Friday September 30, 2005

不經不覺，我已經係Poly度過左一個月。由JUPAS揀科當日，我已經認定理工大學係我中七之後下一個里程碑。可惜，自JUPAS放榜之後，我感覺到Poly慢慢咁遠離我，而我亦慢慢咁投向City。但係機緣巧合，我又重投Poly既懷抱，真係覺得到冥冥中自有主宰。

初黎報到既時候，個人好徬徨，好多野都唔清楚，又驚問其他人喎。但係一星期之後，我結識左好多新朋友仔，又遇見番好多舊同學仔，同佢地分享左好多野，而且自己又體會到好多野，每一樣都令我感覺我真真正正過住一個大學生既生活。

不過，大學生既生活並非如之前所期望既一樣咁寫意。雖然曾經有一個星期上堂又唔聽書，掛著同同學仔玩，咩事都去到最後一刻先開始做，簡直超級hea！好彩，依幾日我終於都記得番到自己原來係讀緊HD而唔係Degree，於是急起直追。不過，發覺原來我同其他同學仔之間既距離而且相當之遠．．．

不過今日睇完PolyDream，我發覺我既理想係時候開始喇！秋天，一個為我而誕生既季節。勁過，博盡！我黎喇！

有理想，自然有你賞識！