Author: bergkampho

電腦反擊戰……陷入苦戰中，天神會否再臨？

今日本來想九點起身，但係醒下訓下，十一點先起到身，打左無幾耐機，又夠鐘去好影喇。今日真係好鬼熱，又要拎成本物理書俾貓強，行到我身水身汗。去到好影，樹佬就叫我去番珍寶開舖，結果又要行番過去。去到食完個晏，四姨丈黎到，又叫我送番批貨過利群，又係行到出晒水。呼～終於都可以涼下冷氣喇！今日又賣出左王菀芝喇，好強勁啊！

之後，又係一路聽收音機、一路看舖。今日，聽前曾司長講佢既政綱，長毛又係度玩野，真係好搞笑。過左無幾耐，貓強黎到好景拎書，但係，佢條狗賊，又唔還錢，之後媽左佢幾句，佢就走人喇。然後就學日文，今日都係分別學左五個平、片假名，進度好慢。今日生意都唔錯既，不過有個客好妹！佢黎買左隻三仔，之後俾錢傾電話個陣，仲大聲講：「喂喂！妹妹呀，我去左間好妹既舖，買左一隻好野俾你啊！」，真係、真係好鬼扒街！但係，最妹係我要找錢個陣需要叫聲「多謝晒！」

唉～隻左腳真係傷左啊，睇黎球王小金爺都要休息一個禮拜先可以再表演出神入化既技巧俾大家睇喇。/.\

p.s.謝安琪d歌都幾特別，大家不妨黎【好景】買張佢既唱碟聽下啦！

大家係未好奇怪，唔知上面個女仔係邊個呢？就等我介紹下啦！

本名:長澤(Masami Nagasawa)/長澤雅美
誕生日:昭和62年(1987)6月3日
出身地:靜岡縣磐田市
血液型：A
身高：168CM
星座：雙子座
學歷:堀越高等學校二年級就讀中
動物占卜：綿羊
家族成員：父親(長澤和明)、母親、哥哥(大三歲)
才藝：鋼琴(幼稚園時有學過一點)、現代芭蕾舞(幼稚園~小學六年級)、爵士舞(小學四年級~)
興趣‧拿手項目：點心製作、游泳、看漫畫、畫素描、貼紙收集。
ps.不過從2004年4月開始，熱衷於美術，以前則是製作點心。

喜歡的食物：肉、鹹梅乾(紀州)、酢昆布、柳橙汁。
討厭的食物：人蔘、洋蔥、鮮奶油、看起來不甜的東西、蔬菜。
喜歡的科目：家庭科
苦惱的科目：數學or算數(但是已經漸漸拿手了)
喜歡的顏色：粉紅色
喜歡的品牌：HYSTERIC GLAMOUR、BA-TSU、BETTY’S BLUE。
討厭的東西：登場人物(不二家的poke例外)、雲霄飛車(以前，町內遠足有乘坐過，但是太可怕而哭了，之後畢業旅行的遊樂園就沒有去坐了。)
幸運數字：4
目標女演員：水野真紀。
小時候的夢想：空中小姐、保母、超市的收銀員。
初戀：小學6年級時
所屬事務所：東寶藝能
http://www.toho-talent.com/masami/information.html

佢係就拍《在世界的中心呼喚愛》電影版既女配角喇。小小年輕的雅美亦藉著依齣劇而奪得日本奧斯卡最佳新人獎~~今日正正就係雅美既十八歲生日喇！
Happi B-day!

今日，成日都係好景看舖，不過今次有少少唔同，就係我去左珍寶果間好景影音，而且仲成間舖由我打骰，哈哈！

一開舖無幾耐就有個男仔黎買W-inds.既新大碟《ageha》，不過之後就好少人入黎。唯有播下唱，吸引人入黎睇碟啦！不過播左千嬅同方力申隻新碟幾次都無人黎買。跟著就睇下美苑俾我睇個本《Investment》，不過超級大本，同寫既英文都幾深，睇睇下眼看痛就無睇喇。跟著去學日文，今次學識左十五個平假名，大成功啊！接著就有好多電話打黎買問咩妹妹有冇貨，真係聽電話仲多過賣碟。

