B Style

Category: Xanga

Xanga is a weblog of my daily life.

  • Thursday December 30, 2004

    The end of this year

  • Monday November 8, 2004

    由於高考將近，本人下定決心停止一切網上活動 ~~ !!

     

    因此，本日記將暫時停止更新

               

  • Friday November 5, 2004

    今日 11月5日就是小寶18歲生日  吹熄蠟燭許個願望先

    我祝 BoA 生日快樂～永遠都開開心心～心想事成～成為國際巨星！

    보아양 생일축하해!!

  • Friday November 5, 2004

    今日真係正爆~~!! Day6 + Happy Friday 簡直係完美既組合!!

    電子堂 終於都完成件工件喇，而且仲係第一個~~睇下幾靚!!

    午飯時間，有班際籃球比賽~~~~~我地超勁~~半場已經領先十幾分

    於是我地就不停換人出黎玩~~最搞笑都係英武~~ 我地輕輕鬆鬆 又順利進級喇

    比賽完之後，Form Period 果堂 比賽個班落左去食pizza，而我就寫埋份自薦文章

    寫完之後覺得自己好虛偽…

    到中文堂章~~超爆笑啊~~ 硬膠孫sir玩口試~~而我就不停影孫sir相

    不過佢硬膠膠唔知道 我地大玩借鏡，笑到我地爆肚

    返到屋企，就拎錢落去東亞入數。然後就返家訂PPC

    搞左好鬼耐啊又無FAX，又無Printer 於是要落樓下搞… 好麻煩

    到依家，終於都搞掂晒 之後就只有係屋企等貨到~~好心急啊

    我既第一部PPC – Dell Axim X30 624MHZ ~~期待中

  • Tuesday November 2, 2004

    這幾天都忙碌著JUPAS選科，所以沒有時間來寫日記…

  • Sunday October 31, 2004

    假日總是沒有事情發生…

  • Friday October 29, 2004

    今日部97A開早左，結果要搭97返學
    Applied堂要測驗，點知原來係議員呃我地
    佢只係想我地做下練習，真係鬼馬
    中文堂唔記得左唔准講野，又要罰多兩堂…再無奈
    英文堂就測listening，Part2好難，只係識答幾題
    —————————————————————-
    午飯之後，返到班房又開始足球大賽
    成班發晒癲，係咁圍住個波亂咁踢，仲要係班房踢三鬥三
    一輪大戰之後，就係班際合唱比賽，我要做指揮啊，勁驚！
    一開頭以為係四拍開始，點知原來係八拍開始，搞到亂鬼晒…
    之後都唔知自己做咩，是是但個咁指黎指去
    班際比賽之後，就係表演時間
    扮野安竟然上台唱歌…佢唱 Let It Be ，仲唱到走晒音
    —————————————————————–
    放學喇，今日係象棋比賽決賽！
    聽番崔師兄講，原來上場我地係超-6入決賽
    無計啦，王者此終都係被上天眷屬
    決賽對手係馬德恩佢地，佢地係有實力贏嫁
    佢地又係上屆初中組既冠軍，而且又成日練棋
    不過我地調動得宜，加上心理質素好過佢地
    最後，成功奪到高中組冠軍！！YEAH！
    熙爺最鬼正啦，無比賽過就拎個季軍！哈！

