Category: Xanga

在心中 is OK!

無聲彷有聲

 早知

今日我聽到一個關於你既傳聞，我都搵過阿豹，佢講左少少野俾我知。我諗情況未必係你想像中咁壞既。希望一切依舊，可以繼續同你一齊上堂。

其實上次同你講野既時候，只係掛著講自己既野，無顧及到你既感受，真係唔好意思，對唔住。有時你成日收收埋埋，我真係唔知你係點諗，不過當時我係真心支持你嫁！

尋人啟示

自一月十二日起，科同學看過自己的考試成績後，便不知所蹤。我們很擔心他的現況。看過了多份報紙的大小篇章，幸好未曾發現中國籍男子自殺的案件。

若科同學看過此啟事，請盡快現身，或致電給小丰同學，以報平安。

小丰同學謹啟

今早起床，以為是否大戰爆發，還是天已蹋下來了。走進廚房，發現片地瓦片，就像戰後的場景，真的大驚訝！

原來這是天花板剝落的石灰。唉，香港的公屋真的是危樓，難怪政府時常在廣告宣傳，要業主成立甚麼房屋維修委員會。

此外，今天是Sem.2開課的日子。可是遲了出門的我，第一堂便遲到了。走進課室，立即被數十對冷冰冰的雙眼注視著。無奈的我很快便找了一個空位坐下，逃避這些可怕的目光。

IT，本以為是一個很有趣的科目，可是今天上課後，我改觀了。阿Sir的筆記不但雜亂無章，他的講解更加是語無倫次，聽得我一頭霧水。不幸的是，孤單獨坐的我，想找一個同學仔吹水聊天的機會也沒有，結果白白呆坐了兩小時，還浪費了二十大元的車資。

p.s.昨晚真的很累，竟然在寫日記的途中睡著了現在，已補貼了昨天的日記，請欣賞。

Tuesday, January 17, 2006

今天很有趣，到爸爸的大排檔，還煮了一餐溫暖的晚飯給爸爸媽媽…

早上，完成那個很長但很好玩的blog.game後，我便回Poly邀交non-jupas申請表，順便找找很久無見的同學們來聚舊。可是，發現自己的朋友圈子實在小得很。結果，一個也找到的情況下，決定回家與網友們吹水聊天。

正想打開大門的一刻，突然想起，自己的鎖匙還留在家中……可憐的我，無人收留的我，決定到爸爸的大排檔了。

看到爸爸認真工作的樣子，突然產生了當廚師的念頭。於是興致勃勃的我，走進廚房，向爸爸偷師偷師。

可是，只懂煮出前一丁的我，對烹飪無從入手。

爸爸先叫我學蕃茄炒蛋，於是戰戰競競的我，開著火爐，小心奕奕把花生油倒入煎鍋。可是，被油炸的聲音嚇得我手忙腳亂，連手上的鑊剷也被嚇得拋在地上。

但是，雞手鴨腳的我在爸爸的英明教導下，我終於完成了這份蕃茄炒蛋。其後，爸爸還教我炮製了四隻滷水雞翼，他也煮了幾款小菜…

經過三十分鐘的努力後，一家三口在大排檔裡享受這豐富又溫馨的晚餐。不過，我發現蕃茄炒蛋的道味淡了些，而且滷水雞翼的中心還有少許血水滲出來。

看來，我的烹飪技巧還有待改善，哈。

被勤貼了~~

遊戲規則：
被點名的人在自己BLOG上寫下所有問題及答題，並在最後加入一個自己發問的問題，然後，把它們轉給另外五個人。
這五個人在自己的BLOG上，要註明是由那一個BLOGGER傳來的問題，然後再寫下答案，並再最尾加寫一個新問題，再點另外五個人。
例如，你回答了15條問題後，在最後加入第16題，被你點名的朋友就要回答這16條問題，如此下去。

Q1:2005年,你的野心是什麼?
做大學生

Q2:描述你或者你想像中的最後的一次戀愛經歷?
最後一次，我希望同佢拍拖既日子係最短暫，但係最難忘既

Q3:如果你可以變成動漫的角色,你想變成誰,說出原因.
龍珠裡面既孫悟空，因為佢識得飛，又可以瞬間轉移，最勁當然就係識得出龜波氣功啦！

Q4:如果重新讓你選擇一次已經過完的這段人生,你會想從什麼時候開始?換句話說,你對自己什麼階段最後悔,想重新來過?
1998年，後悔買左Play Satation識得玩WE，攪到荒廢學業…

