尋晚同好多人傾偈，大家討論下將來既出路。有幾個同學仔就話會重讀，不過，我就都係繼續副學士喇！其實有原因既．．．
第一，我討厭左不斷做試題，不斷塞知識入腦既生活。自從經歷左依個高考之後，我真係頂唔順中學既生活。好唔鐘意迫自己做唔鐘意既事。聽到好多人講佢地重讀成功既例子之後，我就更加唔想重讀。因為，如果要我日日對著試卷，眼中只有高考，我真係會死。
而且，受既壓力會俾以前加倍，用既精神亦都會比以前倍增。自問我就唔受唔住喇！況且，我覺得自己唔會有咁強勁既恆心同毅力去溫書。因為世間上，實在太多誘惑喇！
第二，我想轉一轉環境，感覺一下準大學既生活。中學刻板既生活，加上無聊既上堂氣氛，對我黎講實在唔好受。相反，大學既自由度比較高，比較自立，注重培養獨立思考能力。而且用學分制，就算其中一個細科學得唔好，其他科都可以拉番到，唔使一試定生死。加上，又可以識多班朋友，擴闊自己既視野。
況且，工程系又唔係自己鐘意既科目，既然自己又覺得金融幾好。不妨就行下依一條路囉。不過，成唔成功都好講個人問題既，每個人都有佢地既特質。但係我相信，如果有心去做每一件事，總有一日會成功既！
Leave a Reply to aznmei2003 Cancel reply