再一次排除萬難，再一次被人慫恿，再一次突破速度，再一次成功Demo！
經過 choi fung wa program既車仔，終於成功進入十六強！！大開心！
今次依個Demo3我地保留原有設計，唔用巨鉗，唔加Sensors，唔用VR！決定用software解決一切hardware問題，終於成功以最快速度疊起五層波，簡直為原有設計爭番一口氣！！
今次既Demo3可以咁成功，背後我地比人付出更多既努力。我地比人早開始，而且次次都做到個Lab閂門，即使無得試車都仍然諗著Program，時時刻刻都諗著點樣改善部車，點樣做到最好，更加為部車加入防禦機制，即使失誤都有補救方法。
其實我地本應可以係上一個星期就完成Demo，但係每一次係Jimmy To面前試車既時候，部車總會發生意外！hardware一直一直都係我地最苦惱既問題，唔係壞motor就係死servo。
尋日睇著「圓月彎刀」成功demo真係好唔順氣，佢地根本就係亂咁黎，個巨鉗根本係屈機！不過今日我地成功證明俾人睇，我地既「龍蝦鉗」係絕對快過巨塔！真係吐氣揚眉！
對左部車仔足足有14個weeks，發覺佢都幾有靈性而且受軟唔受硬，多人望著佢就會緊張，行得太耐要涼風扇，又要幫佢做柔軟體操，而且係Demo前總會經常出現失誤，暗示我地仲有漏洞未解決。
終於都可以入到十六強，總算無白費心機！Well Choi Fung Wa！