今日係高考放榜既日子，當年今日我收到一個5E1F既成績，唔合格個一科仲係UE！個一刻我真係唔知點算，腦海中只係不斷閃出自己考UE前點樣打WE9，考Phy前一個星期點樣係屋企行行企企……
當時我真係好頹喪，仲有憤世嫉族既感覺。雖然有好多人支持我、鼓勵我，但係我當佢地只係可憐我，講安慰我既說話，而且實際上，佢地根本就幫唔到我！
係我無助之際，我睇到一位唔熟悉既朋友對我既留言……
ah…sometimes things just dont go the way we want it to go…..but try again~ and b confident~
突然間，我醒覺左！！希望你們睇到都會恍然大悟！
p.s.愛上了法國隊！
沒甚麼，只想貼寶。
想起足球，我便想起五奪世界盃的足球王國。因為第一次觀看足球比賽的時候，便是九八世界盃四強的比賽—巴西對荷蘭開始……
當時對足球一竅不通的我只是跟隨大眾，支持大熱門巴西。雖然比賽的情形早己忘記，甚至賽果也全是空白，但我還記得這場森巴足球決戰全能足球，最終由十二碼分了高低……勝方卻是森巴兵團。
當泰法路撲救了荷蘭某球員的射球後，我心卻是歡喜若狂……
想起足球，還有很多很多，有機會再與大家分享分享。
從前，你只是一個乳臭未乾的孩子，對足球一知半解，控、傳、射，三樣皆差！但有教無類，我把一切足球的基本知識也教授給你。希望你好好學習基本功後，盡情地享受足球的樂趣。
今天，我發覺你已不是當初的這個孩子。雖然你還不是一位獨當一面的球員，但我看到你的無限潛能。只要你一直堅持著這份熱誠，不久的將來，你必定成為一位出眾球星，遠遠的，遠遠的超越於我。
這一刻，我不想再傳授任何絕技給你，甚至想你原地踏步……
現在，我的確有這感覺……
後記：
當徒弟們發覺自己實力遠超於師父的時候，他們很自然會看不起這師父，不再尊敬這師父，有的甚至殺掉師父而奪去其地位，真的可怕！
「教識徒弟無師父」相信是古時一眾師父的座右銘，他們總會留下一兩招獨門絕技沒有傳授給徒弟們。怕的不是徒弟們青出於藍，怕的卻是徒弟們欺師滅祖。
今日雖然一早就起左身，但係個心勁咁想上Networking，所以一路hea到十二點先返去。食完飯之後去玩一陣大富翁解悶，最後三點幾先上堂，勁hea！
係搭車返屋企途中，美院突然打黎問我去唔去九龍灣有線果度睇波。我當然支持巴西啦！因為已經無其他場值得我支持……
原來今晚林海峰都有黎睇波，之後玩左一陣遊戲就開始睇波。
賽果好正路，氣氛又夠，好享受今次既現場直播。臨走既時候又派禮品，真係又食又拎。=]
好歌獻給妳 <3
今天，天氣是熱，上堂是悶。
今日一早起身又去踢波，本來諗著我、妹隆、妹進一齊練好波，最尾先出場實戰。結果只有我同妹進黎到，係場邊練習左一陣，咁就話有得落場踢波。
記得以前成日都好想出場，每人仲只可以踢十分鐘。但係無踢咁耐，體能差左好多，而家反而係踢一陣就好想出場休息。
今場有一個入球加一個助攻，最滿意自己第一節既表現。不過「放水節」踢得好hea，又烈日照長空。最後踢左一陣就扮受傷出場休息。
另外，尋晚發夢見番梁同學，我只不過問佢聯考考成點，點知佢第一句就凶神惡殺咁問我：「你買左保險未！？」
如果無記錯佢應該係聽日考數學科，祝佢好運，遇到識做既題目啦。
今日同妹進去左沙廠踢波，個度好空矌，真係烈日照長空！曬到我頭暈暈、腳軟軟！基本上今日都係行行企企，用把口仲多個用腳～哈！
今日一整天同Flash玩遊戲，終於俾我打爆左所有Grow版本既遊戲！
我覺得依類遊戲真係好有挑戰性，每一樣野都會影響住另一樣野，而且各自既成長速度又唔同，所以會有好多可能性。
玩完依d Flash Games令到我自己對Flash既興趣大增！跟著就同baby開始製作我地既新網頁，今日整在一棵搖搖樹，同一隻可愛小MilkMilk，我覺得隻貓貓真係好得意，佢識得細細步行，而且又會眼look look周圍望，最厲害係佢識得食蟲仔！
真的很奇怪，往日我聽了這鈴聲後，總想一直睡下去，但今天已沒有鈴聲的呼喚，我倒是精神奕奕地起床。
早上醒來的感覺很好，用了替梁同學補習的時間，整理了我的網上日誌。原來當年今日，是中七同學仔的畢業晚餐……我還記得旦旦手舞足蹈的神情……
下午到了大口環醫院，有一種重臨舊地的感覺。看見一張張排列整齊的輪椅，我便回想起小三這年，我也是與輪椅、拐杖同度時光。雖然腳斷了，學業跟不上了，但看見同學仔在石膏上的每一筆，每一畫，心裡卻高興著了。
p.s.【廿三話】