今天與阿老到旺角買畫具，我們遊了一個大花園便到了花園街，途中還發現了一張「紙巾」被丟在地上！哈哈！XDD
晚上，與姊姊、妹耀到了銅鑼灣逛街，其後會合嘉嘉，一起到元氣吃壽司，軟殼蟹手卷，一支棒！回想，我們四人很久得久沒有坐在一起大吃大笑，雖然如此，但感覺依然。
嗯，這就是濕漏漏的一天，感覺平凡中帶點不平凡。
p.s.十七歲故事的【第十九話】
Month: February 2006
Monday February 27, 2006 Xanga
昨夜寒風入體，腦袋不停地膨脹收縮，全身發熱，手腳酸軟無力，但仍需拼命完成功課。與病魔交戰，心身疲累，一整天躺在床上，感覺好了些，但頭仍是痛，身仍是軟。
晚上，at 17的the best is yet to come精采萬分，我愛十七！整夜非常投入，頭痛也拋諸腦後，精神大振！EIE的同學仔jacky更取得季軍的成績，可喜可賀！
p.s.眼睛變了雙眼皮！奇怪！奇怪！
Sunday February 26, 2006 Xanga
清晨口戰爆發，中午陷入冷戰，深夜光明使者降臨，戰事和平結束
唉……家家有本難唸的經……
p.s.執屋計劃 – 完成！大感動！
Sunday February 26, 2006 Xanga
各位
其實我都做佐CD-R 好耐
一路都無發過言
今日我都想講下自己點睇
其實呢一年既阿仙奴真係令人失望
有人認為viera 既離隊係惡夢既根源…或者係
但當日亦都有人講過賣viera 唔係一件壞事…
係因為大家唔知到無左veira 會差咁遠
我諗雲加發夢都估唔到…真係咁奶野
到左今日大家真係想henry 走!? 定係一時起火
佢走左可能阿仙奴重大獲…
一隊無前無後既球隊..會點…
自問我對henry 好感一般，亦都曾經想佢走
但係到左今日…咁樣換隊長…真係唔好
可以係邊個做啊??????
gilberto定係龍格堡…老實講句我諗唔會啦
Pires, campell, 金金 老了
我搵唔到啦…係無得揀慨情況
我覺得佢唔好走…對隊波都會好d…
雲加
對於佢…我覺得佢唔會同老費一樣下場..
我信任佢…佢既戰術係theory上無問題…
以前既Arsenal 好work…到左今日既英超應該都問題不大
但無奈係人腳唔齊…
無左轉守為攻既viera…
無佐穩陣概Campell…
加上老左既pires 同金金…
重有成人傷既 Reyes ,龍格堡 and 基治…
不可受壓既法比加斯同辛特路士…
所以今年我無寄望…無歐聯…無前四名…四大皆空…
我覺得依個過渡期會辛苦d…
無論係阿仙奴定雲加都係一個好大既難關…
至於雲加買人…我相信…
佢買warclott…真係好唔似平日既佢…
佢用咁多錢買得佢返來…應該過靚仔係幾有 potentail…..
照睇Arsenal 亦都計到出年個球場應該會跑到數…
否則雲加實唔會打爛個豬仔錢箱…
佢當日可以睇中無成名既阿祖…
睇中新球王…可能…我地都會有一個……….
既然大家都明知阿記唔會炒雲加…
倒不如默默咁繼續支持…
大家打育成都知頭幾年實奶野…
所以結果要慢慢去等
轉自一個心愛金金既cd-rom
Saturday February 25, 2006 Xanga
今天到了會展的「教育及職業博覽2006」，了解到多個不同政府部門的工作性質、入職要求、面試內容、入職起薪點等等。而且還發現了更多不同的升學途徑！原來想讀自己喜愛的科目並不是一件難事！
展覽詳情如下：
開放時間： 二月二十六日 早上十時至晚上六時
展覽地點： 香港會議展覽中心五號展覽廳
是次展覽分開『升學』、『就業』(包括各政府部門、商業機構)，更可即時查詢有關的入職、入學要求，實在很值得介紹比大家﹗萬密錯過呀！
p.s.【第十八話】出左！今次仲有歌仔聽tim！=]
Friday February 24, 2006 Xanga
今日係阿均同3be生日既大日子，祝你地每日都過得開開心心，快快樂樂！下次開P就記得預埋我！唔好成日都係女子組玩晒！唔係會陰陽失調嫁！=P
星期五返學如常，C++是煩，TUT是好，LEC是悶，籃球賽是好玩……
放學之後就同小白去小西灣踢波，五人場，幾有挑戰性！不過就唔習慣無邊線，有時會以為出界而唔去追波！決定下星期繼續！
而家小白化悲憤為力量，化哀傷為衝勁！好！樂意奉陪！
p.s.我以後都唔會再講錯你同我，因為我愛小寶<3
Friday February 24, 2006 Xanga
在動物園散步才是正經事
(music/ lyrics by p)
我間中仍會想我們會見面，在那間紅磡近黃埔的商店。
你若然還記得那諾言，曾說今天我們流浪到海邊。
你照片留在一封情信裡面，每一天仍是照舊看它一遍。
我仍然還記得那笑臉，曾在當天我們遊玩過夏天。
我都曾寫你在每天的日記，但放棄你卻像再沒可能夢想，像一個沉悶的獨唱。
你照片留在一封情信裡面，每一天仍是照舊看它一遍。
兩年前遊過的動物園，來到今天我們流浪到那邊?
