Author: bergkampho

聽日將會有一位廿歲青年慘死．．．死因研究：抵死

我很喜歡仰望天際，每當天上有流星閃過，我便立即祈求流星替我達成未完心願。這一堆只會向流星透露的說話，往往就是埋藏在心裡的秘密。

在心中埋藏著多少秘密？充滿著多少夢想？

我想，只有心中的星星才會知道拜託流星的願望能否兌現成真！

有一顆埋藏在內心的星星鋒芒畢露，接二連三的承諾，三番四次的嘗試。屢敗屢戰，屢敗屢戰……終有成功的一天！

Star *BoA = new Star

p.s.四姨丈生日快樂，好景生意蒸蒸日上！

人死左會點呢？

有人話會上天堂；有人話會落地獄；有人話會輪迴；有人話會一了百了；有人話靈魂會離開肉身繼續留係依個世界遊蕩；有人話精神會去左第二個同地球一樣空間繼續生存。

不如先探討下點解人會想死。我覺得主要係佢地覺得生存毫無意義，留係依個世界都係虛度人生，倒不如死左一了百了。其次，我覺得會係佢地面對到一個或者一大堆無法解決既困難，逃避就係佢地既最後決擇。最後應該係佢地已經咩都無晒，無家人、無朋友、無錢、無飯食．．．真係唔想唔死都幾難。

記得【童夢】其中一句說話「家，一個人都不能少」。依個說話令我好多啟發，我知道一個人既離去的確會令到身邊所有既人帶黎一個嚴重既影響。我知道係依個世界有好多人唔想死但係要死。

講真，我都係一個唔想死既人。但係做人咁辛苦究竟係為左咩呢？為左自己？為左家人？為左生活？為左死？我唔知道．．．

好彩，係依個世界仲有好多值得我留戀既地方，仲有好多目標我好想達到，令到我覺得自己有生存既意義。雖然依個世界有好多事令我煩惱，有好多令我唔訓眼既人；但係我決定選擇化身成基度山伯爵，為報仇而生存。

其實依幾日真係好煩惱，突然間出現左好多無形既壓力。好想有一個神人出現幫我解決晒所有疑難。雖然依個神人無出現過，但係就出現左一個舊同學仔同我係大氣電波中傾左幾日偈。而且有首歌令我覺得好開心，好有同感，令我覺得朋友真好！

老友咪放棄　放都徙氣
振振兩臂　拍拍背肌　打氣
爭番一口氣　男子組靠你

說好了一起去死過！

gapifuhbfauh&^*&%v]-ta8b-94r57650@%jka3-i\i\-0bi3C+++

突然間好想炸爆地球，咩野都無晒，好野！突然間好想殺死所有同學仔，咩對手都無晒，好野！突然間好想死，咩煩惱都無晒，好野！

[認真]有冇人想一齊死啊？

說好了一起去死

尋尋覓覓冷冷清清　淒淒慘慘苦了戚戚
不問蒼生只問鬼神　分分合合熙熙攘攘
痛痛快快了斷切切　多情卻無情傷
說好了一起守諾言　背對世界比較容易呼吸
不用華麗衣裳弁子鋪張的婚禮
一起生活相敬相愛別無所求
不怕世俗厭惡耳語誇張的表演
管它是人是鬼誓要在一起　誓要在一起

難忘的十一月完了！

(內容後補)

總結：先甜後苦

今朝一起身就病厭厭，於是上晝走堂無返學。到下晝就返Poly做Logic.Lab，無錯，又係Logic.Lab！做完之後已經係夜晚，於是就去靈修閣溫書，進度一般，自己唔係咁滿意。

唉～個Lab做到個人好妹，又出條問題問下大家啦！

仔細看看下圖順序，選出一個來取代問號。

依題幾難嫁，好多正方形，好亂嫁！動動腦筋啦！

小寶，我深信妳既才華好快就會傳遍世界！到時就可以證明當初我既決擇係正確既，記住韓國小天后並非浪得虛名。

今日整個死人Logic.Lab整左我成日下畫，用左我勁多時間，我仲有大把野做嫁麻！個阿叔等左佢一粒鐘都唔上黎，係要打電話叫佢先肯上，麻鬼煩！可惡啊！依科用左我超多時間啊！我唔爆Ａ點對得住自己啊！

好～發洩完畢，繼續做野。

做Report做到個腦實晒，不如大家一齊動動腦筋諗下依條問題啦！

下列四個符號中，哪一個和其他符號不一樣？

答案：沒有不一樣就是不一樣

俾Connie點中左．．．

被點到的人要依照以下規定在blog回答你理想伴侶的8個條件

1.必須註明你的理想伴侶是男是女
2.理想伴侶的8個條件
3.必須點8個人跟你一起玩這遊戲, 並到對方處留言
[恭喜你被點名: 八個條件, 請到我的網址觀看遊戲內容]
4. 如果被點名者已玩過這遊戲便不用再post

其實我諗過係男（金爺），哈！因為佢實在太型喇！講笑姐，我當然係鐘意女啦！

你會因為打開報紙發現每日都有車禍，而唔敢出門嗎？

雖然每個人都會口口聲聲話唔會，但係我地時常會聽到有人話：我平時英文又咁差，英文口試實唔合格啦！於是日日都留係屋企打機，連考試都唔去考。

當我地遇到困難既事情，往往都會選擇逃避為解決問題既方法，因噎廢食。縱使道路有多艱險，其實總會有平安過馬路既人，只要我地小心一點，不必害怕過馬路。

做人，應該要相信自己！

以前既我係一個言出不行既人，遇到好多好多事情要做既時候，我會係腦海中計劃出一個好理想既時間表黎分配邊段時間做邊樣事情。但係往往到做既個一剎那，我就會突然覺得好眼訓，之後訓落張床向自己講：「訓醒先做啦～而家無咩精神，做算做都會做得唔好啦！」

而家，我知道逃避並唔係解決問題既方法。而且，我唔應該再係心中計劃出任何理想大計，因為全部都係不切實際！倒不如立即坐言起行，實實在在去完成未完既事！

p.s.好耐無p.s. = =+