Author: bergkampho

今日又遲左起身，不過就無遲到。但係有好多同學就俾譚姑娘屈做遲到。不過，佢地係下晝明明遲到，又簽番準時黎補償。

今堂又係理論加實踐。做包骨折既實習個時最好玩，班同學仔又玩得愈黎愈熟。不過我地仍然係亂咁黎，包到錯晒。

唔知點解，我自己綁平結就可以除得出黎，但係一綁落其他人既時候就拆極都拆唔開，真係搞鬼。

之後，我地又做下模擬考試實習，但係個個都唔係咁熟。包傷口既先後次序都亂鬼晒。睇黎都要搵阿爸黎練習下先。

p.s.本來依幾想轉個充滿陽光氣息既xanga，不過無咩時間，所以都係遲下先搞啦！

好波獻給你

(暫停播放)

今日係急救班既第一堂。開頭講理論都好有心機聽，不過到最尾就太過眼訓，所以無咁專心。但係教包紮個時就好好玩！

我今朝遲左起身，好彩緊緊九點半去到。但係佢竟然話我遲到，張通告明明係寫九點半！點知係開學禮派個張日期卡個時間先係正確。不過，我之前睇時既時候都係寫九點半，但係睇清楚，原來係９：３０個３度，有一個好輕微既鉛筆痕，之後再補番一個零，真係吹到！

今堂講左好多急救既要點，不過好多情況都係唔好搞個患處，然後盡快送去醫院。

最記得個阿ｓｉｒ講述一件佢見過最恐怖既事情。當時有一個香港人係深圳發生左交通意外，搞到滿面玻璃碎片。而且仲內出血，有多處骨折。

但係佢既家人要求拎佢番香港救。於是部大陸救護車就送佢去黃岡。當阿ｓｉｒ接佢過香港北區醫既時候，個傷者竟然噴血。就好似噴泉咁，噴到成個天花板都係血，好恐怖！

佢仲講，大陸既醫院要你有錢先會救你，上救護車又俾錢先，幫你輸血又要俾錢先，超級呃錢。之後，阿ｓｉｒ就講番書。不過來來去去又係個幾招ＤＲＡＢＣ。

今日上左成六個鐘堂，個感覺好似返番名師爆鐘咁。個阿ｓｉｒ講野都幾風趣，而且包紮個時，我地個個都包到不倫不類，好鬼搞笑。

聽日又再上過堂，就教骨折包紮。應該會仲好玩～

自從尋日足球開學禮、曼聯黎踢波、皇馬對北京之後，我終於都忍唔著要去踢波喇！

好耐都無試過燃燒青春喇，驚自己會無晒能量。所以今日無咁快落場。睇完曼聯教踢波之後，我就好鐘意傑斯個招「左左右右左右左」。於是自己一個人係場邊練習。之後，又練下斬波同盪死角。

今日既對手雖然好廢，但係好矛。我地第一、二節俾佢地各入一球。到左第三節，我係尾段就落場。由於我都係開始踢番波，所以球感唔係幾好，仲錯失左一個黃金機會。

但係，可能走左幾個成日上腳既隊友。我地隊波就開始有番攻勢喇。到左第四節，我地派出強陣，結果我地連追三球反敗為勝！打起番成隊波！

之後，又到有我上場表演既機會喇。雖然好熱又腳軟，但係我謹記「熱力學第一定律」Ｈｅａｔ＝Ｅｎｅｒｇｙ。於是就燃點鬥志，繼續作戰！到最後，我既血汗係無白廢，我都拎番一球士哥！

