今日係陽光普照，對我黎講係一個愉快既日子。
朝早，決戰紅草！雖然表現唔算突出，但係齊心就事成！結果，我地終於取得初回既勝利！可喜可賀！中段既時候，仲見到Rainny,3be, Winnie黎打氣，真係多謝！走既時候撞到貓仔，點知去到新can又撞到，真係攪笑。
下晝，我同駱、樂一齊去睇醫生，享受一下大學生既褔利。醫生俾左好多藥我食，有咳藥水，有喉糖，有傷風藥。哈哈，好抵睇啊！不過，食完藥又疲倦又眼訓，一訓就訓到八點。
起身之後，見到大家都係MSN議論紛紛。睇一睇日期先記得今日原來就係出GPA成績既重要日子。開頭好驚自己過唔到3，因為考試表現唔係幾理想。不過，最後我都有3.41，而且仲有一科A，真係鬆一口氣。不過，Logic就……唉，當時仲話一定爆Ａ，我而家做唔到喇，你地要求我做咩都無所謂啦。
可惜，我最熟個幾位同學仔都過唔到３，我真係覺得佢地好唔抵，希望你地唔好灰心啦。因為希望在AL，有我支持你地，你地實掂嫁！
p.s.【如果知道我付出了多少努力，你絕不會驚訝我的成就】
Leave a Reply