Author: bergkampho

由於頹廢左咁多日，今日決定執番好張書檯，順便搞搞電腦後面堆線。

不過，好討厭啊！部電腦就黎搞到我瘋狂喇！後面堆線打晒結，個Printer又封晒塵。搞左好耐，終於都搞掂。諗著睇下小寶Live.Show獎勵下自己，點知又窒晒機。好可惡啊！玩MSN個陣，傾傾下就hang埋機。之後入BIOS度睇睇，發現粒CPU成70度！唔怪得知咁慢啦。不過都係唔好理喇！砌部新機好過！

BoA ＝ 比卡超！？

Monday,  July 11, 2005

今日同蜥蜴、多多、阿Ｊｕｎｅ、四哥去左游水。玩得好開心，係水中個感覺好寧靜，咩煩惱都唔記得。不過水質好差，好鬼混淆，好彩無便便同紅虫

多多游水真係好虧啊，成日驚沉，又游得太過急。應該要放鬆少少，慢慢咁游。而我隻腳都開始有好轉，游個時都無咁痛。不過都要繼續忍耐一下，等到完全好康復先好踢波。

另外，葉志翔今日又打黎搵我，佢尋日去左玩個理財遊戲，聽落都幾好玩，有機會就參加下先。

今日訓左成日，不過都係無咩精神。成個上晝都未收到ｏｆｆｅｒ，有少少失望。然後睇左少少ＢＵ既ＡＤ既資料。之後見係間屋又熱又悶，於是就同阿爸落街食下午茶。

出面好舒服啊，又無太陽，仲有少少涼風，個人好爽！但係返到屋企又變番又熱又悶。於是開著部冷凍，又訓過。突然間有電話打黎，仲意為係收到ｏｆｆｅｒ，原來係阿媽打黎。過左無幾耐，終於都收到Ｃｉｔｙ電話喇！佢俾ｏｆｆｅｒ我，仲叫我係１５號之前去拎ｏｆｆｅｒ　ｌｅｔｅｒ。而家都無咁擔心，總算有野讀先啦！

今日去左城大面試「阿蘇」。等波波等左成粒鐘，於是自己走去城大，點知又見番佢。入到去面試，我同波波一組，另外再有個男仔。今次面試表現一般，講英文就順暢左，不過一到唔識講既野就hang晒機。希望佢收我啦，我好想入大學啊。

夢想變成泡影。兩年來的血汗，數日的懶惰，卻換來這樣的結果。我不甘心！為何英語可凌駕一切？為何１２分可升中六？

人生的第二個轉淚點，我的命運會是如何？ＨＤ？ＡＤ？ＩＶＥ？

後記：
天無絕人之路。機會要自己爭取，成功就要夠自己努力！多謝一直鼓勵、支持我既親友。他朝有日，我成功左，一定會好好報答你地！

過左七月都有一個星期，每晚都係玩到三，四點先訓。搞到係朝早就無咩精神，混混愕愕咁過左一個上午。雖然係無意識咁做，但係覺得係自己潛意識想麻醉自已，想自己忘記七月八號既放榜。結果，依幾日真係玩得好開心，無咩話好在乎放榜成績。

到左今日，距離放榜不足廿四小時。心情都無咩話緊張唔緊張，不過就有少少擔心，點知科英文會點。但係考試結果早早就係考試當日決定左，成績係點都已經無得改變。唯一希望就係今晚可以訓得好好，聽日精精神神咁去拎成績。

我預計最好既成績係2E4C，最差既成績係2F2E2D。希望聽日拎到一個幾理想既成績啦！

後記：結果係5E1F．．．

大成功！大成功！我首次既砌機獲得大成功喇！不過用左成大半日先搞得掂，由開唔到機到開到機；由入唔到Ｗｉｎｄｏｗ到入到；由上唔到網到上到網，期間經歷過無數既既失敗、錯折。但係，一次再一次既嘗試、探究，終於都得到成功！

從今次幫妹子進砌機之中，學識左好多野，而家對電腦硬件更加熟識。返屋企睇下部電腦，俾我發現左個ｍｏｎ一間間既原因，就係個插頭有一粒針彎左，要買個條新插黎補番。部電腦成日虧虧地，都可能係條ＩＤＥ線有問題，所以都係換過條新。不過，暫時都係唔好砌機住，到等搞掂晒放榜單野，先諗我部勁機啦！

仲有二日，唔知成績點呢？不過，自從考完個日，已經覺得自己考成點都唔係太重要。反而覺得認清自己將來條路更加重要！所以而家要積極裝備自己，準備未來既種種挑戰！

今日收到名師寄黎既信，七月八號Ａ．Ｗｏｎｇ陪你共渡難關。差唔多三個幾月無見佢，終於又可以見番喇！而家距離高考放榜仲有三日，都有少少「郩底」既，最驚就係英文唔合格，對唔住名師，對唔住好多人對我既期望！

另外，有一件好消息，就係我個教練訓練得左喇！希望係依個別訓練識班朋友仔，學到好多野啦！

今日去左香港遊樂場協會面試果個足球教練訓練計劃。雖然覺得自己係最突出既一個，但係發覺自己回答好多問題都係答唔到個重心，所以表現都係一般。但係之前面過好幾次試，發覺而家對住班陌生人講野都順暢左，無咁「肴底」。唔知佢地會唔會俾我註冊呢？

另外，今日壇主大人竟然叫我作篇短文俾佢交功課。本來佢要作日文既，但係佢連中文都諗唔到。由於個題目係我地大家鐘都意既足球，所以就叫我作篇俾佢轉日文。算啦！見壇主大人平時都幫我唔少，就有感而發啦！

啊～～～超羨慕啊！好羨慕祖兒可以一次過見晒三大韓國人氣偶像啊！仲可以同小寶合照啊！大羨慕啊！

依幾日又過番以前既生活，日夜顛倒。唔知係未訓得多，又成日對著部電腦，而家背痛加劇嚴重！個人混混愕愕，咩都無精神去做。

之前一兩日，搞小寶堆檔案，搞左幾個鐘都未搞掂。真係估唔到我高考期間，竟然下載左成20GB既檔案，而家有埋執啊！部電腦又虧喎，成日hang機，夠到做咩都無癮。

啊～星期二要砌部3GB+512DD2啊！！

ｐ．ｓ．尋日ｄ／ｌ左好多小寶即拍照，係度分享幾幅啦！好可愛啊！