Category: Xanga

可能無人會見記得今日係咩野特別日子，不過今日對我黎講的確係一個好重要既紀念日。

今日就係阿仙奴創下連續49場不敗驕人成績既一週年紀念！我唔會覺得被曼聯擊敗係一個恥辱，反而多謝佢幫我地建立依個不敗神話！

希望過左今日之後，受傷既就好番，缺態既就回勇，少入波既就狂有進帳。總之就要重上軌道，成為爭標份子！締造更加驕人既成績！

開始習慣學園既生活，但係每日跟著個時間表上堂、落堂、上堂、落堂！日日不停既屠房生活，不停既連環測驗！搞到依幾個星期無咩特別事件發生可以記錄！搞到我寫日記寫得好空泛！唉~唔知幾時先黎個新衝擊，等我可以興奮一下。╮(﹀_﹀”)╭

雖然生活唔係咁充實，但係就不停同好多人傾偈，講左好多以前唔會講既野，個人好似解開左咁多年既枷鎖一樣，好輕鬆。～(￣▽￣)～

p.s.今日睇左阿旺！好好笑~XDDD！都話每個人都有個價嫁啦！

A.Wong教過我，靚仔係要比較既。我可以係靚仔，你可以係靚仔，佢都可以係靚仔。所以大家千祈唔好咁自悲啊！

A.Wong教過我，人腦如果只係用黎記野，只係值＄１。所以大家千祈唔好將個腦用黎做HDD，要做黎做CPU啊！

A.Wong教過我，只有客觀既證據先係最有說服力。所以大家千祈唔好咁主觀，先入為主，要多角度分析事物啊！

A.Wong教過我，UE唔係考你英文，只係考你識唔識得跟遊戲規則去玩依個遊戲。所以大家千祈要去名師補英文啊！

我好記得A.Wong教過我既每一樣野，因為．．．

Archvictor is always with me!

http://www.albinoblacksheep.com/flash/kikia1.html
(睇完你可能會講粗口, 因為我心裏面都有講)

p.s.人既好奇心，往往帶俾佢地不幸的惡果…= =+

No. of time staying at home = No. of time consuming……

Sorry, i break our promise!!

今日同小欣欣傾左好耐計，講左好多野，發覺我同佢都幾多話題！佢份人好乖乖女，好得意！哈！最攪笑係個個動作，笑死我啊！

近排上網回憶番好多以前細個既事，記得細個好鐘意睇一套卡通片，個故事係講一個間學校，當地球遇到困難既時候，就會變成戰鬥機地，之後就會有三個機械人彈出黎拯救地球！套卡通好似叫「熱血最強」，而個三個機械人可以合體成會熱血最強獅人鳳！真係好好睇！

我仲記得另外一套卡通片叫「魔法小魔星」，依套應該係第一套令我喊過既卡通片。個時大結局話小魔星要返番魔界，我真係好唔捨得咁喊左出黎。最後，小魔星又突變返番黎地球世界，個時真係開心都訓唔著覺！哈哈！

另外，仲記得好多小學休息時間玩既種種玩兒。最深刻既印象就係玩「奇多圈」，個時一鐘聲響就立即衝去操場對戰，我仲贏左好多個圈圈番黎嫁！而家裝奇多圈既罐仲係度，第時一定會俾班子孫睇下我細個時候既玩兒！

仲有，「奄賓周」都係當年一大攻擊同學仔既招數。攻擊既時候要伸出食指同中指，擺出一個好似點穴姿勢，之後就篤向同學仔既小弟弟度，諗番都覺得攪笑！XDD

由於細個果時放補習之後唔可以立即番屋企，終是就會同班妹子們去婆婆屋企。個度可以話係我地既兒童王國，咩野創新玩兒都係由依度發明出黎。

記得最好玩就係「大白鯊」，我地會當公公婆婆將大床做船，跟著就會放晒枕頭同綿被係床邊當保護攔。猜輸左果個就要做大白鯊係床邊捉人落船！我地會係床上面走黎去，有時又會伸隻腳出去引大白鯊食自己。當有人被大白鯊捉住，我地仲會一齊拉返佢上黎，真係非常好玩！

哈哈！突然諗番起咁多細個既事真係好正！！好令人回味啊！

之前種下既因，必定有後來結下既果！我而家深明依個道理喇！我亦都受到教訓喇！救您原諒我啦！我知道咩叫因果循環！硬膠孫老師，對唔住！請你原諒我以前既無知同幼稚啦！orz

另外，人應該將所有痛苦收藏係內心，自己一個人去承受，定係將佢分俾其他人，等佢地一齊分擔？我知道後者會令自己比較輕鬆，但係一個人受苦，總好過一班人受苦。

我亦都知道有一班人會好偉大，佢地會願意同你分擔憂愁，但係有時我都幾認同妹子隆既觀點。

「『講左出來會舒服ｄ』這句話是許多人都常用的話，我以前也會用，但近來沒有了，為什麼？因為太殘忍，要一個人再將他們感得痛苦的事情再說多一次，對他們來說簡直是折磨，可能你會覺得自己只是出自關心，但其實你只是間接地再傷害他們一次。

在他們的角度希望的不是你所謂『關心』的逼問，而是一個支持。有很多人會將這些苦痛的經歷寫出來，其實能寫得出來已經是一件不容易的事。要親口將恐懼說出口，更是一種可怕的經歷，就好像HarryPotter裡的巫師那樣，就連惡魔的名字也不敢提起，因為只要將那個嚇人的名字說出來已經足夠膽顫心驚，所以我還是不再追問我的朋友。

作為朋友我當然會關心他們，但是要他們為了滿足自己的好奇心，而將傷心再說從頭再多一次，我不忍心。反正我也幫不上什麼忙，甚至無能為力，作為朋友，我可以做到的只可以給他們支持，但我相信他們也會感受得到的。」

我並唔係唔願意接受其他人既關心同慰問。但係我希望關心別人既你地都要量力而為，我唔想因為一已私欲而拖累你地、浪費你地既時間去處理我所謂唔開心既事。不過點都好，我真心多謝給予過我支持既你地！特別係ＣＹ，好開心可以識到你依個好好既聆聽者。
October 22, 2005

有時覺得自己幾鐘意用相反表情或行為黎掩飾內心真正既心情。

由星期一笑到星期五，真係咁開心咩

p.s.對唔住，我有時的確幾情緒化！

今日去睇鐵打，黃師傅一黎就問我有冇係大學溝女，仲同我講左好多溝女既忠告！叫我千祈唔好搞大人地個肚，真係笑到我喊Ｊ！不過點都好，我隻腳真係好番好多，大感謝啊！

另外，今日無無聊聊去高登，睇左好多硬膠ｐｏｓｔ，又一次笑到我喊Ｊ！哈哈！很夫子！XDD

p.s.今日發現有ｄ野，睇黎都要潛幾日水，沖淡下個件事！