Saturday January 14, 2006

今日係魔獸足球興趣班既最後一堂，班魔獸依然係亂禁踢波，當佢地見到個波就會成班人衝埋去，不時仲會踢傷自己既隊友仔，總之有足球既出現，佢地就會變得瘋狂。而且佢地有得爭既野都爭一餐，爭著藍色戰衣、爭掟界外球、爭踢龍門球，甚至爭排隊去廁所。

雖然佢地有時會喊，有時會埋怨隊友踢得差，但係每一次見佢地都係開開心心咁黎，開開心心咁走。雖然我每一堂我都叫到喉嚨痛，但係見到佢地咁全心全意去踢波，享受足球既樂趣，真係幾有滿足感！記得有一次落堂，我見到有隻小魔獸好興奮咁走去魔獸爸爸面前大叫：「爸爸！爸爸！我今日射入左一球十二碼啊！」見到佢既表情，真係由心裡面笑左出黎。

不過，今次既實習可以話完全失敗，佢地唔單止唔識踢波，而且成日亂咁走，又唔聽我話，個個做熱身又懶懶行，少少紀律性、服從性都無，真係激死！所以我決定下次死都唔去小學，因為我會變成家庭保母，而唔係足球教練。

p.s.咳藥水…果然係飲完就會咳既藥水…orz