今日派Circuit.midterm-test試卷，我拎到93分。的確感覺好意外，而且好開心！但係當我知道佢只有49分既時候，情緒同佢一樣低落。佢上次Circuit功課仲教識我做好幾條題目，點解今次測驗結果會咁唔理想嫁？我真係好想幫佢啊！好想同佢一齊升上degree！
好似份C++功課都係全靠佢教識我Class同Main既關係，但係今日份功課我又做得好過佢，真係奇怪。我覺得同佢每一次討論題目既時候，佢都可以俾到好多啟發我，但係往往最後既結果都係我成績好過佢。
我知道佢俾我更加勤力，用多我好多時間溫習，但係成績總係強差人意。我真係好想教識佢每一個科目，同佢一齊分享高分既喜悅！
我好感激佢令我有讀書既衝勁！我好希望我可以完全了解每一科既內容，之後再教識佢感到困難既地方！我會努力達到依一個目標！
三年，的確已經過左三年。
三年前既你仲係一個安於現狀，咩野都好依賴他人既小朋友。但經歷總令人成長，三年後既你已經有好大既轉變，有自己既思想，有自己既抱負。最重要係你懂得要愛護你身邊既人。
可惜，你漫漫都變成一個獨立既人。有時候我會覺得你外表開朗既形象，只係一個掩飾，覺得你將所有既憂愁都收埋係內心裡面。其實，只要你願意，身邊好多關心你既人都樂意聆聽你既心聲。
記著，雖然條路係要靠自己去行，但係絕對唔係獨伶伶咁去行。望望你四周既環境，其實有好多人默默為你加油，給予你支持！
原來將一星期既功課濃縮成一日去做係咁辛苦嫁！臨急抱金爺隻腳既惡習幾時先可以改到啊！？如果唔係魔鬼既代價，我諗自己一個人真係有排都做唔完！可惜，大腦又損害左幾多個％喇！
另外，今個星期派左兩份midterm，兩科既成績都出乎我意料之外！雖然成績幾理想，但係我唔會因此自視過高、安於現狀。因為我知道而家既自己仲未達到心目中既標準。
p.s.頂！份C++改左星期一先交！早知就唔洗通宵啦！
請各隊員注意！首先發出Logical-“1″訊號要求增援！再啟動C++程式進行滅蟲計劃！最後用D.E.計算出敵人既移動速度！
好感動啊！阿仙奴終於都上番頭五名之內喇！(> <)
另外，十一月的蕭邦隻碟超好聽！推介：夜曲～
為妳彈奏蕭邦的夜曲 紀念我死去的愛情
而我為妳隱姓埋名 在月光下彈琴
對妳心跳的感應 還是如此溫熱親近
懷念妳那鮮紅的唇印
p.s.今日係我大表哥結婚既大日子，恭喜、恭喜！
收到阿檸既一封e-mail，標題：青年足球領袖証書課程成績公佈！
期待以久既考試成績終於要揭曉喇！究竟我係合格定唔合格呢？教練之前話合格率係一半一半，即係只要係表現好既頭一半先會合格啦！而根據阿檸話我既表現係屬於頭個幾位。咁即係我應該會合格啦！好啦！一齊睇下封e-mail講咩啦！
親愛的學員：
香港足球總會青年領袖証書課程已發出成績，恭喜閣下考試合格，因此閣下需要完成20小時實習(12月中)，方可正式乎合助教資格。
最後，再一次恭喜大家，並祝實習順利。
香港遊樂場協會 青年工作室
阿檸上
ＹＥＡＨ～～～～我合格喇！！！！！！
p.s.小寶真係大個女喇！
今日我表姐係浸會傳理1st.honor畢業，恭喜，恭喜！雖然佢CE同AL唔係好勁，但係只要插到隻腳入大學，命運就會因此而改寫！
至於我既命運！？
我覺得我既命運雖然係改寫之中，但係速度超級緩慢！我知自己同其他人仲係有一段好大既距離！
不過我會默默耕耘，全力達到我心目中既水準。
緊記：十年窗下無人問，一舉成名天下知！
p.s.超妹啊！今日咬爆左三次咀唇啊！
因為無人陪我睇《NANA》，所以唯有約我既SMS好友Claire一齊去睇依套戲。由於經歷過尋日既大失敗，今日一反常態早到十五分鐘！但係去到皇室UA就收到一個SMS，寫住「塞車」！不過都唔係等左好耐，Claire已經到左，於是我地就去買飛，跟著就食野。
大約去到兩點半就入場睇《NANA》，未開場之前見到Claire果兩個細妹，嚇到Claire左閃右避，哈哈！其實有咩好驚呢？同朋友仔睇場戲好平常嫁姐！我尋日都同小欣欣睇戲啦！哈哈！
《NANA》套戲都算不俗！時不時會出個攪笑位引人大笑一場。加上，奈奈又可愛，娜娜又有性格。雖然唔知個結局想表達咩野，不過最後我地都睇埋glamorous sky個PV先走人。
之後發生咩事都係Claire個Xanga講晒，唔想再打，懶啊！
依兩日好開心啊！終於有一個假日係無係屋企hea。好感激肯陪我既朋友仔啊！所以幾時都話，多一個朋友總好過多一個敵人。聽日又要開始努力讀書喇，奸爸爺！
今日本來約左五點鐘同師妹小欣欣睇【怪物】，點知我掛著同阿豐傾偈而遲左出門口。落到車站望望錢包只係得幾十蚊，於是去左ATM拎錢。拎完錢先醒起八達通負緊錢，於是又去7-11增值。結果成四點九先上到車，不過去到五點三我仲係紅碪塞緊車，最後要成五點半先去到旺角。
仲未完，去到旺角朗豪坊，我地搵左好耐先可以相認對方。小欣欣今日著白色，而我就著黑色，黑白雙煞，哈哈。不過個時已經係六點鐘，【怪物】想睇都無得睇。因為已經無晒位，然後又想睇【怪誕】，又係爆晒。跟著想睇【再說一次】，都爆埋。最後我就揀左八點半既【童夢】黎睇。
「塞翁失馬，焉知非福」。雖然睇唔到【怪物】，但係我覺得【童夢】一定好睇過【怪物】。而且套劇都幾感人，劇情又幾扣人心弦，我同小欣欣都睇到眼濕濕。記得有一句說話令我好深刻，就係「生命的可悲在於他不能重來，可喜的是它不需要重來」（意釋）。
最後，去左KFC食完野就各自歸家。
p.s.師妹～!
我發覺自己真係一個好有愛心既人，因為我可以對著一班瘋狂魔獸兩個鐘頭都無毒打佢地！突然覺得做老師真係好偉大，不過又好辛苦。
記得【童夢】其中一個片段，兩個老師落機舖打機俾班壞學生串，雖然班學生真係抵打，真係值得懲罰，但係佢地都無以牙還牙。因為佢地明白到大家既身份唔同，有時做人真係身不由己。其實有好多問題都唔係話想逃避，唔敢面對，只係個問題根本解決唔到。
p.s.小寶~誕生日！！！祝你快高長大，心想事成！