Q5:你最後一次發自內心的笑是什麼時候?
睇完依條問題之後 =P

Q6:你睡前最後一個念頭是什麼?
想快d訓得著，發個靚夢

Q7:另一半出軌的話,你會怎樣做?
用盡辦法玩殘玩盡對奸夫淫婦，要佢地求生不得，求死不能！

Q8:如果你自己出軌,你會點同另一半交代?
坦白認錯，買一份佢夢魅以求既禮物同佢謝罪，以後會聽聽話話

Q9:你最難忘係邊段時間?
05年，因為發生左好多大事，特別係高考同入大學

Q10:你最想停留係咩時候?
中一，因為當時無憂無慮，鐘意玩又得，唔鐘意讀書又得，得左

Q11:如果你要而家死喇,咁你既遺言係咩呢??
阿爸，我床下底收埋左好多錢，記得同我入匯豐…另外，我書櫃裡面有本小寶寫真集，衣櫃裡面有件柏金波衫，我想用黎做陪葬品…最後，我唔想死呀！

Q12:最想發夢見到邊個?
心儀既對象、小寶、金爺

Q13:你喜歡吃香蕉嗎XDD!
唔鐘意

Q14:大家會唔會送聖誕禮物俾人呢!?
會，仲會親身做

Q15:續Q14…送俾邊個??
心儀既對象，同埋一班好朋友

Q16:你生存為左D咩呀??
問得好！我都想知！

Q17:依一刻,你做想做ｄ咩?
我想去英國朝聖，拎到一件金爺親筆簽名既波衫

Q18:你而家幸唔幸福，有咩想改變??
唔幸福，我想改變我既身份，變做一個有錢佬既獨生女，受盡寵愛，呵呵呵

Q19:依一刻,想擁抱誰?
金爺、小寶、我鐘意既人

Q20:依一刻,最掛住邊個?
心無牽掛

Q21:未來一年既目標係?
完成所有05年未完成既計劃

Q22:想要一個點樣的婚禮?
一個充滿白色既婚禮，對著愛人講，I Love You，之後佢又對我講 I Love You,too >3<

Q23:你而家最大既心願係乜?
成為隱形富豪，身體健康，長命百歲

Q24:你有做過最後悔既事？？？
中一，考
到全級第五名，結果買左部Play Station

Q25:你係咪戀愛大過天既人?無左愛情你會唔會死?
我係戀愛大過天既人，不過無左愛情唔會死，因為我仲有一班好好既朋友仔

Q26:如果可以俾你簡,你想做男仔定女仔?
靚女，因為可以蠻不講理，有求必應

Q27:你最唔鍾意自己d咩?
臨急抱金爺隻腳既壞習慣

Q28:鍾唔鍾意玩呢個game?
鐘意，因為可以知道好多秘密，哈哈

Q29:你的優點是什麼,缺點又是什麼?
優點：可以盡心盡力、全心全意做自己鐘意做既事
缺點：除左自己鐘意做既事之外，對其他事既態度係極度hea

Q30:如果有人同你講鍾意你,但係你唔鍾意佢,咁你點同佢講?
雖然我唔鐘意你，但係見你咁鐘意我，咁我就準你同我拍拖啦！不過，如果我鐘意第二個，我就會飛你嫁喇，你到時唔好喊啊！

Q31:你同人表白第一句會點開頭呢?
你知唔知其實我第一眼望到你，我已經深深俾你迷人既雙眼吸引著…

Q32:你的座右銘是甚麼?
不求與人相比，只求超越自己
十年窗下無人問，一舉成名天下知

Q33:如果你已有初戀,你仲記唔記得你初戀開始既日子.
有，03年3月15號，第一次同小寶相遇既日子

Q34:你希望你有幾長命?
我好貪心，我想有80歲命

JASON問
Q35:有咩野理智上,你知道唔做得,但你又勁想做?
我想同對面屋個阿嬸講：唔該你唔好日日化濃妝啦，你知唔知你個樣好嘔心啊！XP

Char問
Q36:你愛過幾多個人？
愛就一個，鐘意就兩個

carina問
Q37:咁大個人,喊得最勁果次係為左乜事/人?
我記得係小學三年班個時，斷腳要一個人住醫院既時候，當時無人理我自己，又唔行得，好驚一世都留係張床上面，最後夜馬馬喊得好犀利

