Xanga

今日係阿均同3be生日既大日子，祝你地每日都過得開開心心，快快樂樂！下次開P就記得預埋我！唔好成日都係女子組玩晒！唔係會陰陽失調嫁！=P

星期五返學如常，C++是煩，TUT是好，LEC是悶，籃球賽是好玩……

放學之後就同小白去小西灣踢波，五人場，幾有挑戰性！不過就唔習慣無邊線，有時會以為出界而唔去追波！決定下星期繼續！

而家小白化悲憤為力量，化哀傷為衝勁！好！樂意奉陪！

p.s.我以後都唔會再講錯你同我，因為我愛小寶<3

在動物園散步才是正經事
(music/ lyrics by p)

今日參加EIE集體溫書團，終於清左四個星期既Linear.System，功課又攪掂晒！大滿足！不過，溫書中途走左去PQ睇James表演魔術，仲親身見到佢示範一次睇人型既書！表現不俗，但宜多作練習。

之後同阿king去北角春秧街，我周圍行，佢周圍影。途中見到好多小動物，好可愛呢！不過，阿king今日好似唔係幾開心，有時自己唔出聲，一個人好靜，完全唔似佢天真開朗既性格。

夜晚同齡齡佢地係海旁吹風傾偈，不過阿豐唔舒服，大家聽朝又要返早學，所以傾左一陣就各自歸家。多多好攪笑，同佢走既時候，因為佢人有三急，最後好有衝勁咁走返屋企！XDD

我發覺近排同左好多人傾偈，分享又好多自己既事，亦都了解左好多朋友既事，感覺非常愉快！大家既距離又拉近一大步！

p.s.點解無人通知我係hall有P玩！嗚…你地唔當我係同學仔喇……

今朝本來可以去強身健體！但係我張金卡既手續原來仲未做好，結果我只可以目送阿駱同holik入GYM房……嗚

接著四點半I.T.堂，阿sir講英文講得好難聽啊！包沙！包沙！教又教埋無聊野！於是我同James一齊走堂去Lib溫書。而家覺得LEC堂愈黎愈廢，班阿sir果個都係照notes讀，我都識教啦！

之後同古人去都會食晚飯，傾左好耐偈，無所不談！由第二族人既奇聞怪事講到細細個既無聊白痴事！哈哈！大肉丸！笑爆肚！XDDD

返屋企繼續同老king傾電話，媽媽用眼神怒視，需要理由嗎？哈哈！

另外，今日又有開心事！阿仙奴贏波！好野！繼續努力！

朝早返Poly畫畫，小貓三四隻，原來幅圖三月先要交！唉，真硬膠！

之後上David.Lab，今次真係大失敗啊！本來應該可以三點就放學，點知最後dem極都dem唔到俾David睇，結果周圍搵同學仔幫手，最後要四點九先有得放學……

但係放學之後好興奮！因為我要帶小寶返屋企啊！

我約左阿老，定叫阿king好呢？叫老king啦！我約左老king出銅鑼灣買碟仔！可惜，周圍都搵唔到小寶啊！於是我地周圍行，行啊行，去到阿貓地攤，裡面有好多貓貓手工藝，係一個幾特別既地方呢！最後佢就買左my little airport隻新碟……

我呢？好彩！終於係集成俾我搵到小寶！用左$218贖番屋企！好野！

跟著我地係188-298搵老翻碟Flash.8，不過老翻碟就無，AV碟就大把！老king仲成日推我入去睇AV！哈哈！而家唔洗買嫁，BT啦！

另外，今日係阿菜xanga收到一個好好好消息！就係GPA.3.2以上既同學仔都會有conditional.offer！好野！Sem.2要努力過3！

俾大家睇下無【短平直】之下分別……我命名為【沙羅慢蛇】

另外，小寶隻新碟好靚ar！所有插圖都好靚ar！>3<

p.s.近排成日煩襯SMS好友Claire，唔好意思！俾【十七話】你睇啦！

IC.Drawing個Miss變態嫁！每次都要俾好多好多好多堂課、功課我地做，聽日要交好多圖喇！隔離組既同學仔次次就畫完好簡單既堂課就可以走，唔公平！CRAZY！