結果，依場波就係由我果個一腳而結束，好景隊勝四比二，完場。

今日係足球教練訓練計劃既開學禮。今個計劃有二百個人報名，而好幸運地，我係其中被選中既五十人。

今次開學禮既主要目的就係令我地一班學員認識大家。首先，我地分開左「牆邊組」同「門口組」兩組。而我就係屬於「門口組」，其中仲有幾個女仔。

之後，我地逐一報上名來，但係實際上，我都只係記得幾個。估唔到我面試個組有六個人，結果竟然有成四個人都入選。

跟著，我地玩左幾個小遊戲。由於大家都係年青人，所以我地玩得都幾投契。最後，雖然我地個組輸左，就係都玩得好開心。

然後，我地填番幾張問卷就解散。我發現原來班女仔個個都係勁野黎嫁，成班都係參加過咩青年足球比賽，又咩區隊代表。相反，我只係有六年街場、二場班際比賽既經驗，好虧啊．．．

另外，今日終於都買左１７”既ＬＣＤ喇！好大、好靚、好清啊！不過，就好光，唔係幾習慣。但係玩ＡＯＣ簡直係一流！

無奈……

(暫停播放)

「上山容易‧落山難」今日只不過係由金鐘行上麥當奴道，都搞到身水身汗，仲用左成廿五分鐘。點知落黎只係用左五分鐘。

唔經唔覺，都兩個月無咩做過運動，而家搞到體能好差。而且成日遲睡遲起，精神都唔好。

尋日同多多只不過踢一個由保鮮紙包成既波已經踢得好開心，發覺自己真係好愛足球！好希望隻腳立即好番，等我可以重拾足球既樂趣！

今日同大家分享既歌就係諷刺香港傳媒為左吸引讀者而小題大做，為求增加銷量而胡亂老作。

《開卷快樂》　謝安琪

大細胸 肥脹的小肚 突發新聞般報導
人格好 唯獨小腿比較粗
晚裝的背後 走光的鏡頭 全部角度刁鑽也講究
太低的褲頭 少布的肚兜 不顧一切獵到手

可會是我想太多，其實娛樂過 也不必發火

沒有空 亦要追得到 絕世出位的報導
誰拍拖 誰又失身得太早
是非加串謀 橋不必怕舊 娛樂新聞怎會看得夠
每天都有售 不理好與醜 真相虛構亦照舊

誰在意她專不專心工作 只想知她揮不揮霍
闊太HIGH-TEA一不小心 背後T-BACK與民同樂
新鮮出版的週 太多激爆的炒作
要令到大眾都開卷快樂

名氣高 埋葬於土裡 亦有專輯的報導
未滿足 前後三生都要數
自毀的理由 媽媽的訴求 全部責任一概要追究
祖宗的庇祐 掌相的缺口 越玄妙人越拍手

記者編輯 攝影先生 精密佈局在四周
酒店角落齊備超廣角的鏡頭拍下各種醜與醜
難過愉快 憔悴病態某共某家裡逗留
以十個食腦的高手揭露各樣各式錯漏
致力要大眾睇通睇透

嗚謝你 尖酸抵死的觸覺封面小姐的肩膊
抽絲剝繭的追索 製造低消費娛樂
花邊新聞的搞作 絕對不會大真確
要是你肯花錢 當做有點消遣
切勿以太高深尺度量度

誰在意她專不專心工作 只想知她揮不揮霍
闊太HIGH-TEA一不小心 背後T-BACK與民同樂
新鮮出版的週 太多激爆的炒作
要令到大眾都開卷快樂

今日用熱血黎換取金錢，都幾好玩，又可以用我既飄移走法黎般貨。不過，始終都係腦力黎換錢先最好。

唉～而家個ｘａｎｇａ人氣下滑。

所以轉一轉版，希望帶黎一番新氣！但係，因為顏色仲未配搭好，而家只不過小轉版。等多幾日就黎一個大轉版！

今日分享就係一首歌，內容係講述一個唔想跟著社會潮流已經定好晒既路而行既人。即使受到其他人怪異既目光，仍然希望可以依照自己既意思去走自己既路。

《悟入歧途》　謝安琪

只想以盛放的膽色，共遐想跳舞，去走歧途，從未怕闖禍
總可按著我譜寫的韻律唱歌

靜靜看兒孫在拔河，漸沒氣力舊記憶總有點錯
任令每日消磨，像似光陰太多

過往有些事物錯失過，卻再不可以從頭走過