Author: bergkampho

一朝早James打電話問我返到Poly未，如夢初醒既我睇一睇鬧鐘……唉，八點半，算啦！唔好返學繼續去訓覺，因為遲到好樣衰！點知發覺訓醒既時候已經係十二點，結果走晒上晝所有堂！>.<

下晝返去溫書做功課，而且更加無走Maths堂！不過我都係一邊同同學仔傾偈，一邊留意阿Sir既小動作，哈哈！

最近我識左一個讀design既朋友仔，佢講左好多攪笑野俾我聽，我覺得佢既生活好寫意，好多空間！好想走晒所有悶蛋lecture堂，去出面見識一下依個世界啊！

p.s.【第十五話】已經有喇！

完結了……一切也完結了……一切也完結了……

這星期內的兩份測驗及兩份功課已經完結了，雖然全是抄襲我的好同學們，但總算是完結了……

這三個月來，一直在想，一直在想，想了又想，我想通了！雖然我們沒有開始，但確實完結了！在最美的一刻完結，留住回憶，我想是最好的！沒錯！遺憾美是最好的！

同時，沒有衝勁的日子也要完結了，明天重新開始吧！=]

你知道嗎？你是最好的！你要學好多野！你要做好多野！

p.s.十七歲的【第十四話】：你知道我在荒廢了十二月嗎？

賤壇新人王，互助互愛測驗卷，5E籃球聚會，明日浩劫

今日見番好多同學仔……

aki、阿雞、齡齡、安仔、勤、多多、June、四哥、馬仔……

p.s.祝阿雞 & Connie HaPPy BirThDaY~~~

今日一早起身就開始整開心情人節甜蜜蜜賀卡，之後去訂濃情愛意鬱金香，跟著就送俾四號情人。意外地收到六號情人既甜絲絲心型士多啤梨，最後就同千金小姐一齊享用浪漫情迷燭光晚餐。

嗯…我既情人節就係咁過喇……

後記：這一天，我認識了妳。

2.14

情人節，對一雙雙的情人來說，絕對是一個又浪漫又難忘的日子……

祝願天下有情人，能成美眷～

一朝早，興致勃勃去數碼港睇【賊壇新人王】，點知中途aki打黎話無早場，結果要改期……大失望！然後我地去泰皇食久違既豬扒河，食完之後，當然係去秋萍買我最愛既白兔糖！不過唔知係未食得太多，攪到我好肚痛！

之後返Poly去畫畫，Miss俾好多Classwork我地做！下星期仲交成十幾幅圖。本來諗著留番係度繼續畫，點知無人陪我，Miss又要收番晒所有工具，結果都係去Lib溫書好過！

經過JF既時候，見到好多人係度拉票，結果我都俾Connie拉左去投票XDD

跟著就一個人去Lib溫書，唔知係未全部人都去晒拉票，圖書館變得冷冷清清，靜到下面拉票既吶喊聲都隱約聽到……結果我都係去CF溫星期三既I.T.測驗，我見到阿樂同阿菜，然後走既時候仲見到一個不便透露既神祕人。

睇黎神祕人生活得都幾好，不過記住：【多行不義必自斃】！

返到屋企就收到ESA既電話，諗著去睇睇下場對手既賽果，點知搵黎搵去都搵唔到ESA個網，都唔知班ESA莊員點搞……

今日做咩打得咁詳細ge….

Wow~Amazing!

copy from other xanga

尋晚唔好意思，又攪到你咁夜先有得訓覺。不過，我今日十點半就起左身，hea左一陣就去同陽光玩遊戲，但係去到長沙灣就變左同北風玩遊戲。結果仲凍襯，而家頭又痛，腳又痛。

另外，今日睇左James既一段對話，好想睇好多人形既書！但係功課同測驗呢！？都係靠我一班好同學仔啦！XDDD

p.s.原來政府揀自修室既地點係有一個詭祕既陰謀！想知！？
睇下十七歲的【第十三話】啦！

今天，我要多謝這位給我換了一百大元碎銀的女孩，若不是她的仗義相助，我想今天也沒有一個美好的開始。=]

可惜我的遲到，今次我只能在紅草外為隊友加油打氣。他們也不負我望，半場而取得三比零的優勢。但鬆懈的我們曾經一時躲入三比二的驚慌，不過最後我們擴大比數，結果五比二，勝！

希望能夠順利打入決賽，決戰車仔！！.\ /.

玩兒姨說過，楊氏宗親是沒有蠢人，有的只是懶人。

昨日，做了徐川同學的一份簡單的心理測驗，日字加一劃你最快想到的是什麼字？我立即想到「旦」字，我再看看解釋……

旦，代表最懶惰的人。

我自認我是一個懶惰的人！又如何！？

難度我的人生要勞勞碌碌地度過嗎？忙裡偷閒又有錯嗎？

我只是想按照自己所想，去做自己所愛！

花想：想做愛做的事……