Author: bergkampho

英 超 聯 開 鑼 至 今 ， 不 敗 之 師 盡 屬 首 都 勁 旅 ， 阿 仙 奴 正 在 不 斷 改 寫 紀 錄 ， 替 代 曼 聯 於 九 ○ 年 代 的 霸 主 地 位 ， 雲 格 苦 心 經 營 ， 可 謂 成 果 已 見 ！

雲 格 兵 團 傲 視 同 儕  

與 車 仔 和 紅 魔 相 比 ， 兵 工 廠 可 謂 價 廉 物 美 。 原 因 在 於 統 帥 部 獨 具 慧 眼 ， 以 挖 掘 全 球 新 秀 為 擴 軍 之 道 ！ 年 前 收 購 法 國 新 秀 安 歷 卡 ， 及 鋒 而 試 ， 成 為 球 隊 奪 標 功 臣 ； 其 後 轉 售 予 皇 家 馬 德 里 獲 巨 利 ， 補 入 其 師 弟 亨 利 ， 更 上 一 層 樓 ， 就 是 一 例 。  

又 例 如 阿 仙 奴 為 求 穩 定 陣 腳 ， 建 構 霸 業 ， 及 早 收 「 後 腰 王 」 韋 拉 於 旗 下 ， 奠 定 防 務 工 作 ， 增 強 聯 繫 ； 更 早 之 前 ， 將 失 意 於 意 大 利 甲 組 隊 國 際 米 蘭 的 柏 金 ， 主 宰 中 場 ， 霸 業 之 基 。  

多 年 來 以 老 帶 新 ， 不 知 為 兵 工 廠 鍛 煉 多 少 新 兵 。 上 屆 快 手 簽 入 西 班 牙 新 銳 雷 耶 斯 ， 將 成 日 後 中 場 坐 鎮 ； 「 雲 格 兵 團 」 之 所 以 能 夠 後 來 居 上 ， 逐 漸 取 「 貴 族 班 霸 」 紅 魔 而 代 之 ， 傲 視 以 「 油 元 」 打 造 的 藍 衣 戰 士 ， 豈 是 無 因 ！

有 錢 雖 然 可 以 買 到 心 頭 好 、 搖 錢 樹 ， 但 可 以 買 到 成 功 嗎 ？ 足 壇 如 是 ， 政 壇 亦 然 ， 人 生 更 加 如 此 ！  

早上，BT了阿記VS維拉的比賽。由維拉早段經已取得入球，加強了阿仙奴球員的爭勝心！結果，全場圍攻維拉之下反勝了。若不是對方門將表現神勇，維拉必會大敗一場！

下午，我到了理工大學聽A.Wong.Jupas.05講座。但是，大部份的時間都在討論文商兩科，白坐了很多時間。不過，如果把這講座作為一個表演，相信會更有樂趣！

最後，我想引用李博士的一句話：
【如果沒有將專業的智識和技能好好運用，縱使有二十年的經驗，但只是在二十年內把一個經驗重覆二十次已而。】

近來孫老師真係愈來愈硬膠。今次佢同我地玩一個遊戲，就係「如果有一千萬港幣，你會有甚麼投資大計？」。但係，當玩遊戲個時，校長比德仔突然走入黎睇下我地上堂既情況，於是我地成班立即扮乖乖啦。 可惜有幾位正在熟睡既同學仔被佢發現左。結果俾校長叫出去訓話兩句。

中文堂過後，接著就係健身劉既物理堂。好彩今堂唔係好難，都算明白佢教緊咩野既。不過，又突然間，校工先生入黎通知我地可以去捐血。好野唔洗上堂~

今日捐血期間發生左好多件有趣既事情啊~

首先，我同五六位同學仔落去二樓填個人資料，我地用超龜速黎填完張表，而且我地又不斷讓老師佢地捐血先  結果，輕輕易易就過左一個小息。但係過左無耐，就有一大班同學仔落黎捐血！原來佢地被Miss「鼓勵」捐血，哈哈。最後，全班只係有五個同學係房室而無去捐血。

期間發生左一件硬膠事，就係Miss問蕭凡點解不捐血個陣，佢話捐完血之後，會感到「疲倦」，所以唔捐血。於是Miss立即話佢無常識  因為捐完血之後會加速身陳代謝，反而係對身體有益嫁！哈哈！

等左都好耐，測驗完我既血液係正常之後，再食個早餐，就開始捐我人生既第二次血喇！個靚靚護士話我係B-血形，係非常罕有嫁，仲叫我要定期捐血  之後其他「姑」娘都一樣不停鼓勵我去捐血。