放學之後就周圍行黎行去，內容秘密……八點幾左右就行到CRXXX，岩岩見到古人唱緊歌，不過……內容唔講。

古人係一個好好既天蠍女，好人係有好報既 =]

p.s.今日唔記得左小寶，對唔住……聽日我會帶妳黎屋企嫁喇！

有一件大事要公報！！【B-style】終於突破一萬大關！而第一萬個幸運兒就係……Claire！好！一於整個【B..style】俾你啦！XDD

講起Claire，真係好任性，尋晚佢竟然同我鬥耐唔訓覺，真係無有識死！！當年我會考通宵排聯招、連環通宵趕功課、長洲通宵睇日出等等，全部都鍛鍊出我無比既意志！

正所謂有MSN就有力量，有Xanga就有衝勁，我一邊同朋友仔玩MSN，一邊睇朋友仔既Xanga，輕輕鬆鬆就去到五點鐘。

不過最後我見佢把聲已經無黎神氣，仲要好硬頸話無事，唔棄權，又怕阻住佢細妹無覺好訓，咁我就棄權俾佢地訓覺啦！哈哈！

另外，今日見到一樣咁既野……想點……

最可憐係個位黃衫小女孩……點解香港會出現一個咁樣既人，想練功唔該番去深山啦，依度係火車黎嫁！

p.s.【第十六話】已經有喇！

今日由朝到晚都不停同好多朋友仔傾偈，SMS，MSN，ICQ，電話，面對面，除左無寫信就真係差唔多用晒所以傳播媒介。我發覺同人談天說地真係好開心，又可以增進友誼，又可以互相了解，簡直係人生一大樂事！

夜晚又同番一班舊同學打波，之後去海怡食飯，其間互相不停影相，大談舊事、趣事、生活事！感覺朋友真好！！

今日真係好開心！喜上加喜！因為我地EIE.Cup終於都殺入決賽，可以決戰車仔！雖然英超聯阿仙奴贏唔到車路士，但係決賽一定會用盡全力打敗車仔，為阿仙奴爭光！YEAH！兵工廠發歲！

p.s.分享一個十七既【外傳】，等大家了解一下十七歲既十六歲啦！

人生沒有多少個三年，既然要付出三年去學習，那就要選擇自己喜歡的，覺得有趣的，好好享受這條風光大路。

普遍香港人都有明確目標，努力讀書，到大公司工作，出人頭地，買車買樓，然後結婚，整個社會都好像朝著這個方向走。如果工作只是用來養活自己及家人，其實是很可悲。

人生有三分一、二的時間都是在工作，所以最理想的工作應是到了六十歲，回想起來都會笑的工作。

小眾的路從來都不易走，過往有多少人抱著滿腔熱誠上路，但能堅持走到最後呢？我想，只要堅持自己所想，我有信心你們能走出一條屬於自己的路。

轉自飛紙仔中的一篇謝安琪訪問

一朝早James打電話問我返到Poly未，如夢初醒既我睇一睇鬧鐘……唉，八點半，算啦！唔好返學繼續去訓覺，因為遲到好樣衰！點知發覺訓醒既時候已經係十二點，結果走晒上晝所有堂！>.<

下晝返去溫書做功課，而且更加無走Maths堂！不過我都係一邊同同學仔傾偈，一邊留意阿Sir既小動作，哈哈！

最近我識左一個讀design既朋友仔，佢講左好多攪笑野俾我聽，我覺得佢既生活好寫意，好多空間！好想走晒所有悶蛋lecture堂，去出面見識一下依個世界啊！

p.s.【第十五話】已經有喇！