊！當我去到隆家，主隊便領先2:0。今場又派出法比仔上陣，根據法比定律，這場賽場至少贏三球或以上。結果，阿仙奴最後4:0大勝對手！今場又打出了水銀瀉地的攻勢，而柏金又添加了兩個助攻，真是了不起！
Friday October 1, 2004 Xanga
偶然停下腳步來 好好地思考、反省一下 這樣是好的
Thursday September 30, 2004 Xanga
今天是學生會選舉的大日子日，但是選用了我最深愛的中文堂及電子堂作辯論大會，真是可惜。在選舉中，我投了二號內閣「共和閣Ｐｌｕｓ」，因為我覺得他們比較有創意和噱頭，相信他們來年必定大有作為。
另外，阿雞與阿達今天也請了病假，但是，阿雞竟在下午回來上課，真是不得其解！？
回家後便看看歐聯比賽。可是阿仙奴的比表真令我失望，其實對手也不強勁，奈何全隊太過自信，不思進取，結果只能取得一分
自阿嬌缺陣後，才發現他的好處。唉～阿嬌還要傷出一個月啊，希望雲加多點採會用法比仔吧，因為伊度打防守中場真是 X#$Y%!
明天又是假期了 要好好利用 
Wednesday September 29, 2004 Xanga
今天朝早，無無聊聊玩下特效，整左兩幅圖。
然後就去補習。今日蜥蜴竟然遲過我到，結果我要坐係BoBo隔離><！咁都唔係辦法，我同蜥蜴決定下期轉堂，避開BoBo
補完習後，返屋企做功課。之後，夜晚就去海怡半島食飯，食到好飽飽。
B女好叻啊，又識唱歌、又識擺 pose～kawaii～
Tuesday September 28, 2004 Xanga
中秋節 + Day 6 = 一個快樂的日子 
首先電子堂 以為有係齋做工件，點知肥佬話教書 = =我掛著教熙Pure，搞到無聽書 
接著Pure堂，係度畫斯路大戰悟飯…勁無聊！跟著果3堂電子就測試工作…時間好快就過…咁就食晏喇
接著Pure堂，係度畫斯路大戰悟飯…勁無聊！跟著果3堂電子就測試工作…時間好快就過…咁就食晏喇依個下晝勁爆笑
食完晏 返到課室，見到浩民畫緊7B四聖獸，咁我都畫埋一份 
之後到班主任課，我地成功屈大頭龜做總務。Miss話今堂無野做，俾我地自由活動。哈哈…我同阿雞玩天下太平 阿雞玩到得翻個”平”字。但係我又唔咁快殺佢住，係佢周圍狂起野。最後阿雞自己投降。
食完晏 返到課室，見到浩民畫緊7B四聖獸，咁我都畫埋一份 之後到班主任課，我地成功屈大頭龜做總務。Miss話今堂無野做，俾我地自由活動。哈哈…我同阿雞玩天下太平 阿雞玩到得翻個”平”字。但係我又唔咁快殺佢住，係佢周圍狂起野。最後阿雞自己投降。又到硬膠中文堂喇，我地好似提早放學咁，個個玩到瘋。今堂孫老師叫我地做聆聽，點知佢又硬膠膠唔識用部機。嘉豪仲爆笑，成格飛機飛去孫sir度，佢竟然唔理喎！之後嘉豪仲明目張膽”偷”影孫老師，孫sir又硬膠膠唔知被人影緊 。
今日係中秋節，回想番以前每逢中秋都同堂阿哥佢地玩煲蠟。有時又會北上放煙花，真係幾正！不過而家唔俾煲蠟，搞到中秋無咩好玩。
到左夜晚，我就上左水塘玩蠟燭，舅父仲教我左影夜景，學識左先閃後快門。好正啊，以後影夜晚唔會又暗、又花喇！之後係度狂影蠟燭。玩到12:30，就返屋企訓喇。
祝大家中秋節快樂！
Monday September 27, 2004 Xanga
今日嘉豪o係好中文堂好爆笑 
當時孫老師派翻上次d功課。不過嘉豪又未做，諗著就咁夾浩民張紙棍孫sir。點知今次孫sir鬼咁醒，一眼就睇得出唔係嘉豪d字跡，勁爆笑！ 之後，孫老師就叫我地練口試。今次Ball Ball勁灰 
因為周志輝無咩參與過。點知都係同Ball Ball同分 
搞到Ball Ball綠晒。 中文堂後 又到放lunch，今次為在避開 Bo Bo ，搞到我要運路走!!
