Xanga

妳是很懂得玩樂的性情中人；熱情是妳的本錢，加上開朗的性格，經常令人受到妳的感染；不過當妳獨處或面對最親密的人的時候，妳會變成了另一個人。因為妳很喜歡想東西，會經常想個人和這個世界的事，可以話，妳是個表裡不一，滿有知性的人。

最大的難題是，不容易令人真正的了解妳；因為妳很容易叫人誤會你是不用腦筋，整天只懂得去玩，更容易令人覺得妳不專一，其實妳想找一個能和妳一起去玩，又能分享內心世界的人。

知我者，不用一言一語，心照不宣也

今日重拾上堂狀態，但係我個拍擋呢！？訓覺、搞事、做謠、畫畫…

放學之後同Rocky去左CF做C++，途中家姐黎Poly溫書，所以陪左佢一陣。之後繼續C++，做番晒之前既練習，不過後來發現有兩個未完全成功。但係點都好，多謝Rocky！

到左七點鐘，唔知做咩事！突然有好多野做，又有成十幾個電話打黎！果時我Demo緊Program俾阿sir嫁！占士又不停打黎叫我教佢，我自己都未Demo好，又有大把野做，自己都唔得閒啊！個阿sir又麻鬼煩！長氣到死！一入到去就不停講廢話！搞左成一個鐘先可以走人！好燥火啊！！

跟著就出梨和園食韓燒，今次有好多同學仔都有出席，但係大家出到去先知，原來今次聚會既目的係幫多多、富貴、師奶慶祝生日！XDD

唔知點解近排ATS同學仔好鐘意攪聚會，可以大家都分別左好耐，各散東西，每個人都想見一見大家一面。不過我成日都覺得成班人出到黎食野之後，梗係分黨分派，各走各路，希望大家團結少少啦！

多多生日快樂~~~

p.s.「多多」成名之迷！期待！

尋晚通宵溫書加睇波，搞到一朝早精神不振，EC2.test表現一般，好彩有一班好同學仔既幫忙，成績應該都幾樂觀。=]

其實每次測驗之後，我都會好留心上堂，今日都唔例外，好俾心機上堂聽書。而且仲有另一個原因，就係無左魔鬼係我旁邊誘惑我！

可能自覺真係時候要上力，雖然話已經收到offer，但係前排成日走堂，咩功課測驗都係靠好同學，真係唔對路。加上，今日聽Linear個阿sir講左一番話，喚醒番自己入大學既真正目的，所以又係時候要努力！

專心上堂，時間過得特別快。放學之後就同妹耀去香港仔買野。哈哈！終於都買左眼晴，而家可以隱形喇！

今晚我要燃燒生命！同EC2鬥過！占士！你睇著黎！我就算無上過堂都一樣可以高分過你！.\ /.

意志 ||||||||||||||||||||||||||||||||||||||||100% MAX

我不行，我就不上，但如果我行，何不爭取一個機會

http://bergkampho.matchren.com/

大家都黎玩下啦！=]

今日心情就好似部電話一樣…電池不足。

有好多野想做又做唔到，好煩！david個lab明明無駁錯線，但係又唔work，好煩！放學之後去搵阿sir拎notes，點知間房無人，好煩！去到巴士站先醒起八達通未增值，又要返番7-11，好煩！返到屋企諗著訓個晏訓，點知全家人係晒度，你一言佢一句，傾偈大聲到訓唔到，好煩！想溫EC2，但係notes又唔齊，question.set又無，好煩！

每人心裡都有一座斷背山，我也想尋找自己的斷背山，看看這片人間淨土的美麗風景，享受脫離枷鎖的自由感覺……

尋晚Karen話加入一齊玩，我都唔知玩咩，不過O左一陣咀就知道要玩咩喇！哈！咁都俾佢地諗到用依個咁新穎既方法玩MSN，好野！XDDD

今日與老同行，同朱朱仔偷食偷食。

十二點半，康怡【犀照】，整體黎講，齣戲都幾好睇！由於我地個位周圍都無人坐，所以一開始都驚驚地，但係後來發覺【犀照】原來係恐怖片，場面只有恐怖核突，都唔驚嚇，所以我都無咩膽顫心驚既感覺。不過背景音樂同水缸蘇絲就嚇到阿老媽媽咪喇！

我地食完豬扒包之後，就去銅鑼灣【阿麥書房】。一直以為果度係俾人讀書嘆茶既好地方，原來只係一個普通書房。跟著我地就去左玩具反斗城搵火車模型，不過搵唔到岩心水既。

然後我地就去【阿貓地攤】畫畫，裡面有好多貓仔周圍行黎行去，隻隻都肥嘟嘟，好可愛呢。最後，我地去左食擔擔麵就返屋企喇。

今日好開心，好耐無試過行街、睇戲、食飯喇！

流水很清楚惜花這個責任　真的身份不過送運

今日起身，感覺精神飽滿！全身充滿力量！從Winnie得知，Poly已經寄出offer.letter，於是立即衝落街，信箱一開，發現我都收到信啊！大鼓舞！\^o^/

下畫開始溫C++，進度一般。不過都完成晒Ch.9既所有練習。= =V

夜晚睇無線個消防員競技比賽，簡直笑到我死！當成班消防員好似馬騮咁被人玩，見到佢地比賽既表情，真係笑到我喊Ｊ。XDD

之後睇埋鋼鍊大結局！！雖然睇過好多次，但係一樣咁好睇！<3

曾幾何時，我有幻想過自己係edison…

小寶，你話會黎嫁，點解你去左台灣？

唉，我身很凍，心很冷……春天，很想見你！

p.s.十二月發生左一件大事！記唔記得呢？睇十七歲【第二十話】！