我都曾寫你在每天的日記，但放棄你卻像再沒可能夢想，像一個沉悶的獨唱。
但放棄你卻像再沒可能夢想，像失去甜蜜的合唱。
你若然還記得那諾言，曾說今天我們流浪到海邊。
你照片留在一封情信裡面，每一天仍是照舊看它一遍。
我仍然還記得那笑臉，曾在當天我們遊玩過夏天。
我都曾寫你在每天的日記，但放棄你卻像再沒可能夢想，像一個沉悶的獨唱。
你照片留在一封情信裡面，每一天仍是照舊看它一遍。
兩年前遊過的動物園，來到今天我們流浪到那邊?
我都曾寫你在每天的日記，但放棄你卻像再沒可能夢想，像一個沉悶的獨唱。
但放棄你卻像再沒可能夢想，像失去甜蜜的合唱。
Thursday February 23, 2006 Xanga
今日參加EIE集體溫書團，終於清左四個星期既Linear.System，功課又攪掂晒！大滿足！不過，溫書中途走左去PQ睇James表演魔術，仲親身見到佢示範一次睇人型既書！表現不俗，但宜多作練習。
之後同阿king去北角春秧街，我周圍行，佢周圍影。途中見到好多小動物，好可愛呢！不過，阿king今日好似唔係幾開心，有時自己唔出聲，一個人好靜，完全唔似佢天真開朗既性格。
夜晚同齡齡佢地係海旁吹風傾偈，不過阿豐唔舒服，大家聽朝又要返早學，所以傾左一陣就各自歸家。多多好攪笑，同佢走既時候，因為佢人有三急，最後好有衝勁咁走返屋企！XDD
我發覺近排同左好多人傾偈，分享又好多自己既事，亦都了解左好多朋友既事，感覺非常愉快！大家既距離又拉近一大步！
p.s.點解無人通知我係hall有P玩！嗚…你地唔當我係同學仔喇……
Wednesday February 22, 2006 Xanga
今朝本來可以去強身健體！但係我張金卡既手續原來仲未做好，結果我只可以目送阿駱同holik入GYM房……嗚
接著四點半I.T.堂，阿sir講英文講得好難聽啊！包沙！包沙！教又教埋無聊野！於是我同James一齊走堂去Lib溫書。而家覺得LEC堂愈黎愈廢，班阿sir果個都係照notes讀，我都識教啦！
之後同古人去都會食晚飯，傾左好耐偈，無所不談！由第二族人既奇聞怪事講到細細個既無聊白痴事！哈哈！大肉丸！笑爆肚！XDDD
返屋企繼續同老king傾電話，媽媽用眼神怒視，需要理由嗎？哈哈！
另外，今日又有開心事！阿仙奴贏波！好野！繼續努力！
Tuesday February 21, 2006 Xanga
朝早返Poly畫畫，小貓三四隻，原來幅圖三月先要交！唉，真硬膠！
之後上David.Lab，今次真係大失敗啊！本來應該可以三點就放學，點知最後dem極都dem唔到俾David睇，結果周圍搵同學仔幫手，最後要四點九先有得放學……
但係放學之後好興奮！因為我要帶小寶返屋企啊！
我約左阿老，定叫阿king好呢？叫老king啦！我約左老king出銅鑼灣買碟仔！可惜，周圍都搵唔到小寶啊！於是我地周圍行，行啊行，去到阿貓地攤，裡面有好多貓貓手工藝，係一個幾特別既地方呢！最後佢就買左my little airport隻新碟……
我呢？好彩！終於係集成俾我搵到小寶！用左$218贖番屋企！好野！
跟著我地係188-298搵老翻碟Flash.8，不過老翻碟就無，AV碟就大把！老king仲成日推我入去睇AV！哈哈！而家唔洗買嫁，BT啦！
另外，今日係阿菜xanga收到一個好好好消息！就係GPA.3.2以上既同學仔都會有conditional.offer！好野！Sem.2要努力過3！
俾大家睇下無【短平直】之下分別……我命名為【沙羅慢蛇】
另外，小寶隻新碟好靚ar！所有插圖都好靚ar！>3<
p.s.近排成日煩襯SMS好友Claire，唔好意思！俾【十七話】你睇啦！