Xanga is a weblog of my daily life.
之前試過同一大班人去圖書館溫書，又試過獨自係屋企溫習，兩者成效不大。今日發現，原來同大自然一齊溫書先係最好！
記得會考個時同成班同學仔集體去中央溫書，結果傾偈多過計數，咩書就溫唔到。之後，高考又試過自己一個人去自修室溫習。但係裡面既「寧靜」環境實在令人難以集中。
我一直都尋求一個理想既溫書環境，有效率既讀書方法，可惜，每一次既嘗試都係失敗。不過，今日發現原來自己一個人係花園仔一角，一邊呼吸大自然既新鮮空氣，一邊聆聽小鳥兒清脆歌聲，一邊溫習課堂上既筆記係最好既！
無可否認，同朋友仔一齊溫書係有一定既好處，起碼大家可以解答對方既疑難，一齊研討習作中既問題。不過，對我而言，係測驗考試前席，依個時間緊迫既日子裡面，都係一個人溫習較為理想。
feel confused about LCR…
p.s. thx for simon’s help =]
奢侈的學生生活
出道五年的寶兒，在擁有著無數人羡慕的響亮成績單時，失去的，又何嘗是平凡人所承受得起的。近幾年來，寶兒對於校園生活的回憶，讓我們感受到了這個亞洲小天后寂寞的內心世界。
真正完全屬於寶兒的學生生涯，終止于小學，五年級時即被經紀公司挖掘，自此後開始了殘酷的培訓期。每每提及到初中時的生活，寶兒都是感慨萬千，因為小學畢業後，寶兒曾就讀過一年國際學校，每天都得爬一段非常陡峭的斜坡，才能到達位於山頂的學校，而且因為陡峭，計程車開不上去，到了下雪天時，寶兒便會坐著雪橇從坡上滑下來。
每個人都會有一段珍藏在記憶中的美好童真，寶兒也不例外，每當回想起在故鄉發生的種種，心中的寂寞就會立即散去。而為了讓寶兒重溫曾經的學生生涯，在電視臺的特別安排下，寶兒回到了高中參加了暑期輔導。對於一般的學生而言再平常不過的學校生活，但在寶兒眼中卻是彌足珍貴的特別記憶。
是風潮，還是磨難
繼《Girls On Top》後，寶兒的另一支主打《Moto》又旋風般襲來。為了《Moto》的MV拍攝，寶兒戴起了假髮，以短髮造型示眾。一向能夠引領潮流的寶兒，《Moto》現場帶來了動作難度係數極高的扭腰舞。性感小女人的這段舞蹈，已經成為一些愛美女生爭相模仿的“瘦腰舞”。
對於這次舞蹈的強度有多高，從寶兒成功瘦腰一英寸就可以看出來。在引領風潮的時候，一向辛苦的寶兒也承受到了高難度舞蹈帶給她的磨難。在錄製現場時，寶兒因腰部扭動過於激烈而導致腰傷，疼痛難忍到由當場警衛抬走。
眾所周知，寶兒一向無愧於日韓天后的美稱。第五張專輯甚至沒有推出後續曲，寶兒又馬不停蹄地前往日本，為單曲《Make a secret》做宣傳。日漸憔悴的面容，不化妝已經很難掩飾。想起每次寶兒來中國時，坐在後臺裏的寶兒總是話語稀少，疲倦的姿態讓人心疼不已。
今日做左好多運動，真係好耐無試過有一日運動量係咁大！雖然好享受運動既樂趣，可惜換黎既代價就係【十字幫】既復興！
今朝一早就起身就去踢波，Poly個場果然好正！雖然烈日當空，但係緊記Heat=Energy既理論，所以發揮都幾好，而且仲有一個士哥！爽啊！不過中途去左休息，點知突然黎左好多人，結果要跟隊鬥波。但係佢地都唔知係未唔識入波，等左成幾個字我先有得出場，點知波都未踢過就俾人入波！真係吹到！好彩成班都得識得，所以可以繼續踢。之後我仲守龍，不過守得好hea。
然後就返學上堂，到夜晚就去上壘球。
簡單黎講，壘球就好似棒球一樣，只不過係用既波同球員人數有所不同。今堂學左好多基本技術。雖然食左一球波餅，但係都幾開心。可惜，玩壘球成日要扭腰，結果搞到隻腳又痛番！可惡啊！
跟著就同Conlee,Simon去都會食晚飯，$12一餐，好抵食啊！Simon同我講左好耐耶穌，搞到我都好想上天堂添。不過背後既目的只係唔想入地獄，哈哈！
究竟命運係由天既安排，還是係掌握係自己既手中？
頭先睇完【電車男特別版】，實在太正喇！我愛上電車喇！
雖然今次主要係環繞【結他男】同個大叔既戀愛故事，但係間中又回顧一下電車同Hermes既交往經過，真係好有味道！最正就係成班網友去完飲Benoist之後重演一幕電車男勇救美女Hermes！簡直睇到我熱血沸騰！
尋晚訓得好滿足！於是今日決定唔踢波，留係屋企溫書準備星期五既測驗。但係眾所周知，我係一個臨急先抱金爺隻腳既人。有一個無束縛既星期天，我會用黎溫書咩！所以，今日都係不停上網同人傾偈。而今日做左最有意義既事就係改左個黑色版，因為始終覺得黑色先可以反映出我既真個性。
p.s.thx for ryu!
