Month: March 2006

今天與Simon一起食晚飯，學會了「犧牲」。進入Sem.2後，我犧牲了足球、小寶、金爺，但換來是甚麼呢？

想了又想，其實犧牲是不望回報的。現在，我只想履行我的責任、實踐我的承諾、完成我的工作。因為不望回報的回報才是最大最好的。

p.s.今日見妳既留言，充滿能量！我會俾心機做晒所有野！

今天是星期四，也是最多課堂的一日，收到了EC2的成績。嗯…是一個不俗的數字。看過了這數字後，上甚麼堂也起勁上來！

Linear System是我一直以來沒有走堂的一科，因為我很喜歡這個老師的教學態度。今天他引用了老子的一番話：「知人者智，自知者明。勝人者有力，自勝者強。」沒錯！常言道「要贏人先要贏自己！」真正的敵人才是自己內心的魔鬼，不求與人相比，只求超越自己。

雖然將來的日子有很多挑戰接種而來，但我不懼怕！因為相信自己有能力去克服！我很滿意現在充滿鬥志的我！

鬥志因妳而起！不得不見！

p.s.今天與阿King一起吃午飯是第一次呢！=]

悲觀也改　沒有舊人存在

今天應該很累，但出奇地精神…

很想在xanga裡說很多很多的事，可惜真的很忙…累

很累…真的很累！不好意思，睡著了…甚麼也沒做…

你還要努力下去！不能給別人看低！還有很多很多報告等著你！

每一次和妳分開　深深地被妳打敗
每一次放棄妳的溫柔　痛苦難以釋懷
每一次和妳分開　每一次Kiss You Goodbye
愛情的滋味此刻我終於最明白

去完迪士尼lu….好玩！

3D立體戲院、獅子王慶典、米奇頒獎典禮、花車巡遊、小熊維尼之旅等等都好令人回味，我覺得裡面每一個地方都好細心去設計，簡直係一個夢想世界！

(詳細內容後補)

i love…

C++test完成，唔係我想像中咁難，不過有好多題都唔肯定，應該合格但係唔會高分。跟著一直留係Poly，係CF仲俾我見到尋晚個硬膠人！

9:30斷背山，我終於找到自己既斷背山！=]

一般人提起【斷背】就會直接聯想起「同性戀」，其實「每人心理都有一座斷背山」並唔係咁解。今晚睇過《斷背山》之後，更加肯定斷背山既存在！斷背山裡面，可以忘記所有世俗既枷鎖，自由自在，我行我素！絕對係一個遠離社會既理想樂園！

我們輸了

由一開始報名參加打EIE.Cup，我就無預過我地可以贏到冠軍。因為我見到我地班既同學仔係Open.Cup俾人大抄七蛋，所以對佢地都無咩信心。

第一場，寒冷既天氣下，無默契既我地踢得好差，雖然早段先開記錄，但係完場前輸左一球好無奈既九碼，最後和波收場。大家果晚都有訓唔著既感覺，因為跟本我地係可以贏…

第二場，我地好有鬥心，因為要大勝對手先可以出線，結果大勝五比二。雖然係贏波，不過出唔出到線都先睇另一場比賽。好彩，輸比我地果隊竟然大勝和我地果隊五比一，結果我地小組首名出線。

雖然EIE.Cup只係踢左二場，但係其實我地其間已經踢左好多次波，大家慢慢已經建立左一份默契、一份友誼！

以前同其他人踢波，好少會互相鼓勵，反而係互相指責。不過EIE依班同學仔就唔同，每一次比賽都好有士氣，隊友有失誤，會指點；隊友有入球，會鼓舞。所以每一次同佢地踢波都係好開心。

今日終於都到決賽，我地就好有鬥心，一開始，靠我既入球而先開記錄，但係佢地又追和。跟著靠阿榮又領先一球，可惜我既失誤，又被人地追和。其實大家都好緊張，所以大家都好燥，去到中段我地緊加打交、口角……結果對方一個球員同阿燊都被球証趕出場。

半場之後，因為佢地有球員傷出，我地更加打多一個球員，可惜，反而被佢地一球遠射而反先！其實完場前我地有一個可以追和既機會，不過我把握唔到，中柱彈出。最後抽根既我，只能夠望著球証吹響完場既雞聲……

對手平均實力的確係高過我地，打少一個都可以頂到我地，而且仲有好多反擊機會，所以輸得心服。雖然輸波係唔開心，而且有少少唔甘心，但係大家經歷左依一戰之後，好似友誼又進左一大步！

各位同學仔！我地ESA再努力啦！我們輸了，其實是贏了！

哈哈！銀牌反轉就係金牌！XDDD

p.s.對面個球員好硬膠…

好耐無上過既EC2.LEC，今日終於上番。雖然有一半時間要黎做左LS功課，但係其他時間都好專心。

食晏既時候同阿榮佢地討論EIE既問題。大家都覺得好灰，因為如果升左上去之後，三年內都要過著不斷做實驗，交報告既日子，諗起都覺得可怕！

p.s.聽晚就係決賽！各位加油啊！將所有怒火發洩出黎啦！

315…B-day

今天對我來說，絕對是一個很有紀念性的日子，算一算，原來彼此已經認識了三年的時間。還記得第一次遇見妳的時候，在公共巴士上，看到妳那動人的身段、秀麗的長髮、甜美的聲線，便深深地被妳吸引著。可惜，我倆互不相識，很快便分開了……

是否命運的安排，我們再一次相遇！不幸的是，我竟然忘記我倆初次見面的情景。但幸運的是，我知道了妳的名字，也就是因為這三個英文字母的特別組合，在網絡上，我開始找尋這些失去的記憶碎片。

我嘗試在搜尋器中輸入這三個英文字母－BoA，一瞬間，出現了近千萬個搜尋結果。命運的再次安排，在云云網站中，我選擇了BoA Forum in HK 的前身，一個極少會員知道的神祕網站。

進入網站的同時，我聽到一把熟悉的聲音，雖然音樂有一點拆，但是這扣人心弦的旋律，卻令我著迷。自此之後，我便不斷發掘妳的過去，不斷追尋妳的蹤跡，直到現在。

這就是我與小寶相識的經過。

三月十五日的這一天，我便認定妳是我人生中的第一位偶像。