Monday October 31, 2005

今日係十月既最後一日，亦都係萬聖節。我同一班同學仔食完Pizza之後就去尖沙咀海旁感受下節日氣氛。由於我既萬聖節早早已經係十月一日度過左，所以今晚覺得好似欠缺左少少野。

雖然維港兩岸既景色非常迷人，不過人群中既我就覺得有點．．．依一種感覺並唔陌生，因為係依個十月，依種感覺一直陪伴著我。

可能係因為midterm-test既關係，大家已經漸漸遺忘九月毫無壓力既歡樂時光。今個月，大家都為升上degree而努力，日日夜夜去圖書館溫習測驗。可惜，每次測驗過後，各人都垂頭喪氣，分別為自己不理想既成績而感到頹喪。

黎緊既十一月，本應係一個為我而誕生既月份，應該要開開心心既度過。但係我諗大家又要係圖書館埋頭苦幹，好好準備十二月既考試。