Monday September 12, 2005

今日又做左樣硬膠事，我今朝早要上Poly既Circuit.Lab，點知去到門口先知這十月先開始上堂，但係timetable明明話係今日開始，真係吹到！之後就跟同學仔上hall打麻雀。我覺得住hall都幾好，間房又唔算細，又有好多設施用，不過帶朋友仔黎玩就好鬼麻煩，成日要「嘟」學生証。

跟著就上堂，今日教既野大部分都學過，唔算太困難。不過就同我以前學既有少少出入，所以有時都混亂。

另外，今日開始係Society既O’week，行左幾個圈，見到大部分都係運動類型既學會，大部分都無咩特別，而且比起City個邊好似更加少。仲有，班人都唔熱情既搵會員既，相比City個班真係好瘋狂，不停咁拉人入會。

放學個時見到小明，同佢傾左一陣偈之後就返屋企。

今日終於係妹子隆屋企拎番部親密戰友506V，意未著我要開始踏上大學之路。而家教既野亦都開始深入，都係時候備下課、溫下習。另外，今日識左幾個新同學仔，同佢地玩得幾開心。而我都開始覺得自己過緊校園既生活。