Xanga

尋晚Karen話加入一齊玩，我都唔知玩咩，不過O左一陣咀就知道要玩咩喇！哈！咁都俾佢地諗到用依個咁新穎既方法玩MSN，好野！XDDD

今日與老同行，同朱朱仔偷食偷食。

十二點半，康怡【犀照】，整體黎講，齣戲都幾好睇！由於我地個位周圍都無人坐，所以一開始都驚驚地，但係後來發覺【犀照】原來係恐怖片，場面只有恐怖核突，都唔驚嚇，所以我都無咩膽顫心驚既感覺。不過背景音樂同水缸蘇絲就嚇到阿老媽媽咪喇！

我地食完豬扒包之後，就去銅鑼灣【阿麥書房】。一直以為果度係俾人讀書嘆茶既好地方，原來只係一個普通書房。跟著我地就去左玩具反斗城搵火車模型，不過搵唔到岩心水既。

然後我地就去【阿貓地攤】畫畫，裡面有好多貓仔周圍行黎行去，隻隻都肥嘟嘟，好可愛呢。最後，我地去左食擔擔麵就返屋企喇。

今日好開心，好耐無試過行街、睇戲、食飯喇！

流水很清楚惜花這個責任　真的身份不過送運

今日起身，感覺精神飽滿！全身充滿力量！從Winnie得知，Poly已經寄出offer.letter，於是立即衝落街，信箱一開，發現我都收到信啊！大鼓舞！\^o^/

下畫開始溫C++，進度一般。不過都完成晒Ch.9既所有練習。= =V

夜晚睇無線個消防員競技比賽，簡直笑到我死！當成班消防員好似馬騮咁被人玩，見到佢地比賽既表情，真係笑到我喊Ｊ。XDD

之後睇埋鋼鍊大結局！！雖然睇過好多次，但係一樣咁好睇！<3

曾幾何時，我有幻想過自己係edison…

小寶，你話會黎嫁，點解你去左台灣？

唉，我身很凍，心很冷……春天，很想見你！

p.s.十二月發生左一件大事！記唔記得呢？睇十七歲【第二十話】！

近幾日雖然唔算有好多野做，但係精神同肉體覺得都好疲倦。有見及此，今日提早返屋企休息。由五點訓到十點，訓下醒下，精神一般。

簡單黎講，今日只有訓覺…zzzZzz

p.s.唔該Simon & James，我裝到C++喇！=]

白駒過隙，心感疲憊。

今日返學校主要係測驗，有同學仔edmond係我前面，問題應該唔大。

放學之後就開始學畫畫。第一堂，老老師叫我用唔同既方法去畫一條直線，又教左我點樣去觀察一樣物件。雖然好似好簡單，但係原來要做到隨心所欲都幾有難度。

p.s.發左一個奇夢！內容係關於我既親戚！有機會同大家分享！

今天自製day-off，與姊姊逛街、逛街及逛街。在298買了一個USB-PS2的轉插器，但回家發現我們上當了，被騙了十塊錢！可惡！

明天測驗了！令我充滿力量！充滿衝勁！去啊！去送死啊！

在學園裡經常被及談論的，不是世界大事，也不是功課難題，卻是某某男生與某某女生的緋聞趣事。

當男生主動與女生交談時，別人會說「某某想溝某某」；當女生對男生問好時，別人會說「某某對某某有野」；當一對男女一起吃飯逛街時，別人會說「某某某某佢地拍拖」。

其實，當朋友可否簡單一點！？

今天與阿老到旺角買畫具，我們遊了一個大花園便到了花園街，途中還發現了一張「紙巾」被丟在地上！哈哈！XDD

晚上，與姊姊、妹耀到了銅鑼灣逛街，其後會合嘉嘉，一起到元氣吃壽司，軟殼蟹手卷，一支棒！回想，我們四人很久得久沒有坐在一起大吃大笑，雖然如此，但感覺依然。

嗯，這就是濕漏漏的一天，感覺平凡中帶點不平凡。

p.s.十七歲故事的【第十九話】

昨夜寒風入體，腦袋不停地膨脹收縮，全身發熱，手腳酸軟無力，但仍需拼命完成功課。與病魔交戰，心身疲累，一整天躺在床上，感覺好了些，但頭仍是痛，身仍是軟。

晚上，at 17的the best is yet to come精采萬分，我愛十七！整夜非常投入，頭痛也拋諸腦後，精神大振！EIE的同學仔jacky更取得季軍的成績，可喜可賀！

清晨口戰爆發，中午陷入冷戰，深夜光明使者降臨，戰事和平結束

唉……家家有本難唸的經……

p.s.執屋計劃 – 完成！大感動！