Month: February 2006

IC.Drawing個Miss變態嫁！每次都要俾好多好多好多堂課、功課我地做，聽日要交好多圖喇！隔離組既同學仔次次就畫完好簡單既堂課就可以走，唔公平！CRAZY！

放學之後就周圍行黎行去，內容秘密……八點幾左右就行到CRXXX，岩岩見到古人唱緊歌，不過……內容唔講。

古人係一個好好既天蠍女，好人係有好報既 =]

p.s.今日唔記得左小寶，對唔住……聽日我會帶妳黎屋企嫁喇！

有一件大事要公報！！【B-style】終於突破一萬大關！而第一萬個幸運兒就係……Claire！好！一於整個【B..style】俾你啦！XDD

講起Claire，真係好任性，尋晚佢竟然同我鬥耐唔訓覺，真係無有識死！！當年我會考通宵排聯招、連環通宵趕功課、長洲通宵睇日出等等，全部都鍛鍊出我無比既意志！

正所謂有MSN就有力量，有Xanga就有衝勁，我一邊同朋友仔玩MSN，一邊睇朋友仔既Xanga，輕輕鬆鬆就去到五點鐘。

不過最後我見佢把聲已經無黎神氣，仲要好硬頸話無事，唔棄權，又怕阻住佢細妹無覺好訓，咁我就棄權俾佢地訓覺啦！哈哈！

另外，今日見到一樣咁既野……想點……

最可憐係個位黃衫小女孩……點解香港會出現一個咁樣既人，想練功唔該番去深山啦，依度係火車黎嫁！

p.s.【第十六話】已經有喇！

今日由朝到晚都不停同好多朋友仔傾偈，SMS，MSN，ICQ，電話，面對面，除左無寫信就真係差唔多用晒所以傳播媒介。我發覺同人談天說地真係好開心，又可以增進友誼，又可以互相了解，簡直係人生一大樂事！

夜晚又同番一班舊同學打波，之後去海怡食飯，其間互相不停影相，大談舊事、趣事、生活事！感覺朋友真好！！

今日真係好開心！喜上加喜！因為我地EIE.Cup終於都殺入決賽，可以決戰車仔！雖然英超聯阿仙奴贏唔到車路士，但係決賽一定會用盡全力打敗車仔，為阿仙奴爭光！YEAH！兵工廠發歲！

p.s.分享一個十七既【外傳】，等大家了解一下十七歲既十六歲啦！

人生沒有多少個三年，既然要付出三年去學習，那就要選擇自己喜歡的，覺得有趣的，好好享受這條風光大路。

普遍香港人都有明確目標，努力讀書，到大公司工作，出人頭地，買車買樓，然後結婚，整個社會都好像朝著這個方向走。如果工作只是用來養活自己及家人，其實是很可悲。

人生有三分一、二的時間都是在工作，所以最理想的工作應是到了六十歲，回想起來都會笑的工作。

小眾的路從來都不易走，過往有多少人抱著滿腔熱誠上路，但能堅持走到最後呢？我想，只要堅持自己所想，我有信心你們能走出一條屬於自己的路。

轉自飛紙仔中的一篇謝安琪訪問

一朝早James打電話問我返到Poly未，如夢初醒既我睇一睇鬧鐘……唉，八點半，算啦！唔好返學繼續去訓覺，因為遲到好樣衰！點知發覺訓醒既時候已經係十二點，結果走晒上晝所有堂！>.<

下晝返去溫書做功課，而且更加無走Maths堂！不過我都係一邊同同學仔傾偈，一邊留意阿Sir既小動作，哈哈！

最近我識左一個讀design既朋友仔，佢講左好多攪笑野俾我聽，我覺得佢既生活好寫意，好多空間！好想走晒所有悶蛋lecture堂，去出面見識一下依個世界啊！

p.s.【第十五話】已經有喇！

完結了……一切也完結了……一切也完結了……

這星期內的兩份測驗及兩份功課已經完結了，雖然全是抄襲我的好同學們，但總算是完結了……

這三個月來，一直在想，一直在想，想了又想，我想通了！雖然我們沒有開始，但確實完結了！在最美的一刻完結，留住回憶，我想是最好的！沒錯！遺憾美是最好的！

同時，沒有衝勁的日子也要完結了，明天重新開始吧！=]

你知道嗎？你是最好的！你要學好多野！你要做好多野！

p.s.十七歲的【第十四話】：你知道我在荒廢了十二月嗎？

賤壇新人王，互助互愛測驗卷，5E籃球聚會，明日浩劫

今日見番好多同學仔……

aki、阿雞、齡齡、安仔、勤、多多、June、四哥、馬仔……

p.s.祝阿雞 & Connie HaPPy BirThDaY~~~

今日一早起身就開始整開心情人節甜蜜蜜賀卡，之後去訂濃情愛意鬱金香，跟著就送俾四號情人。意外地收到六號情人既甜絲絲心型士多啤梨，最後就同千金小姐一齊享用浪漫情迷燭光晚餐。

嗯…我既情人節就係咁過喇……

後記：這一天，我認識了妳。

2.14

情人節，對一雙雙的情人來說，絕對是一個又浪漫又難忘的日子……

祝願天下有情人，能成美眷～

一朝早，興致勃勃去數碼港睇【賊壇新人王】，點知中途aki打黎話無早場，結果要改期……大失望！然後我地去泰皇食久違既豬扒河，食完之後，當然係去秋萍買我最愛既白兔糖！不過唔知係未食得太多，攪到我好肚痛！

之後返Poly去畫畫，Miss俾好多Classwork我地做！下星期仲交成十幾幅圖。本來諗著留番係度繼續畫，點知無人陪我，Miss又要收番晒所有工具，結果都係去Lib溫書好過！

經過JF既時候，見到好多人係度拉票，結果我都俾Connie拉左去投票XDD

跟著就一個人去Lib溫書，唔知係未全部人都去晒拉票，圖書館變得冷冷清清，靜到下面拉票既吶喊聲都隱約聽到……結果我都係去CF溫星期三既I.T.測驗，我見到阿樂同阿菜，然後走既時候仲見到一個不便透露既神祕人。

睇黎神祕人生活得都幾好，不過記住：【多行不義必自斃】！

返到屋企就收到ESA既電話，諗著去睇睇下場對手既賽果，點知搵黎搵去都搵唔到ESA個網，都唔知班ESA莊員點搞……

今日做咩打得咁詳細ge….