好耐無寫過【佢】，可能對佢既感覺已經大不如前。雖然每次見到佢上網都會好開心，好想同佢不停咁傾偈，但係佢對我既回應已經開始緩慢。起初大家見面既時候，我地會有好多話題，大家都好想了解對方。不過，有一段時期，大家見面少左，當再見面既時候，都只係普通交談幾句，有時更加啞口無言。
雖然係咁，我仍然好期待收到佢既留言，仍然好留意佢既一舉一動。甚至會為左見佢一面，專登返學校撞佢。
當佢話由頭到尾睇過一次我既日記既時候，我真係好開心，好感動！竟然會有一個女仔去了解自己，關心自己。但係，慢慢我先發覺，原來佢只係對神祕既我產生一種好強烈既好奇心。我只係佢生活乏味既時候，一個用黎攝時間既朋友仔。或者，只係我自作多情，佢對其他人其實都係一模一樣。
不過，我從來都無討厭過佢，即使佢不繼批評小寶，話小寶核突，唔鐘意小寶，我都無怪責佢。因為我依然好珍惜依位好朋友，依位我會為佢分擔煩惱既好朋友。
可能我係佢生命之中，唔係一個理想既對象，甚至我只係一個會好快忘記既同學仔。不過，佢係我腦海之中既每一個片段，我都會銘記於心。因為同佢相處既日子係最開心，最難忘。
怎樣才能留住別人的心？
這是近日經常研究的問題…
想了又想，還是找不出答案…
尋晚阿仙奴主埸執到【堡】！大勝七比零！再一次喚醒對足球充滿熱誠既我，有見及此，今朝就同妹子決戰四號場！
之前因為怕一傷再傷，所以逢星期日我都困係屋企，對著電腦無所事事。不過，前幾日我恍然大悟，發覺即使有充足既時間養傷，但係每次決戰之後仍然會受傷，所以我決定唔理隻腳，一於踢到隻腳收山為止！
返到屋企，見到爸爸同媽媽為一個【YES】制而爭論不休。爸爸話禁左YES先再入電話號碼；媽媽話入左電話號碼先再禁YES。其實兩種方法都係行得通，洗咩係度大呼大叫，真係妹啊！
下晝，我同妹子們飲完茶之後，再一次決戰一號場，可惜，突然發現唔見左小寶電話繩上面粒可愛骰仔，大唔開心啊！結果，踢波都力不從心，表現差勁。
轉眼間，聽日就開始Sem.2。今個Sem.break做過咩野呢？唉…好無奈！好似咩都無做過…
今日係魔獸足球興趣班既最後一堂，班魔獸依然係亂禁踢波，當佢地見到個波就會成班人衝埋去，不時仲會踢傷自己既隊友仔，總之有足球既出現，佢地就會變得瘋狂。而且佢地有得爭既野都爭一餐，爭著藍色戰衣、爭掟界外球、爭踢龍門球，甚至爭排隊去廁所。
雖然佢地有時會喊，有時會埋怨隊友踢得差，但係每一次見佢地都係開開心心咁黎，開開心心咁走。雖然我每一堂我都叫到喉嚨痛，但係見到佢地咁全心全意去踢波，享受足球既樂趣，真係幾有滿足感！記得有一次落堂，我見到有隻小魔獸好興奮咁走去魔獸爸爸面前大叫：「爸爸！爸爸！我今日射入左一球十二碼啊！」見到佢既表情，真係由心裡面笑左出黎。
不過，今次既實習可以話完全失敗，佢地唔單止唔識踢波，而且成日亂咁走，又唔聽我話，個個做熱身又懶懶行，少少紀律性、服從性都無，真係激死！所以我決定下次死都唔去小學，因為我會變成家庭保母，而唔係足球教練。
p.s.咳藥水…果然係飲完就會咳既藥水…
orz
平日的我，是右邊的我…