今日係足球教練實習既第一堂。本來希望見到既係十幾位天真可愛、聽教聽話既小朋友，點知被我見到既竟然係二十隻糊亂放肆、不守紀律既魔獸~~![[yipes]](http://forum2.hkgolden.com/faces/yipes.gif)
!!!!!!
教授其間發生既事情非常混亂，叫班魔獸集隊佢地就走黎走去，叫班魔獸踩定個波佢地就踢到周圍都係，叫班魔獸鬥波佢地就去打交。總之班魔獸就曳到爆炸，詳細內容不能盡錄！如果大家有興趣就問我啦！
另外，今日係Poly.I-day，我就做helper派下EIE傳單，教下人去聽講座。記得上年同多多一齊黎參觀，人生路不熟。點知今年竟然帶其他人去參觀，教佢地點樣行去演講廳，哈！
今日第一個任務係派傳單。目標係兩個鐘頭之內派完。跟著我同阿正環繞Poly咁派，唔洗半個鐘，好快就派晒所有傳單。之後見到阿科，佢介紹左個兩新朋友俾我識。
大約去到三點半，我同阿正返總部接受第二個任務，都係派傳單。博士話派完傳單就去大本營駐守，不過我地同左兩個字極速秒殺晒所有傳單，就去搵阿科佢地。
然後，阿正就帶我地去hall參觀。本來諗著租場篤波，點知每位要$20/hr。於是我地就決定去黃埔打波。去到球場，我地見到有一個小朋友自己練緊射波。跟著我地五個就走過去叫佢鬥波。
打完幾場之後就休息左一陣，其後我地吹下水，講下學校野又繼續鬥波。不過今次就同班勁人打，我地好似俾佢地凌辱一樣，其中一個fake人好勁，好彩最後我地都入番幾球，但係都玩得幾開心！
自從上年學期初同同學仔打波之後，好耐都無接觸過籃球。加上，今朝班魔獸搗亂，近期又無咩做運動，所以打完波之後好疲倦。返到屋企一陣就訓左覺．．．
p.s.妹子耀今日牛一，雖然無同你一齊去慶祝生日，但係透過EMwave同你講一聲：生日快樂！唔好再咁妹喇！
今日勤又黎左sit堂，同佢不繼討論、研究，令到我而家上Circuit堂好有衝勁！另外，下星期五要連續測Programming同Circuit，所以下星期開始要實施Poly自閉大行動！
仲有，聽日就係我足球教練實習既第一堂，希望班小朋友唔好發癲啦！
BoA time =]
Thursday, October 06, 2005
今日朝早八半番到夜晚八半，放學個時見到師姐梁詠琪，不過真人無上鏡咁靚，可能佢個妝較濃啦。
之後我地成班去黃埔食泰國菜，個度既野食都幾唔錯，阿科萬歲！跟著就去打機，用＄３打爆左隻足球，爽！
然後，返屋企途中同Connie談論落機舖既問題！哈哈！佢太乖女喇！
我發覺自己喜愛孤獨，這是我近年常表現出來的一種性格。因為一個人的時侯，空間總是特別的大，可以給我思考的時間，也給我休息的氣氛，所以我喜歡孤獨，也開始享受孤獨。在一個無拘無束的世界裡，一個人自由自在做想做的事，將平日令人煩亂的人際關係暫時拋諸腦後，獨個兒享受孤獨。
但原來，人是群體動物，這天性，是沒有辦法改變的。再孤僻的一個人也總會有想找人依偎的時候，也總會有想找人傾訴的一刻。
在生活的過程中總會有一些不吐不快的討厭經歷。可是，能傾訴的對象，我實在找不到半個。愉快的事我不介意跟好朋友分享，學業上的煩惱也很樂意與他們傾訴，可是，每當面對著自己的失敗時，總是不願意跟他們多說半句。我不是怕他們不諒解我，也不是覺得他們會因此而取笑我。
我只是覺得，即使我說了，又可以怎樣呢？
從不懂得藉故親近 臉上或許太深沉
我一個人沉溺孤單的氣氛
從不懂得應對追問 自問沒打開我心
活在人煙中 獨我是我知音
陽光 黃昏 使我興奮
從不關心 誰人明白我心
我只孤單一個過活 望向天邊多遼闊
我放任自負 懶理會某君不喜歡
但我不想一個快樂 是我過去不自覺
盼望能伴著你 還分享我感覺
誰不懂得世故審慎 夜靜後不再傷神
我一個人 難得輕鬆的氣氛
繁囂的都市太空泛 活在迷失空氣間
沒共誰分擔 獨個習慣孤單
改編自Alex’s diary