尋晚阿仙奴主埸執到【堡】！大勝七比零！再一次喚醒對足球充滿熱誠既我，有見及此，今朝就同妹子決戰四號場！
之前因為怕一傷再傷，所以逢星期日我都困係屋企，對著電腦無所事事。不過，前幾日我恍然大悟，發覺即使有充足既時間養傷，但係每次決戰之後仍然會受傷，所以我決定唔理隻腳，一於踢到隻腳收山為止！
返到屋企，見到爸爸同媽媽為一個【YES】制而爭論不休。爸爸話禁左YES先再入電話號碼；媽媽話入左電話號碼先再禁YES。其實兩種方法都係行得通，洗咩係度大呼大叫，真係妹啊！
下晝，我同妹子們飲完茶之後，再一次決戰一號場，可惜，突然發現唔見左小寶電話繩上面粒可愛骰仔，大唔開心啊！結果，踢波都力不從心，表現差勁。
轉眼間，聽日就開始Sem.2。今個Sem.break做過咩野呢？唉…好無奈！好似咩都無做過…
Leave a Reply