  • Thursday October 28, 2004

    今日又到 Happy Day 6~ 電子堂又做工件，正！
    不過唔知邊個拎左我張紙  搞到我又要由頭 test 過件工件
    第二堂去左彩排，無啦啦搵左我去做指揮…無奈 = =||
    小息之後就係Pure堂，唔准同同學講野
    不過我無啦啦忍唔著去搭訕，到攪聽日又唔准傾計
    ————————————————————
    始終中文堂係最爆笑  因為孫老師又繼續硬膠
    一入黎就話今日要測驗實用文，而且叫我地分開坐既時候仲發嬲
    我地一於好少理，大家做完份卷之後就開始玩野
    今堂唔知邊個係電子工場捉左隻蝴蝶入黎，於是佢就放隻蝴蝶出黎玩
    我地成班就係度扮驚，不停係到大叫話係怪獸、係外星間諜 XDD
    當時孫老師扮好醒目，話我地大驚小怪
    點知隻蝴蝶突然飛去佢個頭頂，嚇到佢縮都縮唔切，笑死我地！
    之後，我地又討論作文既時候用左咩名，個個都古靈精怪，勁爆笑！
    哈哈，開開心心又過一日，不過今日好似無咩上過堂咁既
    ————————————————————
    本來放學要去象棋比賽，不過又撞正器械訓練班
    結果揀左去器械，因為今次係最後一堂，好頭好尾！
    ————————————————————
    返到屋企就 BT 聯賽盃
    發現班後生仔都踢得唔錯，而且越踢越順
    本來覺得雲佩斯麻麻地，不過今場有幾球過波都幾靚
    睇黎阿仙奴既皇朝都仲有排玩啊

  • Wednesday October 27, 2004

    今朝五點四就起左身，本來想做英文功課
    不過最後都係去在上網、食早餐
    之後行路返學，見唔到旦旦鏗，原來佢今日無返學
    Pure要測驗，份卷唔難，表現過得去
    之後Applied堂，議員做左半題數就落堂
    其後都無發生咩特別事，都係踢下波、吹下水
    午飯之後，同阿雞玩層層疊
    點知玩玩下，嘉豪無啦啦飛枝筆過黎，整跌晒我地既傑作
    物理堂，一邊聽祖祖偉講MC答案，一邊又玩層層疊
    不過今次我輸左，結果要罰兩堂唔准同同學仔講野
    —————————————————————-
    返到屋企，訓左一陣就同熙出去睇PDA
    經過修頓既時候，撞到阿達打學屆籃球
    然後我地就上電腦城，今日睇到幾部幾岩心水
    熙就買左DVD-RW + SD card，我就空手而回
    途中見到賣 notebook 既鋪頭都播緊 BoA 既 Live Show，大開心
    有間鋪頭，仲將 Quincy 個 PV 放入部 PPC 裡面
    我當然立即拎黎睇啦，雖然 BoA 可愛，不過影片既質素就麻麻地喇
    —————————————————————-
    今次返屋企好快，等一陣就有97黎，而且又有位坐
    返到屋企就打日記，其後做功課，咁就一日喇

  • Tuesday October 26, 2004

    經過四天的假期後，我再次重返上學的日子
    回到校園，不少同學關心地詢問我缺席的原因
    但是有些卻諷刺地說出我是為阿仙奴被破不敗而失落至不能上學
    我不怪責他們，反感到有一點興奮及快樂
    從前的阿仙奴的比賽是不值一提的，但是今天已成眾矢之的
    每逢落敗之後，總有些人喜歡說出一些冷言冷語
    上屆的兩連敗，我已深深感受到這一沉百踩的感覺
    但是，你們記著，阿仙奴是弱隊，它是踢出悅目進攻足球的強隊！
    ——————————————————-
    關於我缺席的原因是…
    昨天是阿仙奴創下英超49場不敗驕人成績的慶祝日
    作為一個真正的兵工廠球迷，當然要請假來慶祝
    哈哈，事實是我昨天的懶床，結果弄到遲了起床
    但不想遲到而被記過，故請假一天
    ——————————————————-
    在上課時不斷聽到周公的呼喚，結果又白過了一天
    雖然今天不是讀書天，但卻是一個可喜的日子
    因為…我成功通過健體金卡考試了
    辛苦了整整一個月，考到金卡了~Yeah！
    ——————————————————-
    不經不覺，十月也到尾聲了
    回想過去的日子裡，我真的沒有認真溫習
    而且常常虛度假日的時間，浪費了很多溫習的機會…
    希望十一月可以認認真真地為高考而努力！
    ——————————————————-
    【不怕欄越來越高，只怕自己沒有進步】
    【不求與人相比，只求超越自己】