Author: bergkampho

施根，好多人話佢係一個計時炸彈。但係，點解一向知人善用既雲加仍然會重用佢，而且仲話好滿意佢既表現呢？我諗背後一定有一個不為人知既神秘計劃。

唔講唔覺，自從施根打左閘以黎，阿仙奴既成續捷捷上升！而且後防亦都集中左，失少左好多波。全隊球員都有番衝勁，會想不斷進攻以免施根出錯而失波。全隊球員唔會懶懶行咁老定，一人會走多一步，自然空位多左，進攻威力亦增強左！

結論，施根係一個阿仙奴神秘特訓計劃既其中一隻棋子，目的係想令其他球員著番火，更加集中去迎接每一場比賽！

有時覺得網友比朋友更好。

雖然大家互不相識，但正因這一點，大家可以坦誠相對，唔需要戴著假面具見人，可以毫無保留地講出心底裡每一句說話。即使大家素未謀面，但會守望相助。即使大家互不相識，但會彼此分擔煩惱。

網友真好！

兩日之內竟然出現左２５６次月亮太陽升起，實在太驚人！雖然次數非常頻密，但係一點厭悶既感覺都無，而且愈來愈有感情。

月光照耀 暗夜將盡 陽光開始普照
當年稚氣的少年們 如今已不知在哪裡

長情的確係一件好事，不過時代變化萬千，人始終要嘗試新事物。

推介新事物：Janice – My Love

我一直以為自己三年內已經改變左好多，但係諗番，原來自己思想上仲係好幼稚，俾人覺得仲係一個唔懂事，只係識吃喝玩樂，唔識分輕重，生長於溫室既小朋友。

睇完蛛蛛俠，原來人可以係一晚之間改變好多！

今日我畢業了。代表我已經離開中學既階段，踏入大專既新里程。再一次睇番自己既成績，真係好慚愧，望著ＵＥ旁邊既英文字，覺得好對唔住自己，好對唔住A.Wong！所以我唔可以再重蹈覆轍！

黎緊既依一個月之中，我有好多野要做．．．

Computer Training Report

Oral Presentation

Workplace Correspondence

Electric Circuit Assignment

Electric Circuit Report

Electric Circuit Test

Logic Assignment

Logic Report

Computer Programming Assignment

Computer Programming MC Test

Computer Programming Practical Test

Mathematics Exam

Electric Circuit Eam

Logic Exam

所以我要加把勁！達成目標！

「當你係第一個令我心動既女仔．．．我會記著妳既一切．．．」

我今日終於都搵番埋藏係眼晴深處既自己喇！原來我無忘記當初既承諾，只不過係一時俾【殺那之光輝】閃一閃而睇唔到姐！好！一切照原定計劃進行！

日期：照舊

時間：照舊

地點：照舊

p.s.可能無人明我講咩！不過一切在心中 is OK！

尋日踢完波再行左成日街，今日起身隻腳超痛！每一次起身坐低，每一次上落樓梯，隻腳都好似俾幾十支針直接插入骨裡面。唉，放Lab既時候，本來諗著搭電梯上去實驗室繼續做，點知成班同學仔一見到部電梯開門就立即衝晒入去。唉，最後我依個傷殘人士唯有一步步咁挨上去五樓啦。

啊～我覺得自己好犯賤！一切都係咎由自取，唯有無奈與忍耐啦。

本來今日係小寶出新碟既大喜日子，不過算啦．．．

本來今日Dayoff，可以係屋企大訓一場，不過由於我對足球既熱誠實在非常強烈，所以八點就去左Poly踢波。今次係同自己班第一次踢波，可惜，今次亦都係今年內既最後一次。唉，雖然．．．，但係．．．

咁巧合今日師妹又唔洗返學，於是踢完波就同佢一齊去行下街。我地行左好耐啊，一邊傾偈一邊睇野，差唔多全旺角都俾我地行晒。到晚夜，我地同阿Ｂ去食晚飯，而且仲去左間總統套房，好彩我地無去貴賓房，唔係可能會俾炸彈炸到散晒，哈哈。

我同師妹本來都諗著返屋企嫁喇，點知行行下行左去佐敦。見師妹未黎過Poly，於是就帶佢入去參觀一下。師妹話Poly好似屯門，周圍都係紅色磚頭，好有熟悉既感覺。哈哈，睇黎師妹好想入大學喎，要努力喇！只要有恆心，夢想可成真！

好無聊、很無聊、好很無聊！今日無無聊聊咁就白過左一整日，都唔知自己返學做咩！＄４０蚊嫁！每日都要洗＄４０蚊嫁！返學就好似等放學！上堂就好似落堂，以為自己識晒好醒，點知係豬頭炳！堂堂掛著轉筆！咩料啊好頹廢啊！

好妹啊！＝田＝