零九年的十一月絕對是值得紀念的月份，這是我畢業的月份，這是我生日的月份，這是我與你們一起度過的月份。
十一月五日，是理大電子及資訊工程學系的畢業禮。月尾取了畢業證書後，我真真正正的大學畢業了。每次提到大學，總是想起入大學前的那段經歷。還記得初中的某一個中文堂上，歐老師叫我們寫一個長期目標，這一刻我寫了「成功中七畢業」。當時從沒想過讀大學，但現在已經是一位大學畢業生，畢業證書上的真是寫上了我的名字！即使走過舊Can中間的這度門，沾過水池的水，也摸過四不像，我仍能成功畢業！
很高興，一連串的畢業拍照活動，與你們又聚在一起。看著一幅一幅一幅一幅，真的很多幅的照片，真的很滿足。雖然看見後期的照片笑容有點疲累，但能夠留下一段很快樂的回憶，真的很感激你們，更感謝你們的祝福。
感謝主，給我一個燦爛的十一月。在這一個月份，工作很順利，學車有進步，恩典和知識上也有長進。
今日水運會玩得好開心，而我志在參與，不在乎成績。但係多多喜竟然無膽出場，正一係郩底獸！
今次亦係我第一次參加水運會，報左50、100公尺蛙式。不過好搞笑囉，100公尺7條線裡面，有5條線都是自己同學仔。當時阿sir話要一定要跳水，鐽到我個心口紅晒。
雖然兩場比賽都係包艇，但係總成績唔算係最尾，哈哈。
況且，始終成績對我都並唔係咁重要，而且游水都唔係我強項，所以都無咩所謂。降旗禮之後，就落生記吃午飯，仲見到肥鍵！
水運會之後，好疲倦啊！
於是就返屋企訓覺…zzZZ
訓醒之後，已經係3:30左右。然後就開始起行去旺角買波衫。大約等左15分鐘，我夢魅以求既10號柏金波衫終於面世喇！！大興奮！而且行過百老匯，亦不忘望一望小寶特大號。
嘩！正啊！真係好大張啊！ 
另外，今日亦係妹子耀生日，我係信和買左一張Twins月曆俾佢。不過睇黎都係俾妹子隆據為己有。買完禮物之後，我地就去左【友和】食晚飯。之後又下影相，切蛋糕，都玩得幾開心。
晚飯過後，都差唔多10:30。肥鍵想去戲院睇《殲滅生還者》。不過當時大多數既戲院都已經開左場…
所以最後大家都係各自返屋企……
嗯，不俗的一天。