今朝起身，整理一下法比仔篇文章，然之後就打西遊記。嘩！班怪物隻隻都超多血，完全唔夠打！玩玩下就無玩喇。
跟著成個下晝都幫我姨丈看鋪頭，因為佢有個伙計唔得閒，所以搵我頂頂。期間只係收下錢、拎下貸，都無咩特別。不過看緊鋪既時候，俾我遇番見以前一位舊同學譚健朗。原來佢自己出黎搞生意，問我姨丈入唔入MP3機。但係我姨丈唔係依度，咁我地就吹下水，講下出黎搞咩生意好。好彩今日有佢同我傾下計先無咁悶！
由於星期六就考英文聆聽，所以今日都幾多人黎買收音機。如果你地未買就記得去香港仔利群商場間好景影音鋪買喇！而且好多朋友仔聽日就開始考會考喇，加油啊！我會精神上支持你地嫁！
ps.唔知點解依埋成日都見到好多商品用Diploma依款字形，例如千嬅隻MvsM大碟、公主復仇記既B、姚明個 i am what i am、Dead note既 L、生力既字形、香工校名等等，仲有好多衫啊、袋啊都係用依款字形。不過款字形真係幾正、幾特別！
依一排有時早訓，有時夜訓，生活好唔定時啊！搞到個鼻生左一兩粒瘡。
今個早上又係西遊記陪伴著我，睇黎都有排打，因為六魔王一個都未打死過。好吹脹囉，成日以為打死一個魔王，點知又係魔王既手下黎。而今個下晝就溫左一陣日文，但係仲未背熟。要加把勁先得喇！一要溫書就有少少眼訓，所以就訓左一陣。
好耐無訓得咁好喇！醒左之後就睇《龍珠》，好好睇啊！由布歐篇開始睇，睇到大結局。不過漫畫版跳得好快，五期左右就睇完。諗翻起以前細個，真係好想有神龍幫我完成三個願望，第一個願望就係識得飛；第二個願望就係識得瞬間轉換；第三個願望就係要多三個願望！哈！哈！
ps.今日係法比生日，祝你快高長大！此外B-Blog亦貼左篇有關佢既文章。
尋晚結果都無溫日文，因為實用忍唔住要睇H2喇。本來仲諗著尋晚就爆晒佢，但係尾二個集竟然係無中文字幕！可惡啊！睇到好我慶高彩烈嫁麻！唯有搵牛魔王出氣啦。今次終於都俾我KO左佢，搞掂佢之後先發覺，原來佢唔係牛魔王，係牛魔王既手下馬面…= =
今朝六點幾就起左身，一起身就睇下下載完第十集未。Yeah ~ 下載完畢，終於都有得睇喇！比呂同英雄要決一勝負喇！邊個贏左就可以得到雅玲。結果，比呂用一記高速直球取勝，仲贏埋冠軍！
呼 ~ 終於都睇晒成套 H2喇，係大團完結局！比呂此終都係同古賀一齊，而英雄就同雅玲一齊。睇睇下雅玲，覺得佢都幾似2R個Rosanna ~ 好啦！送俾大家一張H2連環圖啦 
睇完H2，就改下個Xanga ~ 終於都Save changes到喇！不過唔知點解「天天」又虧虧地出唔到圖。所以都係遲下先轉版。搞左咁多野好鬼眼訓，去訓左個晏覺…zZZZ
醒左之後，H2 既狂熱仍然未消退，睇翻第一集仲係覺得好搞笑！然後繼續打西遊記，今次玩左好耐先過到個山洞，跟著圍打豬八戒，點知佢輸左之後走佬。遲d先再炮製你！
尋晚阿仙奴對西布朗，大長金同醫道好勁啊！當然要下載黎睇啦。原來上半場都唔係打得咁順，不過下半場發威，淨勝兩比零！自從阿嬌同辛仔出左黎之後，成隊既防守能力強左好多，加油啊，贏埋最後三場波啊！
睇完波就睇大發現，今次B博士有少少硬膠，用光碟黎做搖搖同Disco波波。 臨尾B博士唔發覺自己條鬚跌左一半，仲要係度俾功課，真係笑鬼死！
夜晚又繼續打機，今次有沙憎加入……唉依幾日掛住打西遊記，無溫習日文。聽日點都要喪溫啊！
而今朝起身又再睇多一集，今集真係有喜有悲。當有一個好消息出現，另一個壞消息又接種而來……
睇完日劇之後就同肥鍵打AOC，今場勁變態，我三千人對佢二千人。不過佢d輕騎兵全部都+144攻擊力。我d兵一行到埋身已經被秒殺！佢仲有一隊成吉師汗，個個都係+84攻勢力，跟本埋唔到身。我只可以用人海戰術同箭兵，先可以勉強捱得住。但係咁樣都唔算過分，因為佢調兵同克兵種分面都唔係咁勁，所以都可以應付到，不過因為實在太多、太多人喇，一秒鐘有幾千人郁黎郁去，打得超窒！玩玩下仲停鬼埋…….