然後，竟然俾我發現左小寶隻《BestofSoul》。由於珍寶個間有DVD機，所以就順便播埋裡面隻MV。小寶個MV一出，立即見到有個阿叔走入黎望。過左無幾耐，妹子隆都黎埋，之後都係賣出左一兩隻碟。但係，過左無幾耐，姨丈打黎話隻ageha係唔賣得，因為有兩個人訂左。但係我開始聽係聽到佢話如果有人買，就拎出面果隻俾佢既。不過算啦，然後就有個人黎問有冇王菀芝隻新碟，不過果陣無貨。近期真係有好多人問王菀芝隻新碟，聽講話好好聽，但係我一次都未聽過。一陣之後，就有個人黎送碟，終於都有王菀芝。但係又過無耐，就有個人買左，真係好好賣。

之後美阮黎左，我地吹左一陣水，再睇多幾個小寶MV就差唔多夠鐘，於是就收舖。

【不求與人相比，只求超越自己】by《妹子語錄》

今日去左Ｎｅｗａｙ唱Ｋ，不過自從識左小寶之後，多左留意日韓歌曲，好少接觸到香港樂壇，所以有好多歌都唔識得唱。但係，好彩上個月有係【好景】聽歌同賣碟，所以都識得唱幾首近期既歌。由於近兩年來既粵語歌都唔係太識唱，所以今次唱翻好多以前既舊歌。不過舊歌又唔記得點唱，好妹啊！但係學妹子耀話齋，唱唱下就識嫁啦，所以都照唱。唱左好多首古巨基同周杰倫，不過唱高音好難，全部跳晒。

另外，小寶首《全心全意》想唱左好耐嫁喇，今次終於都同小寶合唱喇，但係有得隻字唱唔識讀，都係小寶把聲好聽好多。仲有唱左Ａｖｒｉｌ，但係Ｎｅｗａｙ竟然無得睇首ＭＶ，好虧嫁！本來仲想唱多幾首外語歌，不過Ｎｅｗａｙ只係得香港同台灣既新歌，外國歌手既歌就少到無論，真係好唔得！

之後就去左Ｉｆｃ食刺身，個度都有好多款壽司，其中軟殼蟹手卷同三文魚ＸＸ好好食，所以食得好飽，但係好貴。而且，最尾妹子隆同三姨笑嘻嘻仲係度妹，所以今餐好鬼妹！

本來依個五月，諗著可以學日文、練波、操體能，但係由於種種原因，所以計劃中既事情，都只係做得一半一半。

五月頭，因為剛剛考完高考，心情實在興奮無比，於是就係咁打機同睇劇集。咁既生活大約維持左一個星期，就開始學日文同整網頁，同時亦開始搵工。然後，經過美雲姨介紹，就開始幫四姨丈看舖，依個就係我計劃有變既轉淚點。

本來諗著看好景期間，都可以繼續學日文同睇一書。點知一連串電子產品既損壞，時間既問題，生活既唔定時，所以就停左學日文。而且，經過中原招聘會一事後，日文學習計劃終於要宣佈擱置，因為要就學好倉頡同文書處理，黎應付將來既工作。期間都同王錦熙、阿達做健身，但係第一次做，就做得好劇烈，搞到雙手傷晒，所以都係停下做下。

去到月尾，妹子們都已經考完會考，所以又同佢地踢波、玩AOC、整Xanga。踢波方面，自己都領悟出幾個竅門，不過就整傷左隻左腳。而整網頁方面，都學識左幾個技巧，總算不過不失啦。

簡單而言，今個五月都無話白過。雖然話係學唔到日文，但係都學識左倉頡同文書處理。我希望黎緊依個六月，就可以學識日文發音同整網頁，再操體能、練波同游水。

兩小時的征服、再臨的4.1、空矌的戰地、戰後的代價、切記的珍惜

今朝一起身，就知道左利記贏左歐聯，仲要係要失三球先，真係好戲劇化！見到佢係捧盃既一刻，真係好羡慕。唔知柏金可唔可以一嘗捧盃既滋味呢？好渴望啊！！

然後就打我份履歷，順便再諗下自我介紹點講。之後就測試下自己打字既速度，點知計時就結束個陣，阿爸無啦啦大叫「夠鐘」，嚇到我成個人彈起，可惡啊！結果係中文每分鐘打到三十三個字，而英文就每分鐘打二十五個字，好慢啊！要加速先得啊！

之後就返好景看舖。期間就去圖書館還書，點知突然落大雨。本來諗著等到細雨小小先走，就係又急便便喎，於是就用番細個果條無敵避雨通道。返到好景，又見到「淫賤朗」，佢教我整番好部MP3機，大感謝啊！過左無幾耐，個古古怪怪既阿嬸又黎同我傾偈喇，不過佢都幾追上潮流嫁喎，竟然同我討論《死亡筆記》。

