前幾日，我講左一個大話，一個呃自己、呃大家既大話。不過幾日之後，我將依個大話變成事實，咁樣唔知算唔算講大話呢…
星期一，我話自己執好左張書檯，事實上，個時自己好頹廢，當日我根本咩都無做過，結果，我幻想自己過得好充實，執得張書檯整整齊齊，仲係xanga寫左出黎…以為呃到自己，呃到其他人。
其實，張書檯由考試開始，就已經亂過亂葬崗！一直都好想好想執得張檯乾乾淨淨，但係只怪自己係一個懶惰既人，過左一個sem.break後，張書檯只係變得更加零亂！
今日，我終於都忍受唔到張檯，更加忍受唔到自己！所以，我下定決心！實行【清潔書檯大行動】！！
結果，今日張書檯被我執得整整齊齊，感覺大滿足！！
沒有理想，只有呆板的，生活在機械式社區。
我的理想？我想飛！
有理，自然有你賞識。
My PolyDream…PolyLife
今日繼續分享未完既十七歲…
第二話：步出學校就是戰場 (上)
我的手機在放榜後五分鐘便響過不停，來電顯示只有一個字……「家」，我知道是媽媽，我猶疑半嚮，最後也按熄了電話，沒有接聽。
「三…………………分」這兩個字我實在不知如何向媽媽說出來。
手機響了三次，三次也是「家」，實際是我的媽媽。第四次響起了，來電顯示變成三個字「麻麻家」，這次是姑姐。姑姐與媽媽並不咬弦，於是我放心地把成績告訴她。
由姑姐對於會考的計分制不大明白，我簡潔地交待中國語文及英國語文Ｆ，其他一切也不用多說吧！
第三話：步出學校就是戰場 (下)
姑姐分別來電了三次。第一次問會考結果；第二次問我如何是好；第三次叫我到天水圍的一間新中學去試試找重讀班，她還有一個當校工的朋友，可能有機會幫助我，但不耐煩的我實在忍不著向她咆吼…
「中英文衰左，做校工都唔得啦！何況要學校收我Repeat！」
「試下唔洗死啊？！」姑姐反咆吼我。
「試下唔洗死！因為我已經死左！」
我當時真的很想說出來，可惜沒有膽量的我卻開不了口。
雖然不知如何是好，但我仍向著一輛的士飛奔過去。正當我開門之際，我被某人拉得老遠，她正是女班長的媽媽，母女們二話不說便竄進車廂裡…
我還看到，女班長在車內仍向我投以「廢物」的眼神！
後來的的士，所有也蓋了旗，我在校門外等了很久，直至某一部空的的士駛近。這次，雖然我又遲了一步，但是我再沒有禮讓對方！別人怎樣對待我，我便怎樣對待人！
我拉開了他，便立即走進車廂，向司機喝領：「開車」！
待續…
好煩啊！咩野我都做唔到，廢物！
今日，我想同大家分享一個十七歲既故事…
第一話：放榜……完結！
我不知道失戀有多痛，我只知會考失敗有多慘。
拿著成績單的剎那，手心出汗、心跳加速、欲哭無淚等反應，全也欠奉，看著成績單的我，腦中只有一片空白，感覺像被鋒利的影印紙劃上指頭，皮肉明顯被割開，還未即時出血、手也不痛，但心知，大事不妙了！
稍有意識的時候，同學已各散東西，我不知自己空白的時間有多長，但最多也不過是十多秒吧！好友們大多也沒了影蹤，剩下來的同學與我也不甚相熟，我只見肥佬陳Sir正在安慰目無表情的女班長，我走過去，正想問他，以我的成績該如何是好…
「唔好諗咁多喇，考十科，有30分，只係兩科失手！唔洗擔心！」
肥佬陳Sir說。
對！30分應該不用擔心，不過，成績卻是女班長的。
肥佬陳Sir斜眼瞄瞄我，接著問我成績如何。
「……3分」我答。
「3分都係咁啦，你唔好擔心喇！」
肥佬陳Sir繼續安慰女班長，完全視我於無形。
女班長瞄了我一眼，眼神的內容很明顯只有兩個字：「廢物！」
其實大家也是三字頭，不過她是雙位數、我只是個位數吧！
「有咩打算啊？」肥佬陳Sir竟然先開口。
「我都唔知，應該點啊？。」我答。
「快d去遠少少又岩岩新起既學校搵下機會啦！」
肥佬陳Sir的氣語就像督促我快一些離開學校一樣。
找機會？甚麼是機會？找它幹麼？
待續…
因為妳的一則留言
牽動我原來一池平靜的湖水
穿過冰靜的涼意 我眺望一世的愛情
十月廿八日
今晚對【佢】既感覺好特別，雖然佢一直對我講，佢點樣鐘意另一個男仔，點樣認識另一個男仔，不過，我既心情竟然好平伏，反而見到情荳初開既佢，覺得有少少好笑。可能自己已經放低左，對佢既感覺而且唔同當初認識既感覺。
即使知道自己只係一個攝時間既同學，但係同佢傾偈仍然係好開心。因為我只係希望，佢可以成為一個可以互想分享快樂，分擔憂愁既好朋友，好知己。
在心中 is OK!
無聲彷有聲
今日我聽到一個關於你既傳聞，我都搵過阿豹，佢講左少少野俾我知。我諗情況未必係你想像中咁壞既。希望一切依舊，可以繼續同你一齊上堂。
其實上次同你講野既時候，只係掛著講自己既野，無顧及到你既感受，真係唔好意思，對唔住。有時你成日收收埋埋，我真係唔知你係點諗，不過當時我係真心支持你嫁！
尋人啟示
自一月十二日起，科同學看過自己的考試成績後，便不知所蹤。我們很擔心他的現況。看過了多份報紙的大小篇章，幸好未曾發現中國籍男子自殺的案件。
若科同學看過此啟事，請盡快現身，或致電給小丰同學，以報平安。
小丰同學謹啟
