我們輸了
由一開始報名參加打EIE.Cup，我就無預過我地可以贏到冠軍。因為我見到我地班既同學仔係Open.Cup俾人大抄七蛋，所以對佢地都無咩信心。
第一場，寒冷既天氣下，無默契既我地踢得好差，雖然早段先開記錄，但係完場前輸左一球好無奈既九碼，最後和波收場。大家果晚都有訓唔著既感覺，因為跟本我地係可以贏…
第二場，我地好有鬥心，因為要大勝對手先可以出線，結果大勝五比二。雖然係贏波，不過出唔出到線都先睇另一場比賽。好彩，輸比我地果隊竟然大勝和我地果隊五比一，結果我地小組首名出線。
雖然EIE.Cup只係踢左二場，但係其實我地其間已經踢左好多次波，大家慢慢已經建立左一份默契、一份友誼！
以前同其他人踢波，好少會互相鼓勵，反而係互相指責。不過EIE依班同學仔就唔同，每一次比賽都好有士氣，隊友有失誤，會指點；隊友有入球，會鼓舞。所以每一次同佢地踢波都係好開心。
今日終於都到決賽，我地就好有鬥心，一開始，靠我既入球而先開記錄，但係佢地又追和。跟著靠阿榮又領先一球，可惜我既失誤，又被人地追和。其實大家都好緊張，所以大家都好燥，去到中段我地緊加打交、口角……結果對方一個球員同阿燊都被球証趕出場。
半場之後，因為佢地有球員傷出，我地更加打多一個球員，可惜，反而被佢地一球遠射而反先！其實完場前我地有一個可以追和既機會，不過我把握唔到，中柱彈出。最後抽根既我，只能夠望著球証吹響完場既雞聲……
對手平均實力的確係高過我地，打少一個都可以頂到我地，而且仲有好多反擊機會，所以輸得心服。雖然輸波係唔開心，而且有少少唔甘心，但係大家經歷左依一戰之後，好似友誼又進左一大步！
各位同學仔！我地ESA再努力啦！我們輸了，其實是贏了！
哈哈！銀牌反轉就係金牌！XDDD
p.s.對面個球員好硬膠…
下……
我無睇到tim…..
仲有冇下一場?><
決賽黎嫁…
我都想有下一場
等ＥＳＡ！
令我想起一句好老套的說話:
「有時候我們輸了，其實是贏了。」
雖然我都唔多明，不過唔好灰啦~~~~
最重要自己做得盡力，
所有的付出都是為未來而作準備嘛~
哦 打到final 已經好叻喇 ~~~~~
下次 通知我地 幫你地加油 ……! 一定win~
雖然有謂結果並非一切，
但比較差劣既係全隊都表現麻麻。
古人, 無錯！同學仔！ESA加油！
琪琪, 我明白，其實我地贏左風度！
Karen, 你地個個都話要溫C++….
小白, 我認同，真係表現麻麻！人地的確係好波過我地。
唔緊要丫….
你地有努力過就得……
我無睇 就咁聽你講 都覺得 好精彩呢 好想睇=.=
我唔係溫C++ =.=…….我係度一定睇囉
最後講句 :
[ 你地打得好叻呀 加油!! ]
利物浦咁勁 都會輸波啦~ 係咪先 呵呵
贏左 友誼咪得囉….^^
無錯…友誼第一！=]
??
???
你今日打得好好, 我地 ESA 再努力~
小白, 無錯！足球係快樂ge…應該要好好去享受！
阿駱, 今日我有d自責，我可以打得更加好！不過ESA再努力啦！要操番波啊！
蝦蝦我見你地已經好努力喇唔緊要的
個個人真係不知所謂黑人憎~!
革命嘗未成功同志們仍需努力!!