Tag: 夢

昨晚夢見了不少熟識的朋友。第一個情景是在公司工作期間，看到Kammy回來探班，Ron卻緊隨其後。另一個情景是看到杜文和兆君，她們看起來很高挑。疑惑間看看自己雙腳，原來我穿著一對白鞋。

很久沒有對夢境留下深刻印象，看來那四位在我潛意識中相當特別。

近來常常有人問我想不想轉工。的確我有想，但我只想加人工。

由一開始工作便很清楚工作不是為金錢，而是為興趣，所以我當初選擇了那裡。其實真的感恩，因為那裡的工作正是我喜愛的工作。即使人工少和工作時間長，但工作環境和氣氛可以離補那些不足。

可是日子久了，事情也轉變了。現在的工作環境與初在職的時候大有不同。同事少了，工作量也增加。加班好像變得理所當然。每逢工作到晚上，也會想想自己的去留。

昨晚發了一個夢，夢見公司的同事一個接著一個辭職，最後只剩下三位同事。夢中的我手拿著辭職信，心裡同樣籌算著去留。

在那裡工作快夠兩年了，我聽到很多轉工的聲音，但我心裡感到不安。願神指引道路。

昨晚發了一個日本夢，夢中的經歷很深刻。人踩人，失散，落樓梯，多多，四姨丈，十蚊旁身，搭巴士，藍色海景，高達搶物資，人群，假逃難團，女聲宣佈，快速離難，VS3，大櫻花，dev team合照，任食服務，影相。夢醒過來，一段段場境還歷歷在目。

夢的背景正發生在遇上災難的日本。我不知道是甚麼災難，但當時的我正在逃難。我看見人們自愛，但我也看見人間有愛。的確末世是一個很極端的世界。我們是去選擇怨天由人，還是我們去選擇關心別人。

今日一早起身又去踢波，本來諗著我、妹隆、妹進一齊練好波，最尾先出場實戰。結果只有我同妹進黎到，係場邊練習左一陣，咁就話有得落場踢波。

記得以前成日都好想出場，每人仲只可以踢十分鐘。但係無踢咁耐，體能差左好多，而家反而係踢一陣就好想出場休息。

今場有一個入球加一個助攻，最滿意自己第一節既表現。不過「放水節」踢得好hea，又烈日照長空。最後踢左一陣就扮受傷出場休息。

另外，尋晚發夢見番梁同學，我只不過問佢聯考考成點，點知佢第一句就凶神惡殺咁問我：「你買左保險未！？」

如果無記錯佢應該係聽日考數學科，祝佢好運，遇到識做既題目啦。

十萬夢兒裡有你
一起闖入穿梭機
一起闖入穿梭機
與你挽手星海中探險 遠飛
若問為何愛上你
推開關著的心扉
你以愛將千顆傷透心救起
怎麼天天見太陽 東方升接著夕陽
夜與白天分開去細賞
怎麼一天再漫長 心中總有你在場
念掛著你如在美夢 我想
Sunshine and love be with you
In rainy days, i shall be with you
Love is no fool
Dreams come true
問問愛會有多闊
原來像那片天高海闊
Love is no fool
Dreams come true
I’d always be with you

尋晚我同朋友仔一齊係摩頓臺踢波，當時我就做龍門，而且表現神勇，佢地既射門通通都被我一抱入懷！我仲記得有一次射門，個時妹子隆近門一射，我反應奇快，單手就張個波擋出底線，諗番起都覺得自己好精采！

其後，佢地又射唔入我，我又覺得無咩癮，於是就換龍門，我就出黎射龍門啦。

我放定個波，拉弓一抽。雖然個波速度唔算好快，但角度極為刁鑽，依一球可以話係傳說中既「柏金無敵盪死角」入波！個波直飛龍門既右上角，應聲入網。在場既隊友都大讚好波。過左無耐，我地就同人地鬥波喇。對手實力好鬼強勁啊，佢地成班一直都壓制著我地俾打，令我地攻門都無咩。

但係，到左比賽既末段，我唔知點解，突然覺得自己氣力非凡！於是就上前攔截對手，當對手想傳球個時，我好似已經知道佢傳球既路線，我伸腳一攔，接著一個柏金傳身，將個波搶走。就係依個時間，我見到自己友正係處於一個極有利既位置，我就立即傳出一記柏金式直線。之後佢就直接引球壓入禁區。而我都正正步入禁區邊，正當守門員出營之際，佢將個波傳俾無人看管既我，我就做一件輕鬆無比既工作，就係輕輕將個波送入網窩。不過，見著個波慢慢咁流入尾袋個時，佢竟然彈柱而出！

好彩個波又彈番去我隻腳下，於是我就連忙一射，個波直飛眉底彈入。個時我先定一定神，今次真係入左波喇。個時我真係興奮無比，仲做一個舒利亞慶祝入波方式，向隊友沖過去，真係好正！

不過，我雙眼一開，原來只係一場美夢而已…