CathyYingying問
Q38:你/妳有沒有試過在愛人面前好爽咁挖鼻屎?(係挖到面容扭曲o個隻喎)
無，絕對無

littlemic問
Q39:有無覺得生活好大壓力好悶，好想玩,但係又無野做,無野玩,好似世界無野係開心?
唔會，因為有足球就有快樂

沈問
Q40:如果你可以去百佳任拎野30mins,你第一時間拎咩?
錢，之後係白兔糖，因為好好食 XDD

琳問
Q41:如果依家畀你殺一個人,你會殺邊個呢？（唔準答我！）
我會殺死…摩連奴

gie問
Q42:鐘唔鐘意自己一個活動？Eg.睇戲，行街，打機?
唔鐘意，我不想孤單一個過活

Yan問
Q43:有冇試過同一d唔應該開始既人開始?
無

Yardley問
Q44:邊個人令你最心動?
當你

lchikan問
Q45:有3個兄弟,分別叫”在上”,”在中”,”在下”,佢地3個都好中意食屎,有一日”在上”同”在中”發現有舊屎係home,於是就出去搵”在下”一齊食,但係搵唔到,當佢地2個返到home,舊屎唔見左,究竟邊食左???
“在下”依一位朋友食左…(= =;)

Bergkampho問
Q46:發生在自己身上,最丟臉的事情是甚麼?

五位被神選中既使者：
閃閃、古&#2015
4;、Connie、丫力氏、アーサー

今天，我想是放假以來最充實的一天。不但收拾了書桌，清潔了房間，還把電腦背後雜亂無章的電線整理得井井有條，真是大滿足！

除了房間外，還整理了我的網上日記，希望為大家光臨這裡的同時，也能感受到一種清新的感覺。

此外，近日懷疑自己患上了精神分裂症。在聊天時，經常把「你」寫作「我」，令人產生誤會。例如：

「我覺唔覺得，我個xanga好正？」

「我知唔知啊，你成日都唔黎留言」

「係呢？我覺得邊首歌好聽？」

還有經常處於兩極狀態，情緒異常極端。而且漸漸感到鏡子裡的這個人不是自己。

世上的另一個我，我應該如何是好…

p.s.令人懷念的惡勢力~XDD

好耐無寫過【佢】，可能對佢既感覺已經大不如前。雖然每次見到佢上網都會好開心，好想同佢不停咁傾偈，但係佢對我既回應已經開始緩慢。起初大家見面既時候，我地會有好多話題，大家都好想了解對方。不過，有一段時期，大家見面少左，當再見面既時候，都只係普通交談幾句，有時更加啞口無言。

雖然係咁，我仍然好期待收到佢既留言，仍然好留意佢既一舉一動。甚至會為左見佢一面，專登返學校撞佢。

當佢話由頭到尾睇過一次我既日記既時候，我真係好開心，好感動！竟然會有一個女仔去了解自己，關心自己。但係，慢慢我先發覺，原來佢只係對神祕既我產生一種好強烈既好奇心。我只係佢生活乏味既時候，一個用黎攝時間既朋友仔。或者，只係我自作多情，佢對其他人其實都係一模一樣。

不過，我從來都無討厭過佢，即使佢不繼批評小寶，話小寶核突，唔鐘意小寶，我都無怪責佢。因為我依然好珍惜依位好朋友，依位我會為佢分擔煩惱既好朋友。

可能我係佢生命之中，唔係一個理想既對象，甚至我只係一個會好快忘記既同學仔。不過，佢係我腦海之中既每一個片段，我都會銘記於心。因為同佢相處既日子係最開心，最難忘。

怎樣才能留住別人的心？

這是近日經常研究的問題…

想了又想，還是找不出答案…

尋晚阿仙奴主埸執到【堡】！大勝七比零！再一次喚醒對足球充滿熱誠既我，有見及此，今朝就同妹子決戰四號場！

之前因為怕一傷再傷，所以逢星期日我都困係屋企，對著電腦無所事事。不過，前幾日我恍然大悟，發覺即使有充足既時間養傷，但係每次決戰之後仍然會受傷，所以我決定唔理隻腳，一於踢到隻腳收山為止！

返到屋企，見到爸爸同媽媽為一個【YES】制而爭論不休。爸爸話禁左YES先再入電話號碼；媽媽話入左電話號碼先再禁YES。其實兩種方法都係行得通，洗咩係度大呼大叫，真係妹啊！

下晝，我同妹子們飲完茶之後，再一次決戰一號場，可惜，突然發現唔見左小寶電話繩上面粒可愛骰仔，大唔開心啊！結果，踢波都力不從心，表現差勁。

轉眼間，聽日就開始Sem.2。今個Sem.break做過咩野呢？唉…好無奈！好似咩都無做過…