唔打機喇，搵下工做先。我唔想再做樓面喇，以前係生記都做慣晒！依個暑假想做下文職，所以要學下點用Excel, Power Point ~ 打字、輸入文件既工都唔錯，但係驚佢無九方，要我用倉頡！
跟著去左訓晏覺，訓醒之後，隻「幻想西遊記」剛剛下載完畢。咁就打左一陣啦。然後都係上下網，睇下電視。接著就食晚飯，今餐去左大家樂鋸扒，食得好飽。返到屋企繼續打西遊記，但係隻牛魔王好屈機，打極都唔死。算喇，聽日先再同你死過！
然後去學日文，之後就訓覺~
大約八點幾，阿爸醒左，於是就起程去書城。出發之前去左一個叫明珠既茶餐廳食早餐，係餐廳窗口望出去，見到一個係香港好少見，但係大陸就好常見既現象，就係成班人”蹲”係街。佢地圍埋一齊好似開緊賭，到我走既時候仲愈黎愈多人tim
跟著我地就搭公交車去書城。上到車發現又無入錢箱，又無拍卡機，以為唔洗俾錢，原來佢係有個女仔賣票既。格車行下行下就愈黎愈多人上車，格車迫爆晒人。我見到賣票果個女仔好厲害，左串右插，不停向人收錢。不過咁樣收錢法，有人唔買票落左車都唔知，但係佢地又幾好公民意識，好多個都主動去俾錢買票。
掛著欣賞車箱裡面既情景，發現原來我地遲左兩個站，於是拿拿聲落車。由於深圳起左條新地下鐵，所以就試下搭啦。落到去地下鐵站，發現個度都算幾乾淨，冷氣都幾夠，而且指示都幾清晰，仲有好多服務員指引乘客。於是阿爸就去買飛啦，嚴格黎講應該係買「幣」。因為佢地過過閘口唔係入飛，係做下面個d綠色「銀仔」。
開頭我以為係會有個窿俾我入個銀落去，原來係好似八達通咁「嘟」一「嘟」，對閘就會自動打開。落到去月堂，四週同香港地下鐵都無咩分別，不過無香港咁好多人人來人往。
但係原來只係果個站特別少人，當格地鐵黎到既時候，發現列車上黎都有相當多既乘客。不過格車裡面就唔多夠冷氣。
到左書城，發現果度係一本英文書都無既，連我唯一想買果本中文書都無得買。唯有週圍行下，睇下有咩書吸引到我啦。但係最吸人到我唔係書，而係人。佢地好搞笑嫁，係班人坐係書架旁邊睇書，有d就企係度，有d就蹲係度，個個都當依度係圖書館。不過，正所謂入鄉隨俗，見佢地睇得咁過癮，我都拎本書蹲係度睇。今次睇左幾本講足球理論既書，不過佢地引用佢班球星都係過晒氣。但係無理由專程黎到書城唔買書就去人嫁麻，所以就買一本教人點樣防守既書。
去完書城後就去食野，入到一間叫「萬象城」既商場，個度同一般大型商場無咩分別，仲有個溜冰場，班溜冰既細路都好多水準。不過可能讚壞左，即刻有個細路PK。上到最上個層食野，個度買野食好搞笑嫁！要先買左張智能卡，然後儲錢入張卡度，跟著就去間食肆度嘟錢。
到左依度，北上尋歡之旅快要進入尾聲，我地就入到巴士站搭車啦。沿途見到d日資商店都閂晒門，仲見間味千俾人拆晒招牌。
係返到火車站既途中，發生左一段小插曲。就係俾我地見到有個扒手跟著個女仔，諗著想偷佢後面個袋既野。當時仲有兩個途人發現左佢行為古古怪怪，但係個扒手仲好似好惡咁叫佢地唔好嘈。之後係女仔點，我就唔知喇，祝佢好運啦！
由於今日係五一黃金週假期既第一日，加上聽日又係紅日，所以過關都唔係好多人。我地行秘密通道，好快過到關。今次終於都用到「e道」喇！真係幾方便，不過打手指毛就失敗左一次
