二時正的醒覺，雨濛濛的銅鑼灣，新形象之誕生，占士的維園聯宜活動，旺角波鞋大清貨，花墟中的花墟，腳底的悲嗚。
今朝起身己經係二點正，補番尋日篇日記，眨下眼就去到四點，於是同姿姿出街買新衫過新年。
食完南記之後，我地就開始掃貨。今次買左二件新衫同二條新褲，仲買左一件新褸。收穫豐富，不過銀包就……
之後陪占士同佢個朋友去行年宵，不過我覺得似係占士既聯宜活動。因為佢行一陣就見到熟人，行一陣就同人傾偈。發覺維園花市有好多Poly同學仔開檔。
然後，去左間茶餐廳，食左個又貴又唔飽既晚餐，就去旺角搵阿科。
搵左好耐，我地終於都見面。
旺角真係好旺，零晨時分仲係咁多人行街，睇鞋就好似睇花市一樣，人山人海，周圍都係人。最後，我又買左一對新波鞋過新年。
跟著，我地就去行旺角花市，但係我行左成日，又拎著好多新野，隻腳已經開始無力。行到去花市，發現依度真係一個花市，周圍都係賣花，完全同維園係另一個世界，感覺好似俾人呃左一樣。
最後，五點左右先返到屋企，腳隻好支力啊！！
Leave a Reply