Friday, September 09, 2005
今日返學感覺不俗，漸漸感受到校園生活既樂趣。而且同班同學仔熟落左，有時又會有講有笑，氣氛唔錯。上堂方面，教學內容深度開始提升，教左幾樣新野，不過都唔難應付既。今日仲拎左SU本notebook，本野資料好齊全，有晒office電話，搭車路線，對於我地Freshmen黎講真係幾方便。
但係最喜出望外都係我部PCC，本來諗著拎番去Dell俾佢維修。點知佢竟然換過部新機俾我，真係爽啊！
由於四姨婆係外國返黎，所以放學之後就去嘉年華大酒樓食晚飯。一路食就一路同Claire玩SMS，傾左成幾粒鐘偈，間中就同妹子們吹水，講下學園生活，時間好快就咁過去。跟著就去泰皇食甜品，食到十二點幾就走人。
依兩日真係好開心，因為好多以前積累落黎既問題都迎刃而解。但係，一直令我煩惱不堪既【十字幫】仲未剷除，希望星期日運動量唔好咁大，唔好令傷勢進一步惡化。我而家真係好想立即好番，痛痛快快咁踢一場好波！