尋晚諗著通宵做David.Report，點知四點半就頂唔著去訓一陣，一醒就已經十點鐘……
依排好反覆，一時訓好耐，一時無覺訓，不過我唔會死嫁！我一定會挨到考試之後，同妳玩過痛快！！
還有感謝同學仔無私的分享！
p.s.好消息！C++改左係Exam之後先交！
Blog
-
Monday April 10, 2006
今日一早就去同太陽玩遊戲，但係夜訓加無食早餐，跑起黎腳浮浮，所以好多時候都企係陰間等待機會
真係好耐好耐無同EIE同學仔黎一場友誼賽，今次多左幾個新同學加盟，佢地踢得都唔錯！最驚訝就係Johnny同Ronald守龍門！估唔到佢地守得幾好！相反，自己就表演一般，只係入左三球，哈哈！
p.s.見到妳..hehe..
-
Sunday April 9, 2006
今朝我阿爸、阿媽好攪笑啊！成日都叫錯我同家姐個名！今日仲叫我家姐做阿仔！真係笑死我喇！
食完晏之後又去左訓覺，訓到六點半，好滿足啊！依兩日不地咁訓覺，咩都唔洗做，實在好輕鬆，不過就訓到成個人呆呆滯滯。
夜晚同四姨丈一家去食飯，真係家家有本難唸的經……
尋日知道數學測驗得48分，自覺仲未夠老力！所以黎緊依一個月，我要開始發力！EXAM才是王道！
-
Saturday April 8, 2006
今天是休息天
-
想足球
想起足球，我便想起了「西瓜波」。因為第一次接觸足球這樣運動是由一個西瓜波開始……
小時候的暑假，我經常到堂兄弟的家中度過。在這時，我們的玩意不是「足球」，而是「捉棋」。但一次偶然的機會，家中的大人也外出了，只剩下我和三位堂兄弟。就是這一次偶然，四個小伙子膽大包天在家中的一條頰窄小路，展開了西瓜波大戰！
初次接觸足球的我當然不懂踢球，我只懂對著堂兄弟的腳恨恨地踢下去。看到他們叫喊的樣子，我便發覺「足球」原來是一樣很好玩的運動！
想起足球，還有很多很多，有機會再與大家分享分享。
待續
-
Friday April 7, 2006
今朝C++要拎野出黎睇，好彩經過一晚既通宵，總算交到貨。但係俾人暗串話我只係做左一晚！無錯！的確只係做左一晚！點解呢？因為我用左做其他時間黎做Lab，執人手尾，陪人做無聊野。再者，唔係我唔做野，只係我未開始做，就有人做晒，之後就話我唔做！無奈！
放學之後CF記錄測驗結果，仲搞到燒左粒IC！今次係我咁大個人第一次燒IC啊！好開心啊！講真嫁！我真係有少少興奮！我真係覺得係一件值得紀念既事！不過唔知點解！可能係成日見到人成燒IC，但係自己未試過，有少少羨慕啦！XDDD
夜晚做左阿king既義工幫佢貼圖，估唔到阿king真係幾百變，我好鐘意果幅「麥當奴」因為果幅既笑容係最甜美，加上果一粒美人痣真係好誘人！
今晚大家都好少出聲，可能係黎緊依個月會好少時間見面，大家都依依不捨。其實我心裡面都一樣唔好受，因為我地相處既時間實在太短。但係忍耐一下啦！過左依個月就會唔同嫁喇！
相約與妳共度美麗時光
-
Wednesday April 5, 2006
昨夜很想大聲呼叫「我愛Matlab！」，因為它太討我歡心了！所有難題、煩題、複雜題一一都可解決！簡單、易學又易明！真係好爽啊！可惜，當時已經是夜深，我只能把這份喜悅，分享給我的MSN好友…
今天有點忙，下午忙著見人，晚上忙著C++。
p.s.舊人，我真的很忙，有空便幫你……
-
Wednesday April 5, 2006
看來很多人都不了解我這個天蠍座，很想寫一篇自述，令你們更明白我。可惜，我是天蠍座……
-
Wednesday April 5, 2006
清明節，傳統習俗，我們要上山為先人掃墓，盡點孝道。但日子久了，對先人的掛念卻漸漸淡忘，掃墓卻變成了一件例行公事。
前年婆婆離去，叔伯們把一張彩票放在她的墓前……
心想：發達是這麼容易嗎？