我身體的右邊是意識之側，懂得人情世故、愛說謊。因此，與朋友對話時，身體是傾向右方的，眼也是凝望右方的。右邊的我也是快樂的我，開懷大笑時，身體也是傾向右方的，笑也是向著右方的。
右邊的我很懂得隱藏左邊的我，不喜歡把左邊的想法、秘密告訴給別人。右邊的我也懂得保護自己，是一個現實主義者，會理性地分析利弊因素，經常考慮對自己有利益的事情。
但在這裡，你卻找到代表內心真正的我，左邊的我。
今早，看過一次Sem.1的日記，發覺最開心的時刻就是九月開學的日子。當時初來報到，結識了很多新同學，又遇見了很多舊同學，感覺就像個大家庭一樣。月初的日子，大家無憂無慮，上堂吹水傾偈，落堂大玩大笑，令我感到這就是寫意的大學生活。
可是，九月過後，功課、測驗、報告、考試令我們意識到壓力的存在。而且各人開始形群結黨，各自有自己一套的大學生活模式。熟的愈來愈熟，疏的就愈來愈疏，很難再維持九月時的關係…
不經不覺，Sem.1的成績公報了，意味著Sem.2即將來臨！今個學期後，會有很多同學離開，去不同的地方繼續學習。縱使我們分開了，也希望能保持聯絡。
相處的日子很短，但很快樂。願友誼永固！
p.s.晚上，與齡齡們打桌球、吃火鍋，感覺不俗。
我終於都過到3，大感動！感謝神恩！
但係…Logic…唉，我話過做咩都得，你地叫我做咩都得啦！><
過唔到3既同學仔，我真係唔知點安慰你地，因為我無資格。不過，我只係想話俾你地知…
我係永遠支持你地！
今日係陽光普照，對我黎講係一個愉快既日子。
朝早，決戰紅草！雖然表現唔算突出，但係齊心就事成！結果，我地終於取得初回既勝利！可喜可賀！中段既時候，仲見到Rainny,3be, Winnie黎打氣，真係多謝！走既時候撞到貓仔，點知去到新can又撞到，真係攪笑。
下晝，我同駱、樂一齊去睇醫生，享受一下大學生既褔利。醫生俾左好多藥我食，有咳藥水，有喉糖，有傷風藥。哈哈，好抵睇啊！不過，食完藥又疲倦又眼訓，一訓就訓到八點。
起身之後，見到大家都係MSN議論紛紛。睇一睇日期先記得今日原來就係出GPA成績既重要日子。開頭好驚自己過唔到3，因為考試表現唔係幾理想。不過，最後我都有3.41，而且仲有一科A，真係鬆一口氣。不過，Logic就……唉，當時仲話一定爆Ａ，我而家做唔到喇，你地要求我做咩都無所謂啦。
可惜，我最熟個幾位同學仔都過唔到３，我真係覺得佢地好唔抵，希望你地唔好灰心啦。因為希望在AL，有我支持你地，你地實掂嫁！
p.s.【如果知道我付出了多少努力，你絕不會驚訝我的成就】
祈禱，對我來說不是一個陌生的詞語，但在這裡祈禱卻是第一次。眼見近日身邊的親友們都面帶憂愁，各人也為著不愉快的事情而煩惱。在此，我希望神可以聆聽我的禱告，能讓每一個人也活得快樂、忘記悲傷，感謝神恩。阿們。
今日一早就上網搵下Brush既素材，俾我發現左一個好好既網站，仲學識左點樣整一個Brush！好～大家欣賞下我既作品啦！
許下願先，我希望．．．阿仙奴拎到歐聯冠軍、拎到足總盃冠軍、拎到聯賽盃冠軍；柏金可以變番年青力壯、可以入好多波、可以唔洗退休；小寶係香港人氣爆升、係香港開演唱會、唱片隻隻賣過百萬張、首首歌都愈唱愈紅．．．個個人都健健康康