返到屋企已經無晒力，終是訓左一陣。起身就睇大長今結局，之後上下網。見有時間就睇H2第五集，今集更加精采。千川終於都打入決賽喇！不過對方既奸細好以已經有所行動，比呂仲受左傷…唔知會點呢？直覺覺得千川仲係入唔到甲子園。
咁就係我北上發生過既事情了。
尋晚開著冷氣黎訓，訓得好好，所以今日一朝早就起左身。跟著就開始學日文，今堂學左日文字既起源，知道左咩叫平假名、片假名、漢字等等。之後就睇H2，套戲既劇情愈黎愈好睇，睇黎棒球隊裡面有內奸。朋友A要小心哦！
下午決定北上尋歡，順便去書城睇下買唔買到想要果幾本書。於是大約一點鐘左右就起程了。由於係假期既開始，所以火車站裡人山人海，車箱亦濟滿左好多北上旅客。經過十約四十五分鐘既車程到左羅湖總站，一貫香港人作風，當車門一開，所有人都快快步衝出車外。雖然人好多，但係香港果邊效率都幾快。本來諗著試下「e道」，可惜太多人喇，結果無用到。
記得以前由香港過大陸要行過一條好臭既橋，而家唔洗再忍臭喇！因為條橋兩旁起左個玻璃幕場，仲有空調嫁。但係大陸果邊既公安做野真係好慢，見咁多大又唔加開櫃位。過左一陣先有個公安慢慢咁行去開個新櫃位，點知佢仲要同隔離位同誌傾下計、吹下水先開始，真係…….
自從上次同壇主北上展開尋「寶」之旅後，都有兩年無上過深圳喇。而家深圳街頭都衛生左，而且又多左公安巡邏，感覺唔同晒。不過唔夠三十分鐘我就改觀喇！因為竟然俾我見到有個細路係街邊便便，佢阿婆仲….太嘔心喇，都係好講。唉，佢地既工民意識仲係唔掂。
上到大陸都不外乎做果幾樣野，首先就去金太陽洗頭同按摩，然後見天色已黑，就去食晚飯。今日果碟好又來羊肉唔錯唔錯，不過間菜館樣樣都大大碟，所以食唔得晒。晚飯過後就去買VCD，留番夜晚消遣。去到第一間影音鋪，果度既電視碟少到爆，於是去左第二間，跟著買左隻「天下無賊」，不過係普通話配音既。
之後就去柏林摩腳，個張凳好舒服。一路睇大長今、一路摩腳，感覺唔錯！發現原來長今都幾好睇嫁，不過都就黎大結局喇，無得追。睇完長今就返蓮塘休息。諗著開隻「天下無賊」，點不知部只係可以播VCD既DVD機唔識大開口，禁極OPEN都唔伸條俐出黎。搞到咩都無得睇，終是只有睇下深圳電視。轉去第二台，佢播緊以前一套無線劇集，但係唔記得叫咩名。不過都唔緊要，因為又係普通話配音，當堂無興趣睇。於是就跳去下一個台，發現播緊阿沙同梁家輝個套咩阿爸真火爆，仲係粵語配音，咁就睇一陣啦。但係由於我地係無裝天線，所以好多雪花，睇睇下隻眼都已經好辛苦。跟著就走去沖涼訓覺 lu…
今日九點半起身，好順手咁一跳落床就開著部電腦，然後開埋電視。睇左一陣香港直播之後就決定執下間屋。因為都差唔多轉季，所以張衣櫃既冷天衫換晒夏天既。搞左一大輪之後，就開始食早餐。
然後，張小寶既日文歌燒做MP3.CD。點知原來Nero係燒唔到日文字既，搞到無左一隻光碟。整左好耐，終於將好幾首歌既日文字變晒羅馬拼音。用左咁多時間整隻J-Pop.BoA，當然要享受一下成果啦。不過同電腦播出黎無咩好大既分別，只係重低音強勁左。