放工之後，就等舅父俾番張記憶卡我，然後就去新輝食晚飯。去到就同妹子進講下《三國演義》同網上股票。食完飯就順便上埋佢屋企，教佢整Xanga。但係佢部機真係慢得好可憐，搞到都無咩心機教。但係用佢部腦睇番自己個Xanga，竟然俾我發現左一個缺陷，番到屋企要改改先。跟著就睇番歐聯重播，期間見到進係度傾電話，有講有笑，又驚俾人聽到佢地既內容，真係好搞笑。

去到無幾耐就走人，於是同嘉嘉一齊落樓。行到個公園果度，佢突然捉住我！原來有隻小強係右路殺出，之後我地就行左邊，點知又一隻小強係左路突入，嚇到我表姐係咁捉住我。於是我叫佢係中路突破啦，最後我地用速度壓過左佢地。

返到屋企就發覺Poly有Interview既信俾我，真係吹到！之後諗著開電腦玩啦，點知佢竟然同我作對！開左幾次機先入到Window，仲要係度怪叫示威！聽日一於同你解剖，睇下佢個腦有咩問題！

今日都過得幾充實，係看舖期間已經學晒點用MS Office，而且拆字又日漸純熟。好！聽日繼續！

今日係終於都完成高級程度會考既最後一科-說話能力測試！個人短講表現麻麻地，但係小組討論就幾理想，合格應該無問題既！

不過唔知點解一要考試，個人就會好想去便便。今日準備出門口既時候已經醞釀緊，唔通我患左「試前便便症」？於是就即刻去左先，免除後患。出到門口，好快就有車，唔洗一個鐘就去到學校，今次口試又係去番小西灣間衛理中學。

由於我好早就去到，所以個班房都幾空。過左十五分鐘，班考生一個一個黎到，發覺好多個都係上次見過既。今次又見番果個靚女喇，佢考中英文都係坐我斜對面既，不過個樣好串，所以唔係咁鐘意。除左個靚女，個硬膠人又係度俾我見到，佢真係好硬膠嫁！但係，最意想不到既係，竟然俾我見到超很煩！心諗：今次真係扒街喇！好彩佢個情侶邪眼唔係度，唔係今次考試實唔掂！ 跟著無耐，個阿叔就開始點名。我地個個都叫「到」，但係記得有個人大叫「到既」，搞到全場班人都微微咀笑。

今個口試我又係做第一個，不過都無咩特別既。入到準備室，第二個阿叔又開始計時喇，個題目係「登上高鋒之後」，一見到個題目，就知今次扒街喇！諗著佢會叫我評論下某件事架麻，點知佢整條咁既野俾我，搞到我無得用A.Wong論証手法！所以表現得唔係幾好。不過到小組討論我就發威喇！今次題目係「如何解決香港現今的失業問題？」於是我就用A.Wong絕招 – 「論點再加大量論証」，所以表現都幾好，又帶起成組，而且都幾主動，仲有就坐果陣又讓開俾人過，交野既時候又用雙手加微笑，所以今次口試應該就無咩問題。

出到門口個陣，心中大叫「終於都考完lu！」，仲「?」左一下，個心情實在太興奮，真係幾正！而家終於都無晒顧慮，可以做自己想做既事喇！！

今朝好早就起左身，於是就打番以前剩番既日記。不過好多事既細節都唔記得左。跟著就睇《死亡筆記》，阿月好似好煩，俾M屈緊機，不過跟據漫畫既「主角不敗」論，應該無事既。

之後做玩番西遊記，今日要決戰城城，點知打完佢就即係出隻雪櫃人，不過都係俾我搞掂！但係睇黎仲有埋玩，因為七個魔王都未見晒。

妹子隆同妹子進終於都考玩會考喇，於是同妹子隆打征服者入侵。但係都有成年無合作，而且打法又唔記得左，所以打得都唔流暢。

跟著食完午飯就去好景，正所謂「五窮六絕」，今日生意又係麻麻地，但係就有好多蟲蟲黎幫襯。係收銀機隔離有隻甲蟲仔，搞極佢都唔郁，以為佢死左啦！點知收舖個陣，佢又翻生喎！

然後，晚飯去左【甜心】，因為個度有電視睇。我地一路睇【學警】一路食飯，而我兩個表弟就係度講網上股票。去到最後，大家就估下個結局最尾會做咩，不過大家估到既結果無都係尾段出晒，但係結果之前出晒。哈！

之後，去百佳買野，然後就上表弟屋企打機。但係成個禮拜無打，技術又生疏左。不過都有三贏一和既佳績！

p.s.「等價交換」，這就是世界既真理！記住，記住！