Sunday November 20, 2005

一個鐘意講野既人唔講野係未真係唔得嫁呢？我只係想安安靜靜做自己鐘意做既野姐。唉，過住家無寧日既生活真係唔好受。唔得！我已經忍受左廿年喇！係時候要改變一下！

今日一起身就感覺到冬天已經黎左。講真，我係一個唔怕凍既人，可惜我隻腳係一隻好怕凍既腳。我知道好多人鐘意冬天多過夏天，因為冰冷既時候可以一個人係張暖棉棉既被窩裡面熟睡；聖誕節既時候可以同情人係尖沙咀海旁欣賞絢麗多彩既燈飾；新年既時候可以同家人共眾天倫之樂。

但係，我好唔鐘意冬天令人感到寒冷獨單既感覺！訓覺既時候要訓落一張又冰又冷既床上面，隻腳凍到好似唔係自己一樣；放學既時候獨個兒係海旁抵受寒風既吹襲；過年過節既時候要對著班親戚喜皮笑臉講出一連串唔會實現既祝福。

無聊之作．．．

依幾日好懷念以前既小寶，好懷念小寶可愛既笑容。我唔係話而家既小寶唔好，只不過係我鐘意以前活潑可愛既小寶咁解姐。