跟著就睇H2，發覺原來日本人真係好咸濕，比呂成屋收埋左勁多咸書，仲要連電話既鬧鐘聲都係用AV女優把聲。而套戲既劇情都幾出人意表，不過次次遇到既難關都可以迎刃而解。
之後出發去深水步覆診，搭171既時候見到曾sir, Miss嚴, 定定，不過佢地都無教過我，應該唔會認得我。去到紅隧勁塞車，於是無意中左一陣。覆完診就去左旺角行一陣。見係旺角都無咩特別野買就決定去灣仔買書。今次搭地鐵，嘩！體驗到放工時間果種擠逼、人生人海既情況真係好鬼多人，要等多一班車先上到去。格車黎到既時候跟本唔洗郁，後面班人會不斷推你向前，湧下湧下就上到車喇。一到灣仔，又成班成班咁湧出車。
去到三聯，終於俾我搵到個本The.Intelligent.Investor，不過係Revised.Edition唔知係唔係，所以都係無買。係書局行一陣，見腳仔痛就決定返屋企lu~點知經過修頓，俾我睇到浩民打波喎。不過有97到，我無打招呼就走左喇。
返到屋企，就睇「百發百中」，今日果兩題都估中左。然後就就轉去亞視睇「開心大發現」，但係無啦啦做左果咩「一舉成名」，見到果門毛主席，真係笑爆咀。仲有個唔知邊區既黃子鏵，佢成日都上電視扮子鏵既，我都見過佢幾次啦，不過佢次次都係贏唔到既~XD
本來諗著夜d就開始學日文五十音。不過見到書臺好亂，就執一執啦。頂！搞到成身出晒汗，仲俾蚊釘左兩針 PK！
一朝早，四點半就俾隻死人蚊搞醒左，終是就開電視睇下波啦。點知一轉去亞視，剛剛好完場，結果只係睇番精華…場波雙方都無咩攻勢，大家互交自卷，簡直就係悶戰一場。睇完歐聯之後，就開始整理下電腦裡面既檔案。因為考高考之前d/l左勁多野留番考完試之後黎娛樂。於是搞搞下，太陽都出來了。 
計計下我個80GB.hdd而家只係得番3GB，其中有成80%都係動畫、日劇，真係有d變態。係咁多套日劇之中，揀左H2黎睇。第一集都唔錯，都幾搞笑下。睇睇下，話咁快就九點鐘喇。
之後落去表弟屋企打機，由於唔係成日打勝利十一，搞到技術生疏晒。唔洗問我緊係揀阿仙奴啦，咁巧合第一場就對宿敵曼聯，點知唔夠十分鐘就俾佢入左兩粒。好彩期後寶寶同皮皮追番成平手，至可以力保不敗，唔係就真係無面喇…跟住用阿記黎玩聯賽隊，不過勁虧啊！打左六、七場，竟然輸左一場同和兩場。差唔多場場都只係入得果一兩球，玩玩下都無癮 lu ~ 於是就番屋企食過晏先。
臨走之前拎左隻「變相怪B」DVD番屋企睇，點知隻DVD既質素仲屎過VCD又窒機、又有格仔；又話有獎門人配音，結果又無既。睇睇下仲要停鬼埋，一個STOP制就唔鬼睇 lu ~不過由於部43″實在太過、太過正喇，唔好好咁用盡佢又好似好徙。於是就上網搵下有咩軟件可以張rmvb轉VCD，結果搵到隻WinAVI既software，然後張H2既第二集同第三集轉左做VCD，留番聽日慢慢欣賞。
大約去三點半左右，又落番表弟屋企。因為之前借左佢部計數機，咁我第一次落去又唔記得帶，所以未拎番落去還俾佢囉，仲幫佢入左幾條勁既方程式。如果個時有而家依幾部新計數機用就正喇！超方便，禁幾個制就出晒d答案。
