Xanga

兩年前，有一位南韓農民去到墨西哥世貿會議示威區爬上圍欄，佢跟著用一把軍刀插入自己心臟，佢既生命就此而結束。世貿究竟做左咩野事，令人要用生命去抗議？

近幾日我地會見到有一大批南韓農民去到灣仔海旁示威區抗議，佢地既行動非常激進，跳海、燒祭壇、搶警盾，甚至赤手空拳沖擊警方防線。佢地好明白無論做咩行動，點樣沖擊都係無辦法闖入會展議場，但係佢地點解要咁樣做呢？

目的只係希望引起各界既關注！

我相信如果世貿唔係係香港會展舉行，大多數既香港人（包括我）都唔知世貿究竟發生緊咩野事。幸福的香港人，我地要好好反省！

今日南韓農民更加用三步一叩既方式表達不滿！香港人係時候要做野喇！我地豈可冷眼旁觀！

今日溫書溫到好悶啊！又要玩下ＩＱ題刺激下大腦！

準備，開始！時限一分鐘！

答案

今朝部電話又唔響！差少少又唔知醒去reg科喇，好彩有connie叫醒我！大感謝啊！不過有少少唔安樂，佢叫醒我去reg科，反而佢自己又reg唔到。佢明明早過我login嫁！點解會咁嫁呢？

算啦！塞翁失馬，焉知非福！唔好唔開心喇！=]

天下間豈有【有借無還】既道理！？要還既始終要還．．．

今日如果唔係占士叫我起身，我諗自己一定會遲到而考唔到試，大感謝！本來以前自己受到幸運女神既眷顧，原來一切一切都只係死神為我而設既死亡序幕！

詳情唔想講，總之要表現差勁！成個人好似受左咀咒一樣！

p.s.近排覺得自己無盡球迷同歌迷既責任，波又唔睇，碟又唔買！

記得當初的承諾嗎？現在就去實行吧！

上次只係付出少少就可以獲得理想既收穫，今次真係好驚會一次過還番晒所有既成果。希望依幾個星期既付出可以彌補當初既代價。

我又畢業了！

今日係足球教練既畢業典禮，我地依班準教練終於可以再一次眾首一堂！我地一見面就大談足球實習既奇閒趣事。我發覺當初既決定係非常唔明智！點解我唔揀去中學實習呢？！

睇番當時我地學急救、職前輔導、技術訓練既記錄片，每一幕都令人回味無窮！最深刻就係上職輔時玩既集體遊戲，每一個遊戲都考驗我地既團體精神、合作能力！雖然難度一次又一次提高，但係我地一次一次衝破！依一種成功感真係好滿足！

『如果你知道我付出了多少努力，你絕不會驚訝我的成就。』

一個我要十幾個鐘頭既先完成既程式，竟然要我係二個半鐘頭之內完成！？真係笑話！天大既笑話！

可能係上天既恩賜，又或者係魔鬼既誘惑，今次C++測驗既時候，竟然有一份完整答案係我面前出現！

為左今日我已經不眠不休耗用數十小時去做C++功課黎準備依個測驗。由於我地班有太多既同學仔，所以今次分開兩組同學先後測驗，而我就係遲測既一組。今次依個C++測驗我好有信心可以過到distinction.line，因為阿sir話份功課其實同測驗內容大致相同。

但係，當我見到第一組同學仔測驗完畢既表情就心知不妙！

今次測驗要過pass.line已經有相當高既難度！正正係我搞盡腦汁諗到頭昏腦脹候既時候，阿科竟然發現佢部電腦上面違留左一份上一手留低既答案，而且依份答案已經去distinction.line！可能依個就係上天報答我辛苦十幾小時既恩賜，又或者係魔鬼試探我誠實既誘惑。不過，當時我無考慮咁多原因，而且時間緊迫，我決定用依個同學既答案做藍圖去應付依個測驗！

當時我真係好想抄到distinction.line，因為依一個係我突圍而出既好時機，但係受到良心既責備！結果，我只係抄到令我困惑既passline，最後由自己完成creditline。