捐血其間，我訓係張捐血床望過旁邊果位同學仔，發現佢左右手都被紗布包著，原來係護士插錯位置，搞到換另一隻手抽多兩支血，真係可憐。我捐完血之後，就去護士哥哥個邊飲番杯美綠、食下檸檬餅。不過，突然間我覺得自己好唔舒適，仲不停「標」冷汗於是個位男護士就立即扶我去休息，可能係我依幾日都訓得唔夠啦。但係，張捐血床真係好舒服，又可以休息多一堂先返課室~

返到課室，Miss.Cheng又唔教書，而且我地隻手又有少少麻痺，於是同同學仔吹下水、傾下捐血既趣事  咁我地就講起BoBo，當時佢行去捐血椅度，但係張凳仲未較番去回位既時候佢就坐落去，結果成個椅背反上黎打中佢個後腦  連班姑娘都笑佢不使咁心急去捐血，哈。說到BoBo，又唔可以唔講佢既情人呢。當蕭凡返到班房，發覺佢隻右手又係包晒紗布。原來佢當時過度緊張，姑娘插唔到支針入血管，結果插左好多少次，真係好硬膠XDD。

吹左一陣水之後，不經不覺又到午飯時間喇！今日上晝只係上左一堂半，真係好鬼輕鬆，好鬼正~

食完晏之後，上咩堂都無咩心機，因為仲回味緊捐血既奇閒趣事。放學之後，我就去參加中文學會，選左做財政  全個學期，中文學會只有八次聚會，好正啊！但係全個學會只有有十八位會員，相比棋藝的九十八位會員，真是遜色遜色。哈哈，不過孫老師的領導下，又會有甚麼大作為呢~

今日過得真係寫意，成日都唔洗上堂。其實捐血真係唔係一件好痛苦既事，最多都係痛一秒。加上，張捐血床又舒服，而且幫到人又幫到自己。所以我地應該多d去捐血~

今日中文堂，孫老師好似唔想教書，廢話連篇！又問我地好多無聊問題。再加上成班都未訓醒，中文堂就係這樣沉寂地度過。

Day3 有3堂 Applied課，我地與議員又先討論政時，後教書！之後兩堂的時間，議員只係計了兩題題目，不過我地亦忙於溫習物理測驗，所以無理議員。但係蕭凡老點議員計左一堆廢數！而且我地又嘈嘈地，搞到議員都嬲嬲地！唔好意思啊！

午餐期間，可樂預告題目。於是成班同學係度狂抄答案。不過open book test 要打75折，所以我都係覺得唔化算！堅持要自己做！

測完驗後，就去上器械班，不經不覺都完成左八堂，女教練話下兩堂就可以考金卡。做完GYM後，就去剪頭髮，個頭而家好爽！

今個星期都有好多測驗同功課，而且每日訓得愈來愈少，有時都會諗番 點解以前唔努力呢，不過都已成過去，而家最重要係考好個高考，為上大學努力 ！

今天，孫老師又持續他的硬膠神功！今堂，他叫我們畫一幅自畫像，然後寫寫自己的夢想，極直無聊。但總好過聽他那無聊的教導。

接著 Miss Cheung 請了假，所以我們多了兩堂空堂 ，又不用交功課，很快樂！上完英文堂後，有十個同學仔去了生記吃午飯，大感謝啊！吃完午餐後，接著就是三堂純數課。不過，老師竟然花了三堂的時間來完全一題長題目，因此時間也很容易度過。

放學後，我便繼續上器械班，然後到灣仔補習。BoBo又坐在我的身旁，不時還傳出陣陣惡臭，真是招架不住！完了補習課後，在巴士站前，竟遇見遵理的同學仔阿文。那時，突然有輛97經過，心想要等一段時間，於是便周圍逛逛。可是，不夠兩分鐘又出現另一輛97。結果我再次錯失機會。最後，第三輛車的出現，我才能回家…

今個Day6可以話係最無癮既Day6…因為今日個d堂都係無無聊聊度過。而最尾果兩堂中文變左聽「性騷擾工作坊」= =||

放學之後去棋藝，點知個鬼死咁多會員喎…搞到秩序大亂個會長同副會長又係有問題既。又唔去拎人名紙，甚至連d幹事名都未清楚。仲有個財政，次次未完會就走左去！ 都係個班舊「靚」識做，留低幫手。

返到屋企，雖然心情唔係好靚。但係一見到部5.1，立即唔同晒！之後，即刻拎左小寶隻LIVE.TOUR.2004出黎睇，真係太正喇！好有現場feel啊！最正係睇到Jewel Song，小寶著裙好靚！

而家心情終於緩和番，之後又再睇8 films and more，簡直係一流!!

好～而家充滿 power 做功課、溫書!