Blog

近排上網回憶番好多以前細個既事，記得細個好鐘意睇一套卡通片，個故事係講一個間學校，當地球遇到困難既時候，就會變成戰鬥機地，之後就會有三個機械人彈出黎拯救地球！套卡通好似叫「熱血最強」，而個三個機械人可以合體成會熱血最強獅人鳳！真係好好睇！

我仲記得另外一套卡通片叫「魔法小魔星」，依套應該係第一套令我喊過既卡通片。個時大結局話小魔星要返番魔界，我真係好唔捨得咁喊左出黎。最後，小魔星又突變返番黎地球世界，個時真係開心都訓唔著覺！哈哈！

另外，仲記得好多小學休息時間玩既種種玩兒。最深刻既印象就係玩「奇多圈」，個時一鐘聲響就立即衝去操場對戰，我仲贏左好多個圈圈番黎嫁！而家裝奇多圈既罐仲係度，第時一定會俾班子孫睇下我細個時候既玩兒！

仲有，「奄賓周」都係當年一大攻擊同學仔既招數。攻擊既時候要伸出食指同中指，擺出一個好似點穴姿勢，之後就篤向同學仔既小弟弟度，諗番都覺得攪笑！XDD

由於細個果時放補習之後唔可以立即番屋企，終是就會同班妹子們去婆婆屋企。個度可以話係我地既兒童王國，咩野創新玩兒都係由依度發明出黎。

記得最好玩就係「大白鯊」，我地會當公公婆婆將大床做船，跟著就會放晒枕頭同綿被係床邊當保護攔。猜輸左果個就要做大白鯊係床邊捉人落船！我地會係床上面走黎去，有時又會伸隻腳出去引大白鯊食自己。當有人被大白鯊捉住，我地仲會一齊拉返佢上黎，真係非常好玩！

哈哈！突然諗番起咁多細個既事真係好正！！好令人回味啊！

之前種下既因，必定有後來結下既果！我而家深明依個道理喇！我亦都受到教訓喇！救您原諒我啦！我知道咩叫因果循環！硬膠孫老師，對唔住！請你原諒我以前既無知同幼稚啦！orz

另外，人應該將所有痛苦收藏係內心，自己一個人去承受，定係將佢分俾其他人，等佢地一齊分擔？我知道後者會令自己比較輕鬆，但係一個人受苦，總好過一班人受苦。

我亦都知道有一班人會好偉大，佢地會願意同你分擔憂愁，但係有時我都幾認同妹子隆既觀點。

「『講左出來會舒服ｄ』這句話是許多人都常用的話，我以前也會用，但近來沒有了，為什麼？因為太殘忍，要一個人再將他們感得痛苦的事情再說多一次，對他們來說簡直是折磨，可能你會覺得自己只是出自關心，但其實你只是間接地再傷害他們一次。

在他們的角度希望的不是你所謂『關心』的逼問，而是一個支持。有很多人會將這些苦痛的經歷寫出來，其實能寫得出來已經是一件不容易的事。要親口將恐懼說出口，更是一種可怕的經歷，就好像HarryPotter裡的巫師那樣，就連惡魔的名字也不敢提起，因為只要將那個嚇人的名字說出來已經足夠膽顫心驚，所以我還是不再追問我的朋友。

作為朋友我當然會關心他們，但是要他們為了滿足自己的好奇心，而將傷心再說從頭再多一次，我不忍心。反正我也幫不上什麼忙，甚至無能為力，作為朋友，我可以做到的只可以給他們支持，但我相信他們也會感受得到的。」

我並唔係唔願意接受其他人既關心同慰問。但係我希望關心別人既你地都要量力而為，我唔想因為一已私欲而拖累你地、浪費你地既時間去處理我所謂唔開心既事。不過點都好，我真心多謝給予過我支持既你地！特別係ＣＹ，好開心可以識到你依個好好既聆聽者。
October 22, 2005

有時覺得自己幾鐘意用相反表情或行為黎掩飾內心真正既心情。

由星期一笑到星期五，真係咁開心咩

p.s.對唔住，我有時的確幾情緒化！

今日去睇鐵打，黃師傅一黎就問我有冇係大學溝女，仲同我講左好多溝女既忠告！叫我千祈唔好搞大人地個肚，真係笑到我喊Ｊ！不過點都好，我隻腳真係好番好多，大感謝啊！

另外，今日無無聊聊去高登，睇左好多硬膠ｐｏｓｔ，又一次笑到我喊Ｊ！哈哈！很夫子！XDD

p.s.今日發現有ｄ野，睇黎都要潛幾日水，沖淡下個件事！

由於今朝堂Tutorial取消，所以上晝就同班同學仔去唱Ｋ，完。
(細節不能盡錄)

Thierry Henry is back.  Arsenal will be back too.

今日上堂無咩特別，因為全部都聽過晒。不過，係圖書館就好搞笑，我地不停討論某君既可愛動作，又互相交換以前既相，阿科又扮鬼扮馬，真係笑到我肚抽筋啊！

另外，今日睇完鐵打，俾佢按幾按、扭幾扭，隻腳好番好多！真係好多謝黃師傅啊！希望隻腳可以係廿歲之前好番啦！

p.s.依排好鐘意Sharing啊～哈哈！

今朝睇番楊氏宗親幾年黎既節目影片，覺得我地真係好鬼攪笑，每次大型聚會緊有幾個親戚搞下花臣。最搞笑係新年去三姨屋企個段，成班阿姨係度扮小主向大家祝賀，真係笑到我肚痛！

“Sol Campbell will not be back. Thierry Henry will not be back. Gilberto will be back I hope and Van Persie might be available. Ljungberg will not be available.”

Arsenal will be back I hope so…

人生在世終需死，自強又何，頹廢又何；
死後往事盡如煙，成也哀哉，敗也哀哉；
既然殊途還同歸，問那轉眼得失，有何干．．．

【以錢為喻】

今朝帶左好多錢出街跑步，但係有個賊仔竟然偷左我裡面既錢。事後有人話我做咩唔好好收埋個銀包，又有人話我做咩帶咁多錢出街引人犯罪！？再有人話：財不可露眼，鬼叫你自己帶咁多錢出街，俾人偷錢係好正常，只係你太過蠢姐唔識保護財物姐！

但係個賊仔偷我錢係佢犯罪，係佢既錯，結果會係個受害者俾人話唔夠醒目，唔識得保護個銀包！而俾人偷錢更加係抵死，咎由自取，完全唔值得可憐！

社會就是這樣的！有一大班人會認為小小既犯罪係可以容忍、接受，如果你唔識避免、防禦，令人有機可乘，只不過係自己唔夠聰明，唔識得依個社會既生存之道。

唉～現今既社會太過邪惡喇！而現今既足球同樣咁俾依班人搞到成為暴力足球！犯規竟然可以話係一件好正常既事！？

或者，可能我太過正義，太過理想啦．．．

p.s.今日見得閒，完成埋過左幾十個星期既EFS.O’Camp第二回下集，有興趣就去睇下啦！

EFS.O’Camp第二回 下集

祝公公生日快樂！

雖然隊波成績好差，戰術又無咩變化。不過，係你一手一腳令到一隊中型班既球會名列前矛，亦都令到我依個對足球毫無興趣既人認識到金爺。

所以，你仍然係我最尊敬既領隊。