今次三日兩夜既長洲之旅，雖然班人同上次差唔多，但係感覺就好唔同。首先間渡假屋已經好吸引，好舒適；其次係遊戲比上一次好玩好多。
講真依間渡假房係我去咁多次長洲，第二最好既渡假屋（第一當然係六姨丈果間），裡面設備齊全、又夠寬敞，雖然床就唔係幾足夠，但係訓得都幾滿足。
講起咁多個遊戲，我覺得treasure.hunt依個鬥智鬥力既遊戲係最好玩，我鐘意依個遊戲既原因係因為我鐘意團隊精神，我覺得一班人有著同一個目標，一齊去達成每個任務，即使係贏唔到，完成整個過程已經令到我體會到友情既力量係非比尋常。記得去EFS O’Camp都玩過一次treasure.hunt，果時一班完全唔識既人玩完依個遊戲之後，大家就突然好似一家人咁，有傾有講，關係大進！
今次treasure.hunt我就同西門子、小丸同組，其實我幾有信心會贏嫁，不過就因為掛著飲汽水而遲到左，哈哈！當中最深刻既唔係比賽過程，而係懲罰過程。千估萬估都諗唔到豉油必勝組（horlick, winnie, karen）果組會贏到。佢地既懲罰係「一人飲一碗豉油」！
好彩，最後係阿燊、古人、connie果組輸左，佢地要飲豉油！哈哈！但係阿燊踏著單車住黎搬麻雀台真係好厲害！
估唔熱豉油係可以咁難飲，我自己飲過一啖，都覺得好痺利。最搞笑係horlick，真係自作自受，見到佢飲完一啖典下典下個表情真係好搞笑！XDD
到左夜晚最緊張就係玩火車頭，因為成日聽到佢地講第一個係最可怕，但係我都唔覺得，我反而覺得個故事最可怕！一路玩就一路驚，搭緊火車既時候好驚會突然彈個人出黎……不過接小丸既兩記耳光之後，終於都明白依個遊戲玩咩，感覺好大O！
…………
第二日最開心就係玩水戰，由simon入水彈既時候，我已經知道我會係眾矢之的，但係我都一早講左我係以速度見稱，結果受害者就係connie，吃左我一記顏面水彈
！我覺得依個水彈遊戲設計得好奸！永遠都係輸果一個最著數，因為可以有得向其他人掟水彈
其實仲有好多好多遊戲…但係要寫既實在大長，想睇既就去其他人既xanga睇啦！咁我就寫一寫對依個長洲之旅既感想啦！
玩完依個長洲之旅，俾我緊加認識依一班同學仔！最大發現係小丸同古人既廚藝能力，第二日餐晚飯真係見得下人！其實我身為廚師之子，我都想露番幾手，但係你地又唔俾我入黎。
我覺得依個長洲之旅真係統籌很唔錯，真係要讚一讚rainny！仲有要多謝winnie搵到一間咁好既渡假屋！不過可惜既係好多個人都無啦啦唔去，而且阿閃佢地黎左一陣就走人……
好懶呀你……….
乜都詳情後補……..
“十七歲”仲連影都冇……….=.=”
對不起，每天的時間好像也不夠用，也許是我不懂去用，「十七」要遲一些才能出現。
哈哈!! 快d寫啦!
我最鍾意玩水戰!!有得swimming!
好！我盡力啦！手指傷左ma…=P
因為經已變左十八歲…
唔係…只係十七未生日啊