因為無人陪我睇《NANA》，所以唯有約我既SMS好友Claire一齊去睇依套戲。由於經歷過尋日既大失敗，今日一反常態早到十五分鐘！但係去到皇室UA就收到一個SMS，寫住「塞車」！不過都唔係等左好耐，Claire已經到左，於是我地就去買飛，跟著就食野。
大約去到兩點半就入場睇《NANA》，未開場之前見到Claire果兩個細妹，嚇到Claire左閃右避，哈哈！其實有咩好驚呢？同朋友仔睇場戲好平常嫁姐！我尋日都同小欣欣睇戲啦！哈哈！
《NANA》套戲都算不俗！時不時會出個攪笑位引人大笑一場。加上，奈奈又可愛，娜娜又有性格。雖然唔知個結局想表達咩野，不過最後我地都睇埋glamorous sky個PV先走人。
之後發生咩事都係Claire個Xanga講晒，唔想再打，懶啊！
依兩日好開心啊！終於有一個假日係無係屋企hea。好感激肯陪我既朋友仔啊！所以幾時都話，多一個朋友總好過多一個敵人。聽日又要開始努力讀書喇，奸爸爺！
今日本來約左五點鐘同師妹小欣欣睇【怪物】，點知我掛著同阿豐傾偈而遲左出門口。落到車站望望錢包只係得幾十蚊，於是去左ATM拎錢。拎完錢先醒起八達通負緊錢，於是又去7-11增值。結果成四點九先上到車，不過去到五點三我仲係紅碪塞緊車，最後要成五點半先去到旺角。
仲未完，去到旺角朗豪坊，我地搵左好耐先可以相認對方。小欣欣今日著白色，而我就著黑色，黑白雙煞，哈哈。不過個時已經係六點鐘，【怪物】想睇都無得睇。因為已經無晒位，然後又想睇【怪誕】，又係爆晒。跟著想睇【再說一次】，都爆埋。最後我就揀左八點半既【童夢】黎睇。
「塞翁失馬，焉知非福」。雖然睇唔到【怪物】，但係我覺得【童夢】一定好睇過【怪物】。而且套劇都幾感人，劇情又幾扣人心弦，我同小欣欣都睇到眼濕濕。記得有一句說話令我好深刻，就係「生命的可悲在於他不能重來，可喜的是它不需要重來」（意釋）。
最後，去左KFC食完野就各自歸家。
p.s.師妹～!
我發覺自己真係一個好有愛心既人，因為我可以對著一班瘋狂魔獸兩個鐘頭都無毒打佢地！突然覺得做老師真係好偉大，不過又好辛苦。
記得【童夢】其中一個片段，兩個老師落機舖打機俾班壞學生串，雖然班學生真係抵打，真係值得懲罰，但係佢地都無以牙還牙。因為佢地明白到大家既身份唔同，有時做人真係身不由己。其實有好多問題都唔係話想逃避，唔敢面對，只係個問題根本解決唔到。
p.s.小寶~誕生日！！！祝你快高長大，心想事成！
失眠，一個好陌生既詞語竟然係我日記中出現。
導致失眠有三大因素。第一，心理因素；第二，睡眠環境；第三，睡前習慣。究竟我係因為邊種因素而失眠呢？我自己都唔知，我只係知道而家成身都痕到爆炸，頭又痕，手又痕，腳又痕，總之就好痕！
呀～～～～～～～聽朝仲要教波嫁，我要訓覺啊！
酒，有人話係穿腸毒藥，也有人話係萬藥之長，不過自古以來，人類對佢的喜好都係有增無減。無論大餐小餐，喜慶場合，都會見到一班男士手握酒杯，之後大叫一聲「飲勝」或「乾杯」，然後大啖大啖張手上既美酒飲盡為止！
但係我唔明白，點解佢地會覺得手上所謂既「美」酒會咁好飲！？係我口中，酒只係一樣苦到想嘔既飲品，根本就唔覺得有咩咁好飲。而且酒入愁腸愁更愁，酒會令人肝腸穿斷，令人神志不清，更會酒後糊塗，做出好多錯事。
