Blog

尋晚飲酒飲到個頭好混沌，而且成肚都係酒，好唔舒服！今朝起身去廁所既時候，個人仲係迷迷糊糊。雖然思想上係好清晰，但係個身體就唔係幾受控制，行路左搖右擺，仲撞跌左好多野！所以下次都係適可而止！

今日又明白左少少真理，進一步確立自己既觀點。不過，我仲需要多少少親身既經歷，親身感受真理既存在！

好奇怪！當人擁有過某樣野，但係之後失去依樣野。個感覺比根本無擁有過更加苦．．．．．．

p.s.今日竟然係蔣震見到小寶PV！可惜，無人欣賞。

Ｈａｐｐｉ　Ｂ－ｄａｙ　ｔｏ　Ｏｓ～

一般人見到上面既說話，會覺得我自己祝自己生日快樂。但係只要你睇完NANA就會知道，其實世上有另一個我！另一個同我一樣名字，一樣生日，一樣喜愛小寶既人。

Oscar～生日快樂啊！廿一歲女喇！祝你心想事成！
(自己生日同人地講生日快樂真係攪笑~XDD)

今日要測Logic，自己一個去左圖書館溫書，點知溫溫下突然有張字彈出黎！睇真少少，原來係一幅信！

打開一睇！發現原來係一張生日卡！上面全部都係同學仔既祝福說話！真係大驚喜啊！

好耐無收過生日卡喇！真係多謝晒！\(^o^)/

測完Logic，同一班同學仔去左打邊爐。同佢地玩左兩次one.shot，飲到我頭暈腦脹。不過酒醉都有三分醒，我應該無做到咩糊塗事。哈哈！不過，阿正就真係醉左，希望佢無事啦！

今日真係又開心又難忘，收到好多無聲既祝福，雖然唔係親口講出黎，但係一切在心中 is OK！

尋晚睇完阿旺就去左訓覺，而且仲發左個靚夢！

夢既開始有三個人，第一個當然我係啦，第二個就係賓仔（去迪士尼做足準備個果），第三個就係一個長頭髮既女仔。好奇怪，我只係記得個女仔係長頭髮，佢俾我有一好熟悉既感覺，就好似一個我認識既人。當時我見到佢同賓仔玩得好開心，個女仔笑得非常燦爛。

突然，我轉左去以前麻麻間舊屋裡面。當時我好似知道自己有一種神奇能力，只要我心想甚麼，就會做甚麼。於是我做左好多想做好耐既事。

又突然，我變左係一格巴士上面，而個女仔再次出現！原來我地要去旺角買文具。點知無啦啦係天空見到好多噴射機，之後又見到一隻大飛船，接著就係一連串唔同外型既飛行物體。場面就好似外星人侵入地球一樣！

跟著無啦啦又發生大海嘯，我地逃離到一幢好高既大廈裡面。由於洪水一直湧上黎，我地一路走，一路走，走到天台。突然間全部出入口自己鎖住，我地好緊張，心裡面只係覺得我地一定要逃走，要離開依幢大廈。

之後，我地好似經歷左好多難關，最後終於都離開左依幢大廈。當我一開出口個度門，就發現有好多路人向我既歡呼鼓掌！

隨著掌聲既結束，我又返番黎現實。

200511151605終於完成第三個閃燈任務，離開那可怕的數字世界。可惜，這掃慶的Boss再一次令我沉淪於數字之中，尋覓那神祕的１字。

今日走左Maths.堂去做Logic.Lab。可惜，做到九點半都未做得晒，唯有拎塊板返屋企插！好鬼麻煩嫁，好唔鐘意Logic個阿sir！要求高高，卷都未派又話要測下次驗！又成日調堂，攪到我個時間表亂晒！

p.s.我想講．．．【不求與人相比，只求超越自己】

啊～～～勁無奈啊！突然全世界當我隱左形！叫天不應，叫地不聞！大傷心啊！我做左咩野！？點解無啦啦被人忽視！orz

頂！都唔知係未被人落左詛咒！夜晚又會無啦啦有隻蚊飛左入我張被裡面，咬到我周身都係，痕到爆炸！隻蚊又要係我耳邊飛黎飛去，搞到我訓極都極唔著！大可惡啊！貼左一幅欣宜姐！都唔洗咁到我麻！

今朝踢完波之後，好有衝勁去做埋剩餘既功課，可惜，上網既時候被欣宜嚇襯，搞到我立即無晒心情去做野，於是訓左成個下晝。幸好，睇番上個星期既幾集阿旺，心情總算平伏番少少。

對於令網友身心不適，本人萬分抱歉，就貼番幅正圖俾大家啦。

欣宜，唔好嚇人啦！我真係驚嫁！

（由於內容引致網友身心不適故刪除此圖）

今日同班舊同學去睇《高空三萬尺》，其實本來係睇《一球成名》，可惜，全線UA已經落左畫。睇完戲之後就一齊食飯，我地傾左好多以前既往事，又傾下其他同學既近況。最搞野就係四哥，失左戀就話要北上做炮兵！真係爆笑！

返到屋企就繼續我既C++功課，今次我個Program終於都Run到！真係大感動啊！跟著就改下個Report，攪攪下都已經兩點幾，於是就訓覺，準備聽日起身踢波。