今日上堂真係又驚又喜。因為我要獻出我深情一吻俾一位小姐。心情真係好緊張，到而家都未平伏好。
上半晝阿ｓｉｒ主要都係講理論同重點溫習。不過，食完晏之後，緊張又好玩既事情就接種而來。
我返到班房，就發現中間多左一位少女訓左係地下。原來今堂我地學人工呼吸同心外壓，簡稱ＣＰＲ。
阿ｓｉｒ做左幾次ＣＰＲ示範，仲教我地講左幾句台詞。雖然依幾段台詞好普通正常，但係係咁多人面前講，真係覺得好鬼好笑。
之後，我地就續一出去實習。可能我地第一次做，所以大家都好緊張。不過到德仔實習就好搞笑。佢張段台詞講到亂鬼晒。人地要講「現場環境安全」，佢就講「現實環境好好」。人地明明係小姐黎，佢又叫先生。程序又唔記得，搞到亂晒弄，好搞鬼。不過，總算緩和一下班房緊張既氣氛。
其實，唔單只係實習既同學緊張，係旁邊等候實習既同學心跳都同時不斷加快。過左一陣，終於都到我做ＣＰＲ喇。
首先，我就檢查個位小姐既呼吸、脈搏同循環徵象。然後就開始一生人裡面，第一次既人工呼吸。我一口一口鮮氣通過佢小小既咀巴吹向佢既肺部之中，恍惚我地就係空氣之間互相融合。
之後，我將中指放係佢既腰間，然後慢慢推上胸骨，再用手掌加壓胸部。我一下一下既心外壓，就好似我既心跳一樣，一下一下咁上下跳動。個種感覺真係畢生難忘。
現在，那冰冷但柔軟的肌膚，櫻桃小咀所散發出來的氣味仍然在我腦海中徘徊。
吹氣Ｍａｒｙ，我永遠都不會忘記我們今天所發生的事情。
p.s.終於都轉左版，不過只係初步階段。
Leave a Reply to annette_tsui Cancel reply