Month: December 2005

好丟臉！真係好丟臉！灣仔班市民人竟然仲可以係度笑笑口睇好戲！更加有個不知恥辱既無知市民竟然仲好自豪咁舉出Ｖ字手勢！！俾外國人見到真係羞家．．．

雖然班農民搞到紅隧停封，灣仔、銅鑼灣地鐵站入口封閉！連去荃灣做節都要取消！但係我仍然支持你地！加油啊！盡量發表你地既不滿啦！不過唔好周圍搞事啊！如果你地行為過激，世界只會關注你地既暴力行動，而唔係你地既強烈訴求！

香港既警察們！你都好支持你地！盡力維持香港治安穩定！保著香港既國際聲譽！特別係要保護個班湊熱鬧既路人甲乙丙！

唉，好矛盾！最衰係班邪惡領袖！

好凍啊~~！今日真係有史以來最凍既一日！凍到我移動力大減一百！結果成日一個人自己係屋企亂彈琴。

另外，食完飯個時，行行下無啦啦唔見左simon佢地！打左十幾次電話俾佢都唔通！真係可惡！於是無理佢地，自己同阿正、占士去BC溫書。BC間課室好溫暖，成個人唔同晒，溫書都上力好多！不過，溫到十一點又要返去個大雪櫃裡面，最後又係一個人自己亂彈琴！

依排成日自己一個係度亂彈琴，雖然亂彈識左好多首歌，但係好浪費時間！sem.break一定要學識點樣睇琴譜！唔可以再徙時間去逐個音逐個音去撞！

下面係一個好特別既Flash動畫！推介！

『 STEP!』

http://www.geocities.co.jp/AnimeComic-Brush/4033/natsumi-step/index.html

你睇到既只係一個普通Flash動畫。愉快既背境音樂，令人歡愉既動畫。但．．．你認為真係咁簡單咩？

請再睇下另一個連結啦！

http://www.geocities.co.jp/AnimeComic-Brush/4033/natsumi-step/naki.htm

你見到剛才Flash動畫裡既女仔係度喊嗎？

可能你會覺得好疑惑！明明頭先好開心，無啦啦喊咩野！？不過，我信相觀察力好既你應該係第一段動畫就開始有疑惑！

唔記得喇？！不妨再睇下面果個連結啦！

http://moemoeoh.hp.infoseek.co.jp/natsumistep/natsumi-step.htm

入到去之後，你會發覺到全個網站都係日文！不使擔心，只要將編碼轉為繁體中文，再拉到落少少就會見到有一個中文講解。

睇完上要三個連結之後，你將會對第一個Flash既精心設計而目瞪口呆！

最後，再睇一睇真實既故事啦！
http://www.geocities.jp/icefall_storm/advent.html

兩年前，有一位南韓農民去到墨西哥世貿會議示威區爬上圍欄，佢跟著用一把軍刀插入自己心臟，佢既生命就此而結束。世貿究竟做左咩野事，令人要用生命去抗議？

近幾日我地會見到有一大批南韓農民去到灣仔海旁示威區抗議，佢地既行動非常激進，跳海、燒祭壇、搶警盾，甚至赤手空拳沖擊警方防線。佢地好明白無論做咩行動，點樣沖擊都係無辦法闖入會展議場，但係佢地點解要咁樣做呢？

目的只係希望引起各界既關注！

我相信如果世貿唔係係香港會展舉行，大多數既香港人（包括我）都唔知世貿究竟發生緊咩野事。幸福的香港人，我地要好好反省！

今日南韓農民更加用三步一叩既方式表達不滿！香港人係時候要做野喇！我地豈可冷眼旁觀！

今日溫書溫到好悶啊！又要玩下ＩＱ題刺激下大腦！

準備，開始！時限一分鐘！

答案

今朝部電話又唔響！差少少又唔知醒去reg科喇，好彩有connie叫醒我！大感謝啊！不過有少少唔安樂，佢叫醒我去reg科，反而佢自己又reg唔到。佢明明早過我login嫁！點解會咁嫁呢？

算啦！塞翁失馬，焉知非福！唔好唔開心喇！=]

天下間豈有【有借無還】既道理！？要還既始終要還．．．

今日如果唔係占士叫我起身，我諗自己一定會遲到而考唔到試，大感謝！本來以前自己受到幸運女神既眷顧，原來一切一切都只係死神為我而設既死亡序幕！

詳情唔想講，總之要表現差勁！成個人好似受左咀咒一樣！

p.s.近排覺得自己無盡球迷同歌迷既責任，波又唔睇，碟又唔買！

記得當初的承諾嗎？現在就去實行吧！

上次只係付出少少就可以獲得理想既收穫，今次真係好驚會一次過還番晒所有既成果。希望依幾個星期既付出可以彌補當初既代價。

我又畢業了！

今日係足球教練既畢業典禮，我地依班準教練終於可以再一次眾首一堂！我地一見面就大談足球實習既奇閒趣事。我發覺當初既決定係非常唔明智！點解我唔揀去中學實習呢？！

睇番當時我地學急救、職前輔導、技術訓練既記錄片，每一幕都令人回味無窮！最深刻就係上職輔時玩既集體遊戲，每一個遊戲都考驗我地既團體精神、合作能力！雖然難度一次又一次提高，但係我地一次一次衝破！依一種成功感真係好滿足！