Month: March 2006

今日第一次同小丸合作，一開始就做最難既EC.Lab，不過都可以準時完成，係一個好既開始，下次繼續努力。

夜晚被人發現我帶眼鏡，仲話我ＸＸ，好明顯係有偏見啦！

p.s.被騙！不過唔洗咁介意啦！

近日因某事令我煩躁十分，雖然表面波平如鏡，但內裡卻翻雨覆雲。幸好經歷一天的狂風大浪後，現已回復一片平靜和諧的景況。

今日大清早就起身，獨自上DE做Lab，幾經辛苦終於都有閃燈，有聲音，真係大感動啊！！好多謝Johnny既提醒！大感謝！

近日依個David.Lab真係令到我好燥火！失敗、失敗、不斷既失敗真係好沮喪！做依個Lab既感覺就好似以前既Logic.Lab一樣，好煩，好多線。但係有一點唔同，就係拍檔……

以前同阿科一齊做Lab，雖然都係不斷失敗，但係大家嘗試、嘗試、再嘗試，抄下隔離組，問下同學仔，點都會諗辨法完成個Lab，拎晒10分！屢敗屢戰，屢敗屢戰，終有成功既一次！

講真，而家做Lab真係無左當時既感覺，各自為政，互相推倘，大家指責對方，其實一組人應該要齊心合力，專心一意完成個Lab！因為做好個Lab都係大家既責任！

生氣只是把別人的錯誤，罰在自己身上的行為。

重臨的感覺，仍是這麼討厭！我討厭齊宣王！

單天補至尊，誓要力挽狂瀾！

今朝早同妹耀拎左眼鏡之後，就返Poly幫兩位大小姐補習，約佢地一時半，結果三點先到，原來兩位千金去左行街睇戲。－,－

其實係你地去考會考，又唔關我事，點解我仲好似上心過你地既！？路係自己行既，你地可以問路，但係就唔係叫人送埋你地去囉。

另外，今日真係對不起某人，要你等左咁耐！我都唔想咁遲！見你開心番就好喇！其實你個髮型真係好可愛，唔洗用格仔帽喇！=P

p.s.冬天小姐！我想同你講「拜拜」而唔係「再見」。

我返黎喇！今日…唉，白費心機…原地踏步…真係好想爆粗！X#Y$%Z

今日自己一個人返Poly做David.Lab，睇到DE裡面都有好多同學仔仍然努力同555搏鬥！所以我都要加把勁！可惜……

唔知點解，我已經檢查左好多好多好多好多次個線路，試過好多好多好多不同既電阻，又試過重新再駁過塊底，但係結果仍然無變！！DE裡面d工具又唔知點解得咁少！更加唔明點解d可變電阻隻腳要做到咁鬼死人短！

我明明無駁錯線嫁！但係我真係好想好想搵到自己駁錯線，因為起碼知道自己邊度出錯！而家又唔知點解塊版唔work！真係大沮喪啊！

曾經有一次可以整到粒LED閃下閃下嫁！果一刻真係超開心！難得有一個大突破！不過之後又打回原形！超級大沮喪啊！

我唔明啊！我真係唔明點解次次做Lab都要用咁多時間！

p.s.突然好懷念阿科…好想再一次同佢做直掌YEAH YEAH慶祝動作…

妳是很懂得玩樂的性情中人；熱情是妳的本錢，加上開朗的性格，經常令人受到妳的感染；不過當妳獨處或面對最親密的人的時候，妳會變成了另一個人。因為妳很喜歡想東西，會經常想個人和這個世界的事，可以話，妳是個表裡不一，滿有知性的人。

最大的難題是，不容易令人真正的了解妳；因為妳很容易叫人誤會你是不用腦筋，整天只懂得去玩，更容易令人覺得妳不專一，其實妳想找一個能和妳一起去玩，又能分享內心世界的人。

知我者，不用一言一語，心照不宣也

今日重拾上堂狀態，但係我個拍擋呢！？訓覺、搞事、做謠、畫畫…

放學之後同Rocky去左CF做C++，途中家姐黎Poly溫書，所以陪左佢一陣。之後繼續C++，做番晒之前既練習，不過後來發現有兩個未完全成功。但係點都好，多謝Rocky！

到左七點鐘，唔知做咩事！突然有好多野做，又有成十幾個電話打黎！果時我Demo緊Program俾阿sir嫁！占士又不停打黎叫我教佢，我自己都未Demo好，又有大把野做，自己都唔得閒啊！個阿sir又麻鬼煩！長氣到死！一入到去就不停講廢話！搞左成一個鐘先可以走人！好燥火啊！！

跟著就出梨和園食韓燒，今次有好多同學仔都有出席，但係大家出到去先知，原來今次聚會既目的係幫多多、富貴、師奶慶祝生日！XDD

唔知點解近排ATS同學仔好鐘意攪聚會，可以大家都分別左好耐，各散東西，每個人都想見一見大家一面。不過我成日都覺得成班人出到黎食野之後，梗係分黨分派，各走各路，希望大家團結少少啦！

多多生日快樂~~~

p.s.「多多」成名之迷！期待！

尋晚通宵溫書加睇波，搞到一朝早精神不振，EC2.test表現一般，好彩有一班好同學仔既幫忙，成績應該都幾樂觀。=]

其實每次測驗之後，我都會好留心上堂，今日都唔例外，好俾心機上堂聽書。而且仲有另一個原因，就係無左魔鬼係我旁邊誘惑我！

可能自覺真係時候要上力，雖然話已經收到offer，但係前排成日走堂，咩功課測驗都係靠好同學，真係唔對路。加上，今日聽Linear個阿sir講左一番話，喚醒番自己入大學既真正目的，所以又係時候要努力！

專心上堂，時間過得特別快。放學之後就同妹耀去香港仔買野。哈哈！終於都買左眼晴，而家可以隱形喇！

今晚我要燃燒生命！同EC2鬥過！占士！你睇著黎！我就算無上過堂都一樣可以高分過你！.\ /.

意志 ||||||||||||||||||||||||||||||||||||||||100% MAX

我不行，我就不上，但如果我行，何不爭取一個機會