Xanga

不知不覺一星期的假期完結了，回望這七天的日子裡，每一天也安排了節目，每一天也活得很充實。

熱血的籃球大賽，親切的年宵花市，歡樂的口才訓練，爆笑的金銀滿屋，神秘的張保仔洞，痛快的冰上飄移，冷血的風箏殺手……

雖然只發生在短短的七日之中，但感覺就像過了一個漫長的歲月。

可是輕鬆又快樂的時光過去了，明天又回到上課的日子，我想不能再像舊日般那麼輕鬆。

另外，今夜發生了一件小趣事。

話說我要趕赴美寶姨的送別晚會，上車的前一剎那，發現自己忘了帶八達通卡！我身無分文唯有回家，但大頭蝦的我卻忘記帶鎖匙。結果借了鄰家同學仔的二元五角往舅父家去。=P

p.s.與VS3談戀愛，與日文談戀愛！也想與鋼琴談戀愛～

第九話：K招會 （下）

今日，十七歲的故事將會在B-blog延續，但是大家還可以在B-style留意故事的更新情況。

待續……

傍晚在西貢清水灣郊野公園內發現數具屍骸，經過法醫官詳細檢查後，發現每一具屍體上都出現多處明顯傷痕，相信是被利器割傷。

目睹慘劇發生的途人聲稱，於下午二時，一名年約二十歲的中國藉男子，頭帶白色帽，身穿深灰色外套，白色襯衣，深藍色牛仔褲，走進郊野公園，他手持黃色卷軸，利用鋒利的線刃，連續割斷了三隻紙風箏，手法相當凶殘。

以下是目擊者所拍攝到風箏殺手的近照

相片由路邊社提供

今日去左又一城溜冰，上一次溜冰既日子……已經唔記得，好似係小學六年班，個時同一班親戚係太古城溜冰，個個仲跌到屁股開花。

新手上路既我，一開始表現非常狼狽！不過，發現原來占士細細個已經玩冰上曲棍球，所以有佢教路下，我開始掌握走直線既技巧。

但係轉彎同剎制係非常唔掂，有好幾次都差少少撞得途人。不過，縱使我平衡力有幾好，我都難避扒街既命運。

有一次，我正正高速直前，突然間被個粉紅色衫既女仔衝過黎，攪到我右邊屁股狠狠咁跌左落地！

另一次，我轉彎既時候，突然有個細路女跌低，但係唔識剎制既我，狼狼狽狽咁同佢衝埋一齊，攪到我左邊屁股又開左朵花。

不過，個細路女仲可憐過我，因為我跌低既時候，唔小心踢到佢個背隻，攪到佢大喊一場。好彩，幾經辛苦，終於都逗番佢笑。=P

哈哈，今日雖然坐低既時候個屁股好痛，但係溜冰真係好好玩，因為我愛運動！

p.s.已經決定係VS3，但係仲諗緊黑色還是係白色。

近日，阿仙奴的成績令我感到十分沮喪，聯賽盃、足總盃的失利，更令一眾球迷為之氣憤！現在，阿仙奴能否走進英超的前四名也是未知之數。

整隊球隊好像失去了靈魂，球員也好像失去了信心。

不知是否自己也同樣地失去了信心，很久也沒有看過阿仙奴的比賽。平日也很少留意轉會的消息，買了甚麼新球員，他們的名字，踢的位置又不清楚。

反思片刻，自愧自己不是一個忠實的球迷……

金金，對不起！=[

很久也沒有貼過小寶了……

今日又出街掃貨，之後去銅鑼灣睇下手機。我發現SX813已經斷左市，於是睇下SX313，但係實物原來唔係想像中咁靚，個機殼原來係淺銀色，我覺得唔靚。

最後，鎖定目標－VS3。實物外型唔錯，好薄！不過白色就無我想像中咁型，我諗可能會買黑色。

今日短短記錄低前幾日所發生既事，之後睇左成日手機網，暫時都有幾部手機岩心水，不過好貴……

白色！型爆！

p.s.已更新Fri至Tue的日記。

啊~~~~~~~~~~~~~~~~~~~~~~~~~~~~

我留低左個電話係部車度啊！！！打去車廠，個男人好似趕收工，好快收我線！打去自己部電話，明明有人接聽，佢又唔出聲！！！隔一陣，佢直情熄埋我部機！

我條BoA電話繩啊！！！我個金字啊！！！！我部電話啊！！！！！

拎左我部電話果個人，你一生一世都會受盡良心既責備！！！每一日都要承擔偷電話既惡名！！！你將會無好日子可以過！可惡啊！我會永遠一直咀咒你！

路不拾遺係良好市民既正確行為！你知唔知啊！！你拎左我部電話你唔會安樂嫁！！！！做個好榜樣！俾番部電話我啦！部電話對我黎講係好重要嫁！！！！！

SMS大長征，人山人海的長洲，沒有單車的第一次，張保仔的連載故事，大石頭的秘密，張保仔洞歷險記，二人同步單車，籃球場是足球場，東提海鮮美食，老師們齊齊過馬路，電話的啜泣聲……

(詳情，心情好再補)