Xanga is a weblog of my daily life.
今日係魔獸足球興趣班既最後一堂，班魔獸依然係亂禁踢波，當佢地見到個波就會成班人衝埋去，不時仲會踢傷自己既隊友仔，總之有足球既出現，佢地就會變得瘋狂。而且佢地有得爭既野都爭一餐，爭著藍色戰衣、爭掟界外球、爭踢龍門球，甚至爭排隊去廁所。
雖然佢地有時會喊，有時會埋怨隊友踢得差，但係每一次見佢地都係開開心心咁黎，開開心心咁走。雖然我每一堂我都叫到喉嚨痛，但係見到佢地咁全心全意去踢波，享受足球既樂趣，真係幾有滿足感！記得有一次落堂，我見到有隻小魔獸好興奮咁走去魔獸爸爸面前大叫：「爸爸！爸爸！我今日射入左一球十二碼啊！」見到佢既表情，真係由心裡面笑左出黎。
不過，今次既實習可以話完全失敗，佢地唔單止唔識踢波，而且成日亂咁走，又唔聽我話，個個做熱身又懶懶行，少少紀律性、服從性都無，真係激死！所以我決定下次死都唔去小學，因為我會變成家庭保母，而唔係足球教練。
p.s.咳藥水…果然係飲完就會咳既藥水…
orz
Written by
平日的我，是右邊的我…
我身體的右邊是意識之側，懂得人情世故、愛說謊。因此，與朋友對話時，身體是傾向右方的，眼也是凝望右方的。右邊的我也是快樂的我，開懷大笑時，身體也是傾向右方的，笑也是向著右方的。
右邊的我很懂得隱藏左邊的我，不喜歡把左邊的想法、秘密告訴給別人。右邊的我也懂得保護自己，是一個現實主義者，會理性地分析利弊因素，經常考慮對自己有利益的事情。
但在這裡，你卻找到代表內心真正的我，左邊的我。
Written by
今早，看過一次Sem.1的日記，發覺最開心的時刻就是九月開學的日子。當時初來報到，結識了很多新同學，又遇見了很多舊同學，感覺就像個大家庭一樣。月初的日子，大家無憂無慮，上堂吹水傾偈，落堂大玩大笑，令我感到這就是寫意的大學生活。
可是，九月過後，功課、測驗、報告、考試令我們意識到壓力的存在。而且各人開始形群結黨，各自有自己一套的大學生活模式。熟的愈來愈熟，疏的就愈來愈疏，很難再維持九月時的關係…
不經不覺，Sem.1的成績公報了，意味著Sem.2即將來臨！今個學期後，會有很多同學離開，去不同的地方繼續學習。縱使我們分開了，也希望能保持聯絡。
相處的日子很短，但很快樂。願友誼永固！
p.s.晚上，與齡齡們打桌球、吃火鍋，感覺不俗。
Written by
我終於都過到3，大感動！感謝神恩！
但係…Logic…唉，我話過做咩都得，你地叫我做咩都得啦！><
過唔到3既同學仔，我真係唔知點安慰你地，因為我無資格。不過，我只係想話俾你地知…
我係永遠支持你地！
Written by
今日係陽光普照，對我黎講係一個愉快既日子。
朝早，決戰紅草！雖然表現唔算突出，但係齊心就事成！結果，我地終於取得初回既勝利！可喜可賀！中段既時候，仲見到Rainny,3be, Winnie黎打氣，真係多謝！走既時候撞到貓仔，點知去到新can又撞到，真係攪笑。
下晝，我同駱、樂一齊去睇醫生，享受一下大學生既褔利。醫生俾左好多藥我食，有咳藥水，有喉糖，有傷風藥。哈哈，好抵睇啊！不過，食完藥又疲倦又眼訓，一訓就訓到八點。
起身之後，見到大家都係MSN議論紛紛。睇一睇日期先記得今日原來就係出GPA成績既重要日子。開頭好驚自己過唔到3，因為考試表現唔係幾理想。不過，最後我都有3.41，而且仲有一科A，真係鬆一口氣。不過，Logic就……唉，當時仲話一定爆Ａ，我而家做唔到喇，你地要求我做咩都無所謂啦。
可惜，我最熟個幾位同學仔都過唔到３，我真係覺得佢地好唔抵，希望你地唔好灰心啦。因為希望在AL，有我支持你地，你地實掂嫁！
p.s.【如果知道我付出了多少努力，你絕不會驚訝我的成就】
Written by
祈禱，對我來說不是一個陌生的詞語，但在這裡祈禱卻是第一次。眼見近日身邊的親友們都面帶憂愁，各人也為著不愉快的事情而煩惱。在此，我希望神可以聆聽我的禱告，能讓每一個人也活得快樂、忘記悲傷，感謝神恩。阿們。
Written by
今日一早就上網搵下Brush既素材，俾我發現左一個好好既網站，仲學識左點樣整一個Brush！好～大家欣賞下我既作品啦！
許下願先，我希望．．．阿仙奴拎到歐聯冠軍、拎到足總盃冠軍、拎到聯賽盃冠軍；柏金可以變番年青力壯、可以入好多波、可以唔洗退休；小寶係香港人氣爆升、係香港開演唱會、唱片隻隻賣過百萬張、首首歌都愈唱愈紅．．．個個人都健健康康
Written by
今天聽到一個壞消息，突然感到生命真是很脆弱。即使我們試圖與病魔搏鬥，但最終也是敵不過它無聲的攻擊。
二姨丈～希望你在天國活得健康！
－－－－－－－－－－－－－－－－－－－－－－－－－－－－－
我明白你的感受，失去至親的感覺真的得難受。我也不是冷血的，我也有為此事而難過、傷心。但我深相他們也希望我們不要意志消沉，反之是積積極極地生活，活得精采。
記得這人生之路的故事嗎？當我們回頭一看，兩者的距離跟本是微不足度。他們是一直在背後觀看著我們，因此，不要覺得他們是離我們而去，他們只是在某一處等待我們，仔細地觀看著我們所做的每一件事情。
Written by
B: yo~你見唔見到我online？
A: no
B: 無奈…orz
B: hi我啦！我有online嫁！
p.s.轉左白版… =(
Written by
好唔開心啊！而家個 MSN 神神地，我明明有 online，大家又睇唔到我 online。想同人傾偈，佢地見我狀態係離線又唔回我。成日好似自言自語，打左好多野都無人理。點解要咁對我，點解要將我唯一既樂趣都拎走！
無奈，大傷心！
難度我根本已經離開左依個世界！？見到我既朋友仔，麻煩你地留下言，叫下我！睇下我係未仲在人間！我唔想消失啊！唔該啊！
Written by