當時孫老師派翻上次d功課。不過嘉豪又未做，諗著就咁夾浩民張紙棍孫sir。點知今次孫sir鬼咁醒，一眼就睇得出唔係嘉豪d字跡，勁爆笑！ 之後，孫老師就叫我地練口試。今次Ball Ball勁灰 因為周志輝無咩參與過。點知都係同Ball Ball同分 搞到Ball Ball綠晒。 中文堂後 又到放lunch，今次為在避開 Bo Bo ，搞到我要運路走!!last堂上Physics，祖祖偉唔講書帶我地落去做實驗，又見到綠晒既Ball Ball喇！今次Ball Ball被人吹啊！全場曾sir狂玩Ball Ball，但係Ball Ball又好鬼naughty，係咁走黎走去 放學之後，去左自修室做Pure。變態嫁！個四條數超煩 @@!
放學之後，去左自修室做Pure。變態嫁！個四條數超煩 @@!返到屋企，就睇鋼鍊。今集總算解開左幾個迷團。但係到最尾好突然啊~~!! Edo 既然被恩維殺死 
!?套戲真係好正啊，不過下集就Ending喇！得51集，好唔夠啊 
!?套戲真係好正啊，不過下集就Ending喇！得51集，好唔夠啊 Edo ~~~你死左邊個幫 Alu 復原啊 ~~~~~
Sunday September 26, 2004 Xanga
最好的 尚未來臨……
柏金上身 Xanga
尋晚我同朋友仔一齊係摩頓臺踢波，當時我就做龍門，而且表現神勇，佢地既射門通通都被我一抱入懷！我仲記得有一次射門，個時妹子隆近門一射，我反應奇快，單手就張個波擋出底線，諗番起都覺得自己好精采！
其後，佢地又射唔入我，我又覺得無咩癮，於是就換龍門，我就出黎射龍門啦。
我放定個波，拉弓一抽。雖然個波速度唔算好快，但角度極為刁鑽，依一球可以話係傳說中既「柏金無敵盪死角」入波！個波直飛龍門既右上角，應聲入網。在場既隊友都大讚好波。過左無耐，我地就同人地鬥波喇。對手實力好鬼強勁啊，佢地成班一直都壓制著我地俾打，令我地攻門都無咩。
但係，到左比賽既末段，我唔知點解，突然覺得自己氣力非凡！於是就上前攔截對手，當對手想傳球個時，我好似已經知道佢傳球既路線，我伸腳一攔，接著一個柏金傳身，將個波搶走。就係依個時間，我見到自己友正係處於一個極有利既位置，我就立即傳出一記柏金式直線。之後佢就直接引球壓入禁區。而我都正正步入禁區邊，正當守門員出營之際，佢將個波傳俾無人看管既我，我就做一件輕鬆無比既工作，就係輕輕將個波送入網窩。不過，見著個波慢慢咁流入尾袋個時，佢竟然彈柱而出！
好彩個波又彈番去我隻腳下，於是我就連忙一射，個波直飛眉底彈入。個時我先定一定神，今次真係入左波喇。個時我真係興奮無比，仲做一個舒利亞慶祝入波方式，向隊友沖過去，真係好正！
不過，我雙眼一開，原來只係一場美夢而已…