切記：少飲為妙！
p.s.花打，生日快樂！祝你身體健康！
經常抑壓自己唔做唔應該做既事，而強迫自己做應該做既事。可惜，我係一個受軟唔受硬既人．．．結果，應該做就無做，唔應該做就咩都做到充。唉，大無奈啊！
唔可以咁啊！醒啊！！！做咩黎左Poly之後竟然迷失左當初既目標啊！出手啦！出手啦！係時候出手喇！想唔俾人睇死，只有王道！！
我好討厭星期四既上晝，因為一朝鬼咁早就要起身上英文堂。之後又要上悶到爆既Circuit.tutorial。但係又鐘意星期四既下晝，因為咁多日之中，星期四係難得可以白天番屋企，俾我訓個晏覺既好日子。
每次星期四，我都特別早起身，特別早出門口。可惜，每一次都係遇到塞車，每一次都係遲到。記得有一朝既星期四，我眼見要搭個部巴士即將開出，於是極速衝前示意上車，但係可惡既司機竟然無視我既存在，一踩油門就開車走人！無奈既我只有慢慢咁行番上車站，而且仲要受到車站既人嘲笑既目光。
但係星期四既下晝就令我留下一個美好既回憶。
未上IC.Training之前，我星期四下晝就可以唔洗上堂，可以自由自在做自己鐘意做既野。鐘意既可以返屋企訓個靚覺，喜歡既又可以同同學仔吹下水，食下飯。雖然上左ICT之後要遲少少先放學，但係仍然有好多空閒既時間俾我自由活動。而且，由於星期五朝早唔洗上堂，所以星期四晚更加可以玩到夜一夜都唔洗擔心。
呀～真係好懷念九月初生活悠閒既日子～
p.s.美女，生日快樂！
有三套戲好想睇，分別係《NANA》、《怪物》、《一球成名》。
有三樣野好想做，分別係買戰衣、去朝聖、踢好波。
唉～不過世事又點會咁順人意呢？想，真係只有想囉．．．
今日終於都番屋企食飯，諗番十月返屋企食飯既日子真係廖廖可數，睇黎今個月都要多返下屋企感覺下家庭既溫暖。
而且好多我識得既人今個月生日，係度祝晒十一月之星，生日快樂！
其實生日對我黎講並非一件非常值得慶祝既事情，因為每大一歲就代表你接近死亡又行前左一步，而且每次見到自己既歲數，再望望一無事處既自己就會．．．
生日對一般人黎講的確係一個高興既日子，壽星仔女可以係當日話晒事，可以收到好多件禮品，可以同一大班人狂歡！可惜，唔係每一個人都咁幸福。而我就好驚生日既來臨，我好驚無人記得我生日，好驚個日孤伶伶咁度過。
p.s.阿媽：生日唔等於結婚周年、姨媽姑姐擺滿月酒嫁！
Wow~~~~Amazing~~!!!
今日係十月既最後一日，亦都係萬聖節。我同一班同學仔食完Pizza之後就去尖沙咀海旁感受下節日氣氛。由於我既萬聖節早早已經係十月一日度過左，所以今晚覺得好似欠缺左少少野。
雖然維港兩岸既景色非常迷人，不過人群中既我就覺得有點．．．依一種感覺並唔陌生，因為係依個十月，依種感覺一直陪伴著我。
可能係因為midterm-test既關係，大家已經漸漸遺忘九月毫無壓力既歡樂時光。今個月，大家都為升上degree而努力，日日夜夜去圖書館溫習測驗。可惜，每次測驗過後，各人都垂頭喪氣，分別為自己不理想既成績而感到頹喪。
黎緊既十一月，本應係一個為我而誕生既月份，應該要開開心心既度過。但係我諗大家又要係圖書館埋頭苦幹，好好準備十二月既考試。