落到去之後，無無聊聊又打下WE啦，不過今次表現超勁啊~~狂大抄對手！可能係俾左柏金做隊長，當堂成隊波唔同晒。寶寶同皮皮繼續狂入波助攻，而法比仔成長率又升得超快，所以打得好爽啊！但係玩得大耐，搞到患左任天堂手指症，於是就轉玩鬼武者3。個主角變左城武哥真係型好多，可惜唔係0係部43″度玩，無咩好正既視覺享受。
不經不覺都玩到已經到夜晚九點半，之後阿媽打黎叫我返去食飯。食完飯之後見無野就拎左今日燒果隻H2第二集黎睇。嘩~!!43″果然係唔同d既~~第二集個劇情都幾緊張，唔錯唔錯 。
其實今日原本諗著去打機同踢波，不過表哥唔得閒，結果無去到踢波。依個高考完結第一天就係咁樣度過。好~~!!暫定聽日溫日文、覆診同買書~~
大家好~~由於考完高考，意味著我要走上新的道路
所以我全新既網路日誌 B-Blog 誕生喇
而當中的「B-Style」將會與 Bho’s Xanga Site同部更新
密切留意Bho既最新動向啊~~ 
AL Mission Completed!!!!!
終於完成高考喇！
考成點呢？鬼知咩，放左榜先算啦！
而家就係時候盡情地做自己鐘意做既事~
—————————————————
後記
雖然考完高考，但係真無咩興奮既感覺。
可能係覺得自己未盡全力去考，總係有d患得患失咁。
睇翻以前d日記，成日都話要溫書、成日都話唔再上網。
結果一次又一次咁走左去玩，一次又一次後悔……
不過如果俾多次機會我去考多次，我都唔會再考。
因為真係好辛苦。個種感覺真係幾難受……
明知自己要溫書，但係又無心情溫；
明知自己唔玩得，但係又走左去玩；
明知果科考得麻麻地，又要係人地面前話OK
依d感受真係唔想再要啊！
依個考試令我明白到咩係「等價交換」
考完了後，真係深深感受到這就是世界的真理！
想要要獲得一樣野，就要負出同等既代價。
所以考AL真係唔同CE，唔可以臨急抱佛腳~~
想獲得理想既成績、入到心怡既大學，真係要努力嫁。
見到有d同學仔，平時上堂又訓覺，學校考試又唔緊張
係臨高考之前先死背爛背，死溫爛溫。唔通佢地可以過目不忘咩……
雖然自已依幾個月無盡全力，但自問平時上堂有留心聽書
放學又有去補習，即使同A.Wong爆十幾個鐘都無所謂。
所以即使放榜之後，個成績係點都無所謂。
因為總算有努力過，雖然無盡力，但係都唔會後悔啦~~~
有時自已都會諗下，得個12分升上黎，係未真係可以入到大學呢？
F.6學期初真係好有信心嫁，永遠覺得只係自已以前唔夠勤力
上到F.6就係一個新開始，咩都可以由頭黎過。
所以係F.6真係好勤力，上堂好留心，仲考到全級第三名
。
可惜，就係依個第三名，搞到覺得上大學都唔係好難姐
於是到F.7就開始放鬆自已，加上同d同學又熟左，
d阿sir,miss又教得唔好，上堂氣氛又沉悶，個人就開始懶左落黎
HA~~好似俾自已好多藉口
不過諗番轉頭，升上中六都唔係無無謂謂既
起碼都做過下幹事、做過班長、做過Prefect
而且唔升上中六又唔知識唔識到A.Wong
所以都係唔好再諗番咁多以前喇，唔發生都發生左啦~
而家都係諗下點樣應付將來黎緊既新挑戰啦！